Ветерници

Нема врска ова што го збориш, 50% е нереална бројка да се достигне со ветерници воопшто, а камо ли со инвестиција аналогна на онаа што би ја направиле во Белене, плус тоа ваљда се подразбира дека ветрот е непостојан и не може цела држава и економија ко некој едрењак да чека да дувне ветар за да се придвижи.

Бојан Крижај ќе гради ветерници во Крушево Поранешниот словенечки скијач Бојан Крижај ќе инвестира во изградба на ветерници за производство на струја во Крушево. Ветерниците високи по 150 метри ќе бидат инсталирани во месноста Порта. За потребите на словенечката фирма Мосен, сопственост на Крижај, прилепската фирма „Перкан проект“ работи на студија за изградбата на ветерниците. Градоначалничката на Крушево, Лефкија Гажоска, вели дека Словенците една година со инструменти ги проверувале природните услови за користење на ветерот како алтернативен извор за производство на струја. Од „Перкан проект“ објаснуваат дека ја проектираат локацијата на околу 30 хектари кај Крушево. - Предвидуваме инсталација на 53 ветерници, чии столбови ќе бидат високи по 105 метри. Ветерниците, заедно со елисите од по 90 метри, ќе бидат високи околу 150 метри. Една ветерница е проектирана за да има генератор за производство до три мегават-часа струја. Вкупната инвестиција ќе чини околу 180 милиони евра - вели Петар Иваноски, сопственик на „Перкан проект“. Од локалната самоуправа на Крушево велат дека работат на студија и урбанистички проект. - На Словенците им помагаме во доменот на нашите надлежности. По завршување на обврските на општината, државата ќе треба да ги издаде другите дозволи. Истражувањата на Словенците покажале дека постојат поволни услови за инсталирање на ветерници во месноста Порта. Многу е важна изградбата на ветерници, како алтернативен извор за производство на струја, не само за Крушево туку и за Македонија - вели градоначалничката Гажоска. Неодамна прилепската фирма „Металец“, со словенечки и израелски капитал, почна да гради челични столбови за ветерници. Сопственикот на „Металец“, Јандре Здравески, смета дека бизнисот со ветерници е интересен и дека во Македонија може со ветерници да се произведува доволно струја. Поранешниот словенечки скијач Бојан Крижај е заинтересиран за изградба на ски-центар на 1.800 метри во месноста Мусинци кај Крушево. Тој е сопственик на центарот Вучко на Јахорина, кај Сараево. http://www.novamakedonija.com.mk/DesktopDefault.aspx?tabindex=3&tabid=2&fCat=1&top=1&EditionID=283&ArticleID=15205

Ova  so veternicive  izgleda  ni trgna , ke  se gradat  veternici i vo Gevgelija ke ni treba  struja za vo idnina    za kazinata i hotelite  Vetropark veke  gi sredi dokumentite  i se ocekuva  pocetok na  gradbite.  

Шпански „Инвал“ ќе гради ветерници во Источна Македонија Виолета Кожинкова Коментари (0)    09.06.2009 15:56 Шпанската компанија „Инвал“ ќе гради три фарми на ветерници во Источна Македонија. Првата ќе се гради во Штип. Останатите две во Свети Николе и Крива Паланка. Целиот проект тежи 720 милони евра. „Во Штип ќе се градат 66 ветерници со моќност од 3 мегавати секоја или вкупно 198 мегавати. Во 90% ќе се користат постоечките патишта“, вели Џорди Молинер од „Инвал-Шпанија“. Постапката е во тек. Студиите и анализите на терен се готови. По завршувањето на сите адмнинистративни процедури, изградбата во Штип започнува наредното лето. „По добивањето на дозволата за градба ќе ни бидат потребни 18 месеци да ги поставиме овие ветерници, откако ќе ги завршиме со урбанистичките проекти и слично“, вели Молинер. Според анализите штипската фарма на ветер ќе произведува 475.000 гигават часови на електрична енергија, што е доволно за 115.000 домаќинства. http://www.a1.com.mk/vesti/default.aspx?VestID=109793

Андреј нека не те чуди бројката на жители. Македонија не се состои само од домаќинства. Домаќинствата се еден минорен потрошувач. Главните потрошувачи се во индустријата, посебно тешката металургија. Така да аналогијата 500000 луѓе со четвртина државна потрошња не е точна.

lsl поентата беше дека веста кажува дека демек 4 вакви доста се за цело население, и таман + рек битола и осломеј ќе работат за тешката индустрија, и ние ќе бидиме супер, дури и ќе ни остани струија!

Демек со еден ваков комплекс цело население на Исланд може да се напојува? Не им е точна математиката.


Edited by гитардемон - 09-Jun-2009 at 17:01

Малку подетално...

Шпанци ќе не' осветлуваат со ветерници Само фармата во Штип ќе произведува околу 475.000 гигават-часови струја, а според европските стандарди толку просечно трошат 115.000 домаќинства, велат во шпански „Инвал“ Шпанската компанија „Инвал“, која во земјава има регистрирано фирма-ќерка, планира со три фарми на ветерници и со инвестиција од 720 милиони евра да ја осветлува речиси половина Македонија. Постапката за добивање документи за изградба на првата фарма кај Штип е веќе почната, а „Инвал“ поднела барање за такви проекти и во Свети Николе и во Крива Паланка. - Ова досега во Македонија е најконкретен и најголем проект за искористување енергија од ветерот. Фармата кај Штип треба да има 66 ветерници со моќност од по три мегавати или вкупно 198 мегавати. Инвестицијата ќе чини 240 милиони евра - вели Владимир Хаџипетров од „Инвал Македонија“. Фармата кај Свети Николе треба да има 80 ветерници од по три мегавати или вкупно 240 мегавти, а инвестицијата ќе чини 300 милиони евра. Кај Крива Паланка со инвестиција од 180 милиони евра е планирано да се постават 50 ветерници, исто така, од по три мегавати. - Се надеваме дека се' ќе биде во ред и дека потребните документи за изградба ќе ги добиеме во разумен рок, по што за 18 месеци ќе ги поставиме 66-те ветерници кај Штип. Таа фарма ќе произведува околу 475.000 гигават-часови струја. Според европските стандарди за тричлено семејство, толку просечно трошат 115.000 домаќинства. Со нашите планирани инвестиции во Свети Николе и во Крива Паланка тој капацитет тројно би се зголемил - изјави Џорди Молинер од централата на „Инвал“. Прексиноќа во Штип се одржа јавна расправа за оценка на влијанието на фармите на ветер врз животната средина, на која беа презентирани повеќе детални информации за овој проект. Јавната расправа ја организираше Министерството за животна средина за да ги запознаат граѓаните со проектите предвидени за изградба. - Студијата за влијанието на фармата на ветерници врз животната средина е направена од експертски тим. Досега тимот нема утврдено негативни влијанија. Добивката од ветерните фарми е многу значајна - се зголемува енергетскиот биланс на земјата, се намалува зависноста од увоз на струја, се обезбедуваат нови работни места - вели Зоран Бошев, раководител на Одделението за оценка на влијанијата врз животната средина во Министерството за животна средина. „Инвал“ е основан во 1966 година, а во сферата на обновливите извори на енергија има 25-годишно искуство. Во моментов „Инвал“ гради фарми на ветерници во Полска и во Романија. http://www.dnevnik.com.mk/?ItemID=5A5BE2D824834A48A7DD1E4BCCD9F148

Dear Forum,
I'm sorry if I have to post this in English. My Macedonian is quite poor.
As I read in the thread there are several wind energy projects which I did not know of till now.
Since some of the posts are a little older I'd like to know if there are any proceedings in contructing the turbines. Is any project in the phase of construction of even finished yet? When I was there in summer 2008 I've also heard of announcements to invest several millions in Sveti Nikole, Ovche Pole, Stip or Gevgelija, but nothing precise.
I hope to hear some updates.

pozdrav
Bernd

Првите 66 ветерници ќе се инсталираат напролет

Ветерниците ќе бидат над рудникот „Бучим“ со моќ од 200 мегавати

Иван Бојаџиски


Штип - На тромеѓето Штип – Радовиш - Конче на локација над рудникот за бакар „Бучим“ напролет ќе започне инсталирањето на 66 ветерници со вкупна енергетска моќ од 200 мегавати. Инвеститор на овој пионерски потфат во нашава држава ќе биде шпанската фирма „Инвал“, која во претходните две години ги испитуваше условите и можностите за производство на струја преку искористување на енергијата на ветерот во овој дел од Македонија.

Овој шпански инвестициски фонд заедно со скопска „Виста“ кај нас регистрира фирма под име „Инвал Македонија“. Неодамна по иницијатива на штипскиот градоначалник Зоран Алексов, највисоките претставници на шпанскиот инвестициски фонд беа во Штип каде што учествуваа во јавна дебата во однос на стратегиите за ставање на обновливите и еколошки чисти енергии, како што се ветерот и сонцето, во функција на производство на електрична енергија.

„’Инвал‘ отиде најдалеку во оваа материја и по сите разговори со нејзините челни луѓе, сосема сме сигурни дека од идната пролет ќе започне инсталирањето на вкупно 66 ветерници секоја со јачина од по три мегавати. Нивните истражувања укажале дека регионот над рудникот ’Бучим‘ е најдобар во однос на константноста и јачината на ветерот поради што 44 од ветерниците ќе бидат поставени на терен кој припаѓа на општината Штип, а другите на подрачје на општините Радовиш и Конче. Од луѓето на ’Инвал‘ бевме информирани дека од Министерството за екологија имале позитивни оценки за локацијата, позитивен бил и одгласот на јавноста од населбите во чија близина ќе никне првото поле од ветерници, па сега чекале на одобрението кое го дава Министерството за економија“, вели градоначалникот Зоран Алексов.

За разлика од Штип, во Свети Николе, регион за кој се направени процени дека има голем потенцијал во ветерот за производство на струја, годинава нема никакви новини. Градоначалникот Роберт Георгиев ни изјави дека никоја отпорано спомнуваните светски компании не пројавила интерес на оваа тема.

А, токму во Свети Николе, во јули минатата година, Дејвид Браун, претседател на израелско-англиската компанија ЕИЏ, со седиште во Лондон, најави огромен проект од ваков вид. Тогаш Дејвид Браун и тогашниот градоначалник Слободан Даневски потпишаа договор за инсталирање 90 ветерници со моќност од 200 мегавати. Со овој договор ЕИЏ се обврза во оваа и идната година во инсталирање на ветерниците да вложи 360 милиони евра.

„Овој век ќе го одбележи борбата за енергија. По Кјото и климатските промени што ни се случуваат, светот препознава една нова состојба, нова идеја и нова надеж за разрешување на енергетската криза, а тоа е наше свртување кон алтернативните, обновливи и од еколошки аспект сосема безбедни енергетски ресурси. Нашата компанија во Полска веќе има инсталирано полиња на ветерници кои дават 600 мегавати електрична енергија, а очекуваме да бидеме водечки во оваа област и во Македонија, Романија и Бугарија“, рече тогаш Дејвид Браун. Најинтересна, сепак, беше неговата изјава дека на потегот од Овче Поле до Гевгелија. ЕИЏ имале идеја и намера да инвестираат дури една милијарда евра за изградба на капацитети за искористување на сонцето во производството на електрична енергија. Тој прецизира дека повеќе информации за проектот на деценијата ќе дале кога за тоа ќе дојдело вистинското време.

„Ние сме во очекување на ЕИЏ да не' посети и да видиме до каде се тие со најавуваните проекти“, ни изјави светиниколскиот градоначалник Роберт Георгиев.

Изминатите години во Штип, Свети Николе, Радовиш и во Конче доаѓаа претставници на компании од Шпанија, Германија, Англија, Русија, Франција. Некои од нив, како „Инвал“, ангажираа познати јавни личности за промоција на својот интерес. Оваа фирма во Штип го донесе на разговори и ракометниот тренер Веселин Вујовиќ.

„Треба да се знае дека општините во оваа сфера немаат никакви ингеренции зашто земјиштето на кое ќе се лоцираат ветерниците е државно и за него одлучува Владата. Секако дека и општините ќе имаат некои бенефити од целиот тој процес, но колкав ќе биде тој засега не се знае. Значи, целата оваа работа е во рацете на државата, пред се', на Министерството за економија“, појаснува штипскиот градоначалник Алексов.

Ветерниците не се опасни за животната средина. Според експерти од оваа област, во нивна близина луѓето слободно можат да си ги извршуваат сите земјоделски и други работи. Само птиците имаат проблеми од шумот што го прават ветерниците поради што ги напуштаат подрачјата каде што се инсталирани.

http://www.utrinski.com.mk/?ItemID=9A40F007F4AA4D4BAB7834DB8F16E175

Originally posted by nenad Тоа е пред се биоенергијата, и треба да се фокусираме на неа. не знам ако има таква нишка на форумот, па повеке таму би каал за тоа

Засега нема, но ако имаш што да кажеш на таа тема, воопшто не се мисли и отвори таква нишка