» Вести» Проекти» Мапа» Компании» Блог» Тагови» Форум
Целиот строг центар на Скопје ќе добие нови фасади

Градот Скопје денес распиша дополнителен конкурс за избор на идејно решение за менување на надворешниот изглед на згради, и тоа за прв пат за објекти кои не се сместени на плоштадот Македонија. Проектот за обновување на фасадите се шири низ целото централно градско јадро, а притоа нов изглед ќе добијат дури 17 згради. Ќе се реконструираат фасадите на постојните објекти на улица Македонија (зградите со број 22, 25 и 27), на улицата Никола Вапцаров (зградите со број 2, 4, 6, 8, 9, 10, 11, 12 и 13) и на улицата Димитрија Чуповски (зградите со број 4, 6, 10, 20 и 22). Портпаролот на Град Скопје, Неделчо Крстевски пред неколку дена во изјава за весникот „Дневник“ веќе најави дека ќе се менува надворешниот изглед на неколку објекти на улица „Македонија“, но притоа не беа споменати и други градби од централното градско подрачје.

 

Во објавениот конкурс од градските власти не е наведено во кој архитектонски правец треба да бидат изработени идејните решенија за надворешниот изглед на објектите. Како критериуми што ќе се применуваат при изборот на најдобар проект се: инвентивност во пристапот на обликување, економичност на решението, изводливост и одржливост, целосно почитување на програмските барања и задоволување на сите прописи и нормативни акти за проектирање и реконструкција на фасади. Планирано е да се додели прва награда за секој победнички проект во износ од 700.000 денари, а вкупниот фонд на награди за сите 17 фасади изнесува 11.900.000 денари.  Идејните решенија треба да се достават најдоцна до 4 јуни, по што ќе следува процесот на селекција.

 

Во меѓувреме, одговорните од Град Скопје излегоа со соопштение за реконструкција на фасадата на објектот на улица 11 октомври број 2, кој претставува продолжение на зградата од ресторанот „Пелистер“ кон плоштадот „Пела“. Станбената зграда висока 5 ката и долга 72 метри ќе добие класицистички изглед за да биде во хармонија со проектот „Скопје 2014“, а при реконструкцијата ќе се употребат природни, автентични материјали – травертин и травертинско терацо во комбинација со завршни декоративни префабрикувани елементи. По завршувањето на санацијата предвидено е да се изведе и илуминација на објектот.

 

Зградата на улица 11 октомври бр.2Победничкото идејно решение на „Жагра-ком“

 

 

Побечничкиот проект за менување на надворешниот изглед на овој објект е на авторите од „Жагра-ком“ ДООЕЛ Скопје, додека како изведувач на градежните активности се јавува компанијата „Бауер БГ“. Реконструкцијата само на оваа фасада од централното градско подрачје ќе чини 28,8 милиони денари, односно околу 470 илјади евра, а крајниот рок за завршување на градежните работи изнесува осум месеци од нивното отпочнување.

Тагови: Бауер БГ, Жагра-ком, Конкурси, Мал Ринг, Скопје, Скопје 2014, Станбени, Фасади



Поврзани вести

28.08.2016 Македонија ќе остане без меѓународни возови од почетокот на септември
26.08.2016 Цената на становите во Скопје во благо опаѓање
26.08.2016 Невладините бараат нови потписи против инфраструктурните проекти во Охрид
26.08.2016 Ниту новите возови не донесоа повеќе патници и стока за железницата
25.08.2016 Автопатот Демир Капија - Смоквица ќе доцни девет месеци
25.08.2016 Законот за просторно и урбанистичко планирање претворен во салата!
25.08.2016 Нов рудник за катоден бакар во Казандол, Валандовско
25.08.2016 Електронската наплата на билети кај приватниците ќе започне од 1 јануари
25.08.2016 Градежниците со помалку работа на странските пазари
24.08.2016 Градот Скопје ќе ја поправа инфраструктурата во поплавените подрачја



Dokadek 30 – Еволуција на оплатните системи за плочи

Реномираната австриска компанија Doka нуди широка палета на оплатни системи за плочи за различни области на примена. Новиот модуларен оплатен систем за плочи Dokadek 30 има значајни предности во однос на другите системи што досега беа достапни на македонскиот …




RobоtMK ви го претставува Autodesk® RobotTM Structural Analysis

Autodesk® RobotTM Structural Analysis е софтвер што овозможува решенија за анализа на многу типови конструкции, вклучувајќи згради, мостови, инженерски и специјални конструкции, карактеристични за одредена земја и му обезбедува на конструктивниот инженер алатки за пресметување.

» Повеќе