» Вести» Проекти» Мапа» Компании» Блог» Тагови» Форум
Во мај проект, а летово и тендер за менување на ликот на владината зграда

Промената на надворешниот изглед на објектот на Владата на Република Македонија влегува во следна фаза. На интернет – страницата на Бирото за јавни набавки денеска беше објавен договорот за изработка на Основен проект за реконструкција на фасадата. Скопското друштво за производство, трговија, инженеринг и градежништво „Архитектоника“ има рок до почетокот на мај да го изработи проектот за избраниот неокласицистички изглед на објектот, кој претставува идејно решение на архитектите Жарко Чаушевски (автор и на новиот објект за „ЈП Водовод и Канализација“) и Филип Богатинов (чие решение беше избрано за уредување на пешачката улица Тоше Проевски во Ново Лисиче). Договорот е склучен на 5 март и е со времетраење од 2 месеци, а за извршената услуга ќе се потрошат 4.305.000 денари. „Архитектоника“ е единствениот понудувач кој се јавил на постапката со преговарање без претходно објавување на оглас. За летово е најавен и тендер за изведувач на градежните работи.

 

На донесувањето на одлуката за реконструкција на фасадата на објектот на македонската влада и претходеше интернет анкета, на која победи неокласицистичкото архитектонско решение, кое преовладува и на мнозинството од зданијата кои се градат во рамките на проектот „Скопје 2014“. Авторот на владината зграда, Петар Муличковски во неколку наврати реагираше на потегот и побара да му се почитуваат интелектуалните права поврзани со неговиот труд, а на оваа тема се одржа и дебата организирана од неколку невладини организации, на која стручната јавност побара да се зачува оригиналната физиономија на објектот.

 

» Форумска дискусија за овој проект

 

 

 

 

 

Тагови: , , , , ,



Поврзани вести

28.04.2016 ААМ повикува на бојкот на конкурсот за „барокизација“ на „Ибни Пајко“
28.04.2016 „Алдинг инженеринг“ ќе реконструира осум училишта во земјава
28.04.2016 Саниран покривот на училиштето „Д-р Златан Сремац“ во Скопје
26.04.2016 „Алкалоид“ инвестираше во нов „Центар за контрола на квалитетот“
26.04.2016 И Општина Аеродром ќе реконструира фасади на станбените згради
26.04.2016 Две згради на булевар „Св. Климент Охридски“ со нови фасади
25.04.2016 Цаноски бара судска разрешница за случајот „Космос“
25.04.2016 Град Скопје бојкотиран од македонските архитекти?
25.04.2016 Почна реконструкцијата на коловозот на улицата Ѓорче Петров
25.04.2016 Град Скопје забрзано ита кон промена на изгледот на „Ибни Пајко“



Што треба да знаете за добар избор на мебел

Размислувате да го смените стариот мебел со нов, или да преуредите некое катче во домот. Или можеби се подготвувате за уредување и опремување на вашиот нов стан или куќа? Купувањето нов мебел носи големо задоволство, но и бројни дилеми. Мебел не се купува секој ден, затоа …



RobоtMK ви го претставува Autodesk® RobotTM Structural Analysis

Autodesk® RobotTM Structural Analysis е софтвер што овозможува решенија за анализа на многу типови конструкции, вклучувајќи згради, мостови, инженерски и специјални конструкции, карактеристични за одредена земја и му обезбедува на конструктивниот инженер алатки за пресметување.

» Повеќе