» Вести» Проекти» Мапа» Компании» Блог» Тагови» Форум
Ќе се обновуваат 250 фасади на објекти со културно – историско значење

Министерката за култура, Елизабета Канческа – Милевска, денес го најави проектот за обнова и конзервација на фасади во значајните градски јадра, во неколку градови низ Македонија. Проектот стартува со интервенција врз пет објекти од 19 и почетокот на 20 век, која ќе се одвива во текот на оваа година. „Фасадите на пет објекти од старата градска архитектура до крајот на годинава ќе бидат конзервирани и реставрирани за да им се врати автентичниот изглед на градбите кои имаат културно – историско значење. Тие се наоѓаат во градските јадра на Крушево, Скопје, Прилеп, Битола и Кратово и за нивната санација Министерството за култура намени 11.234.000 денари“, истакна министерката. Ќе се обновуваат фасадите на семејната куќа на улица Партизанска бр 38 во Крушево, куќата на Бектешовци во Прилеп, поранешниот конзулат на Велика Британија во Битола, пет групирани дуќани во Ајдучка чаршија во Кратово и една куќа на влезот на Старата скопска чаршија, на улица Битпазарска бр 145.

 

Според зборовите на министерката, во завршна фаза е опсежната и детална анализа за состојбата на сите споменици и споменични целини во Македонија. Според доставените предлози од заводите и музеи, се работи за околу 250 значајни објекти на кои им е потребно враќање на автентичниот изглед. Во некои од објектите живеат семејства, кои немаат финансиска обврска во обновата, а реставраторите нема да се мешаат во ентериерното уредување туку ќе интервенираат само на фасадите, обновување на балконите и оградите, замена на прозорците и подобрување на статиката. Министестерството во соработка со Управата за заштита на културното наследство ќе ги одреди приоритетите и во наредните четири до пет години ќе се издвојуваат средства за санацијата.

 

 

* Семејна куќа на улица Партизанска бр 38 во Крушево

 

 

* Куќата на Бектешовци во Прилеп

 

 

* Поранешниот конзулат на Велика Британија во Битола

 

 

* Пет групирани дуќани во Ајдучка чаршија во Кратово

 

 

* Куќа на влезот на Старата скопска чаршија, на улица Битпазарска бр 145

 

 

Тагови: Битола, Кратово, Крушево, Културни, Прилеп, Реновирање и реконструкција, Скопје, Стара скопска чаршија, Фасади



Поврзани вести

31.08.2016 Додека не се изгради автопат, државата ќе го реконструира стариот пат Гостивар - Кичево
31.08.2016 Струмица привлекува нови инвеститори со продажба на пет парцели
31.08.2016 Финишира реконструкцијата на регионалниот пат Ново Село - Маврово
30.08.2016 За година и пол гасот треба да протече од Штип до Неготино
30.08.2016 УНДП ќе ги санира браните на реката Пена во Тетово
30.08.2016 Нова детска градинка отворена во скопската населба Радишани
30.08.2016 Општина Штип продаде 43 локации за градба
29.08.2016 ФОТО ВЕСТ: И по три години не е готова општинската зграда на Ѓорче Петров
29.08.2016 Ќе се реконструираат лифтови и покриви на згради во Карпош
29.08.2016 Електроцентралите на обновлива енергија со заедничка моќност од 117 мегавати



Dokadek 30 – Еволуција на оплатните системи за плочи

Реномираната австриска компанија Doka нуди широка палета на оплатни системи за плочи за различни области на примена. Новиот модуларен оплатен систем за плочи Dokadek 30 има значајни предности во однос на другите системи што досега беа достапни на македонскиот …




RobоtMK ви го претставува Autodesk® RobotTM Structural Analysis

Autodesk® RobotTM Structural Analysis е софтвер што овозможува решенија за анализа на многу типови конструкции, вклучувајќи згради, мостови, инженерски и специјални конструкции, карактеристични за одредена земја и му обезбедува на конструктивниот инженер алатки за пресметување.

» Повеќе