» Вести» Проекти» Мапа» Компании» Блог» Тагови» Форум
Наскоро ќе започне возобновувањето на киното на браќата Манаки

#Локалната власт од Битола ги потпиша договорите за реализација на првиот дел од проектот за обнова на некогашното кино „Балкан“ на Широк сокак во Битола. Предвидено е да се изгради објект со површина од 378 метри квадратни кој ќе содржи и музејска поставка. Битолската градежна компанија „БВ Инженеринг“ е задолжена за реализација на високоградбата, електриката, водоводната, хидрантската и канализационата мрежа, додека фирмата „Техно“ исто така од Битола, ќе ја изведе инсталацијата за греење, ладење и вентилација. Вкупната инвестиција во првата фаза од возобновувањето на киното на браќата Манаки според предвиденото ќе изнесува 18.990.565 денари, односно околу 310 илјади евра.

 

Избраните изведувачи имаат рок од 12 месеци за целосно завршување на својот дел од работите, така што се очекува киното „Балкан“ да профункционира во текот на наредната година. Во кино салата ќе се монтира најсовремена опрема, а плановите се во зданието да се одржува и дел од програмата на меѓународниот фестивал „Браќа Манаки“. Киното „Балкан“ се смета за дел од репрезентативната архитектура на Широк сокак, лоцирано било кај ресторанот „Корзо“ и постоело до избувнувањето на големиот пожар во 1939 година.

Тагови: БВ Инженеринг, Битола, Греење климатизација вентилација, Кино Манаки, Културни, Музеи, Техно Битола



Поврзани вести

24.09.2016 Заврши проширувањето на училиштето во Хром
24.09.2016 Велешките градинки добија нови термички фасади
24.09.2016 21 градежна парцела на продажба во Општина Штип
22.09.2016 Новиот Турски театар заглави кај градежниот дел
22.09.2016 „ВИА Инженеринг“ ќе ја адаптира арената „Филип Втори“ за Супер купот на УЕФА
22.09.2016 Земјотреси во Скопје – кои градби се најиздржливи?
21.09.2016 Кои населби се најатрактивни за купување на стан во Скопје?
21.09.2016 Над 1 милион евра за реконструкција на охридскиот кеј
21.09.2016 Најавена изградба и на втората делница од експресниот пат Градско - Прилеп
21.09.2016 Опозициската СДСМ реагира за уништувањето на Скопското Кале



Кои населби се најатрактивни за купување на стан во Скопје?

Купувањето на нов стан е една од најзначајните одлуки во животот, но дали сте се запрашале кои се основните карактеристики на еден просечен стан во Скопје? Средната големина на становите, бројот на собите, атрактивноста на локациите за градење, вредноста на станбениот квадрат …




RobоtMK ви го претставува Autodesk® RobotTM Structural Analysis

Autodesk® RobotTM Structural Analysis е софтвер што овозможува решенија за анализа на многу типови конструкции, вклучувајќи згради, мостови, инженерски и специјални конструкции, карактеристични за одредена земја и му обезбедува на конструктивниот инженер алатки за пресметување.

» Повеќе