» Вести» Проекти» Мапа» Компании» Блог» Тагови» Форум
Грчки инвеститор ќе ги гради Офицерскиот дом и хотелот на Плоштад Македонија

#Атрактивното државно земјиште на Плоштадот Македонија со вкупна површина од 6.308 метри квадратни, на кое треба да се изгради хотел и да се обнови Офицерскиот дом, го купи фирмата „ДЦ Приме пропертиес“ која беше единствен учесник на јавното наддавање што го организираше Министерството за транспорт и врски. Земјиштето е купено за вкупна сума од 38.478.800 денари, односно околу 100 евра за метар квадратен. Според телевизијата „Алфа“, се работи за филијала на грчката „Demco prime properties“ која е дел од групацијата на милјардерот Деметрис Кондоминас, а партнер за хотелот ќе им биде ланецот „Marriott“. Покрај истоимениот бренд, „Marriott“ ги поседува и брендовите „Renaissance Hotels“, „Ritz-Carlton“ и „BULGARI Hotels & Resorts“.


#Се најавува дека вкупната инвестиција ќе биде помеѓу 30 и 50 милиони евра. Инвеститорот е должен да исполни неколку услови. Треба да ја дооформи едната парцела која сега делумно им припаѓа на други приватни сопственици и да се држи до насоките за архитектонското обликување и претходно изготвените проекти од страна на државните институции. Хотелот мора да има најмалку четири ѕвездички и да биде управуван или под франшиза на ланец со минимум 250 хотели во светот, а дел од Офицерскиот дом без надокнада да го отстапи во функција на матична служба и резиденцијален дел на Градската куќа.


Инвеститорот треба да обезбеди градежни дозволи во рок од 12 месеци. Изградбата на објектите треба да заврши најдоцна 6 години сметано од денот на добивање на дозволите. Во спротивно ќе биде активирана казна во висина од 2% од купопродажната цена на земјиштето за секој изминат месец, но најмногу 2 години од истекот на рокот од 6 години, по што доколку и во тој период не бидат изградени објектите, договорот ќе се раскине и земјиштето ќе се врати во сопственост на државата.



Форумски дискусии:

» Офицерски дом

» Хотел

Тагови: , , , , , , , , ,



Поврзани вести

28.04.2016 ААМ повикува на бојкот на конкурсот за „барокизација“ на „Ибни Пајко“
28.04.2016 „Алдинг инженеринг“ ќе реконструира осум училишта во земјава
28.04.2016 Саниран покривот на училиштето „Д-р Златан Сремац“ во Скопје
27.04.2016 20 компании заинтересирани за изградба на „Чебрен“ и „Галиште“
26.04.2016 „Алкалоид“ инвестираше во нов „Центар за контрола на квалитетот“
26.04.2016 „Рапид Билд“ ќе го гради гасоводот Штип - Неготино
26.04.2016 И Општина Аеродром ќе реконструира фасади на станбените згради
26.04.2016 Две згради на булевар „Св. Климент Охридски“ со нови фасади
25.04.2016 Цаноски бара судска разрешница за случајот „Космос“
25.04.2016 Град Скопје бојкотиран од македонските архитекти?



Што треба да знаете за добар избор на мебел

Размислувате да го смените стариот мебел со нов, или да преуредите некое катче во домот. Или можеби се подготвувате за уредување и опремување на вашиот нов стан или куќа? Купувањето нов мебел носи големо задоволство, но и бројни дилеми. Мебел не се купува секој ден, затоа …



RobоtMK ви го претставува Autodesk® RobotTM Structural Analysis

Autodesk® RobotTM Structural Analysis е софтвер што овозможува решенија за анализа на многу типови конструкции, вклучувајќи згради, мостови, инженерски и специјални конструкции, карактеристични за одредена земја и му обезбедува на конструктивниот инженер алатки за пресметување.

» Повеќе