» Вести» Проекти» Мапа» Компании» Блог» Тагови» Форум
Се гради објект за скопската градска администрација

#На просторот кај старите бараки на ЈП Водовод и канализација, под Калето, денес во Скопје започна изградбата на Градска куќа. Овој објект ќе биде за потребите на администрацијата на Градот, додека на Плоштад Македонија се планира обновување на Офицерскиот дом кој ќе служи како репрезентативна Градска куќа.

 

Основата на новиот објект е со површина од 1.274 метри квадратни. Ќе биде висок 21 метар и ќе има шест надземни и три подземни нивоа. На #приземјето е обезбеден простор за архивата, како и други простории наменети за директните корисници на услугите на Градот. Од првиот до четвртиот кат се обезбедени канцеларии за вработените во градската администрација. Канцелариите се од океански тип, со можност за прилагодување на просторот во зависност од потребите. Објектот предвидува работен простор за 650 вработени. На петтиот кат се планирани простории за кабинетот на Градоначалникот и за Секретарот на Град Скопје, сала за градскиот Совет и просторија за претседателот на Советот. Во подземните нивоа е обезбеден паркинг простор за 170 возила. Зградата ќе има централна климатизација, а фасадата ќе биде во неокласичен стил.

 

Автори на проектот за новата Градска куќа се Иван Кокалановски и Борче Стојковски од „КАД Биро“. За изградбата е ангажирана градежната компанија „Бетон“ од Скопје. Овој проект ќе го чини Градот околу 900 милиони денари, односно речиси 15 милиони евра, а рокот за изведба е 4 години. Со оглед на тоа што се гради во контактната зона на скопското Кале, кое што е заштитен објект, Управата за заштита на културното наследство ќе врши редовни контроли.

 

 

Форумска дискусија за овој проект » овде

Тагови: Административни, Бетон Скопје, Градска Куќа Скопје, КАД Биро, Скопје



Поврзани вести

28.08.2016 Македонија ќе остане без меѓународни возови од почетокот на септември
26.08.2016 Цената на становите во Скопје во благо опаѓање
26.08.2016 Невладините бараат нови потписи против инфраструктурните проекти во Охрид
26.08.2016 Ниту новите возови не донесоа повеќе патници и стока за железницата
25.08.2016 Автопатот Демир Капија - Смоквица ќе доцни девет месеци
25.08.2016 Законот за просторно и урбанистичко планирање претворен во салата!
25.08.2016 Нов рудник за катоден бакар во Казандол, Валандовско
25.08.2016 Електронската наплата на билети кај приватниците ќе започне од 1 јануари
25.08.2016 Градежниците со помалку работа на странските пазари
24.08.2016 Градот Скопје ќе ја поправа инфраструктурата во поплавените подрачја



Dokadek 30 – Еволуција на оплатните системи за плочи

Реномираната австриска компанија Doka нуди широка палета на оплатни системи за плочи за различни области на примена. Новиот модуларен оплатен систем за плочи Dokadek 30 има значајни предности во однос на другите системи што досега беа достапни на македонскиот …




RobоtMK ви го претставува Autodesk® RobotTM Structural Analysis

Autodesk® RobotTM Structural Analysis е софтвер што овозможува решенија за анализа на многу типови конструкции, вклучувајќи згради, мостови, инженерски и специјални конструкции, карактеристични за одредена земја и му обезбедува на конструктивниот инженер алатки за пресметување.

» Повеќе