Скопје 2014

Паркот на Звездара е релативно близу до центарот,и како што знам до паркот на времето плацеви добиваа истакнати `друштвени работници` како професори,доктори, и слично(Џаиќ на пример)

Originally posted by alexsend А кој град не се гради? Дај ве молам не може секој парк да се претвори во зграда, зошто СЕ мора да биде во Центар? Па видете го само Скопје на GoogleEarth колку простор има за ширење!

алекс
најдобро ви објасни во што се состои проблемот, Скопје е град кој има многу опции и слободни простори за секакви идеи и инвестиции... и наспроти тоа, стремежот е да се набута објект во секое можно ќоше од Мал ринг, небаре градиме во 19-ти век...

не знам како не ви сметаат ниви, села и индустриски зони насекаде меѓу урбаните рамки на градот, ама ви сметаат овие 50 метри квадратни уреден пешачки простор, со зеленило, урбана опрема и споменици
градот има многу слободни места за маркици, зошто да се продолжи со пикање на маркици на веќе уредени и определени простори? впрочем, ова е и најголемиот основен урбанистички проблем на Ск2014 и целиот вирус што го прошири

Originally posted by Supervisor Originally posted by kenzo_fan   Originally posted by Supervisor ... дајте со компарации...Белград... http://www.novosti.rs/vesti/beograd.74.html:224340-Peti-park-pobedio Си ги помешал брзините Ѕвездара не спаѓа во строг центар на Белград. Сепак овие градови на глава по жител имаат далеку помалку зеленило отколку што има Скопје сеуште. Тоа значи дека центарот на Скопје сеуште не е изграден што е и факт и во иднина неможе да се бега. Реков јас се работи за лични причини, центар на метропола кај нас се сваќа како станбено маало. Да одиме понатаму Будимпешта на пример... И уште една работа ако сакаат центарци поквалитетен живот, решението е пред се во издувните гасови, градови со многу помалку зелено од Скопје имаат далеку поквалитетен воздух во централно подрачје бидејќи им е решен сообраќајот, јавниот транспорт и ред други работи. На центарци причините им се лични мислат дека сеуште живеат во 1945 кога не се градело ништо и цел центар бил ливада.

и доста веќе со безвезниве компарации... зборите за градови чие центарско јадро е изградено по сосема други урбанистички стандарди (традиционални), во сосема други времиња, споредени со град чиј центар (во денешно време) во најголема мера е уреден по теркот на модерната
ако сакате да градите како што Будимпешта и Белград се граделе пред 20-ти век, тогаш со среќа нека ни е уназадувањето и промашувањето на современите потреби

и зеленилото не служи само за прочистување на воздух, туку за општиот мир и изолација што го предизвикува, на места каде што тоа е помалку достапно... и тоа не значи дека сите сме од нива и сме навикнати на тоа, туку дека ни е потребно такво нешто без разлика на се

Кога се работи за општина центар имаме ситуација на конфликт на интереси. Главен проблем е што Скопје одамна не бил главен град на држава и нема оформен административен, туристички и комерцијален центар од една страна и предградија за живеење од друга страна. Со новата поделба на градот се направи голема грешка бидејќи градот не се гледа како целина туку се подели во заедница на гратчиња и стана уште потешко да се направат планови за траснпорт, концепт за административен дел, туристички/забавен дел и така натаму.

Општина центар со исклучок на неколку објекти не ја репрезентираше државата Македонија ниту пак беше центар на државата. Еден трговски, три кафани, една опера, црква и еден мост се премалку за да може да ја преставува државата и одговори на потребите на еден главен град на европска држава со многугодишна историја.

Центарот на Скопје и не е многу различен од останатите делови на градот каде углавном се само станбени објекти. И тука лежи главниот проблем.
1. Или требаше скроз нов административен, репрезантивен центар да се гради и општина центар да си остане станбена единица со исклучок на делот околу камени мост, плоштад и кале и тоа да стане на некој начин стар град зона со комбинација со музеи и хотели.
2. Или да се прави тоа што се прави сега со пополнување на празните парцели и постепено откупување на станбените објекти и нивно преиначување во хотели, деловни објекти, музеи и слично
Во идеално сценарио доколку Скопје е развиен европски град би имал потреба
од над 100 хотели
минимум уште 300 деловни објекти
плус уште 100 центри за забава, храна, музика...

Голем дел од улиците треба да идат подземја а горниот дел да стане пешачки и за велосипеди и дрвореди и да се намали загадувањето во центар на тој начин.

Среќна околност е што сега надоаѓаат навелико коли на електрична енергија па за неколку години ќе видиме постепено намалување на загадување од коли.

Во секој случај она што му се случува на Скопје е една голема транзиција од провинцијален град на маргините на Европскиот живот да се претвори во конгломерат од пренаселеност.

Сум живеел долги години во општина ценар, аи сум живеел и во други градови низ светот во центарот, и морам да кажам, не можеш да очекуваш да ги уживаш благодетите на оние што уживаат далеку од ценар како мир и зеленило а истовремено да ти биде работата и кафаните на 5 минути пешки.

Што се однсува за Скопје 2014 мислам дека најголемата маана му е дека го игнорира фактот дека и со зеленило може да се игра и да се прават живи скулптури, зелени фонтани, зелени зидови, висечки градини нешто што и антиката и самиот Ацо им се восхитувал. И една од најубавите придонеси на барокот се совршени авении со зелени скулптури, паркови со обликувани градини и дрвја. Не знам како не виделе будимпешта, прага, париз, какви паркови има.

Не вреди да се сечи дрво за споменик. Инаку да се спаси малце од малце
предлагам

1. Да се позелени колку што е можно повеќе делот меѓу америчка амбасада и кале

2. Уништеното плато пред МОБ да се направи парк

3. Карпошово востание да се направат отвори и посават дрва

4. Над целиот ГТЦ еден голем парк

5. Покрај кеј да се постват оние тенките италијански високи дрва да разбие тоа мермерот малце

6. Реставразција на МОБ и поставување на зелен кров па и градина горе на рамниот долг дел.

7. Средишниот дел на Скендербег плоштад да биде зелен

8. На новите кружни текови да се насадат густо високи дрва

9. Дел кај старата железничка да стане парк

Шегата на страна, ова е веќе сериозно.

„Скопје 2014“ ги претвори скулпторите во милионери

Голем број анонимни уметници ја искористија историската шанса што им ја пружи проектот да се афирмираат, но и добро да си наплатат

Од „Скопје 2014“ се чини најмногу се офајдија македонските скулптори од кои најголемиот дел ја искористија историската шанса од анонимуси и почетници да станат не само први вајарски раце во државата, туку и едни од најплатените уметници во Македонија. Судејќи по хонорарите исплатени за скулптурите што тие ги изработиле како дел од владиниот мегапроект, овие уметници преку ноќ станаа милионери.

Најбогата меѓу нив, секако, е Валентина Стевановска, која својот труд вложен во „Скопје 2014“ го претвори во фантастични 2.945.150 евра. Нејзин потпис носат скулптурите „Воин на коњ“ и фонтана на плоштад „Македонија“ (значи, споменикот на Александар Македонски), за што и' е исплатен хонорар од 649.000 евра. Потоа, нејзино дело е Порта „Македонија“ за кое добила 303.512 евра, за скулптура на мостот „Око“ 105.000, за Христо Татарчев 97.667, за спомен-обележје на воин со фонтана на плоштад „Карпошово востание“ дури 1.487.900 евра и за Коњаник и фонтана во Гази Баба, односно за Фили Втори 302.071 евра. Ако се земе предвид дека уредувањето на „Карпошово востание“ надлежните од Министерството за култура не го вбројуваат во проектот „Скопје 2014“, тогаш хонорарот на Стевановска речиси се преполовува.

Хонорари повисоки од 100.000 евра зеле уште неколкумина скулптори. Меѓу нив се Томе Аџиевски, кој за спомен-обележјето „Паднати херои на Македонија“ во паркот „Жена-борец“ е хонориран со 130.00 евра, Миле Брцески за скулптурата на Тодор Александров зел 114.991 евра, Грозданка Каникова е исплатена 97.595 евра за скулптурите „Набљудувач“, „Девојче“ и „Риба“, и плус 11.000 евра за скулптура на мостот „Око“ и на Петре Прличко. Зоран Костовски за „Македонија“ добил хонорар од 99.458 евра, Димитар Филиповски за „Заљубени“, „Шмизла“ и „Еееј“ - 84.117 евра, а Жарко Башески за коњаниците на Даме Груев и Гоце Делчев пред Камен мост - 68.000 евра и плус 25.000 за „Св. Кирил и Методиј“ и 20.000 евра за „Кузман Јосифовски-Питу“.

Натаму следуваат „поситните“ хонорари што ги добија авторите на останатите скулптури и спомен-обележја, како што се „трите врби“ во Вардар, „лавовите“ пред на мостот „Гоце Делчев“, гемиџиите, бранителите...



http://www.utrinski.com.mk/?ItemID=2C3C9116A3E20B4FB7A6D779A051652D

Originally posted by Supervisor Originally posted by kenzo_fan @Supervisor Каква врска има дали е строг центар? Битно е дека победиле аргументите за поздрава животна средина и им е излезено во пресрет на граѓаните. Светски тренд е да се почитува урбаното зеленило и овозможува ново, значи кој веќе го има е во предност. Нема да пропадне државата ако ги смести административците на друга локација.  Ако ти го нарекуваш правото на основен животен квалитет “личен интерес на станарите“ или не знаеш што зборуваш или шириш демагогија бранејќи некој ТВОЈ личен интерес, како на пример инволвираност во градежни проекти кои уништуваат зеленило.  На оваа тема има многу да се дискутира немам намера тука да образложувам на долго и на широко. Само ќе повторам дека централно градско јадро по дифолт во еден главен град па земи било кој град сакаш во Европа и во светот е целосно оформен и нема многу простор за паркчиња и "места кај што ќе трчаат деца". Значи центар си е центар во големи средини луѓето обично бегаат од местото на живеење во централно подрачје и одат повеќе кон периферија. Кај нас ниту имаме стандард ниту имаме развиена свест за такво нешто односно аналогно немаме инфраструктура. Ќе ти повторам ќе ја земам една Будимпешта со централно подрачје во кое има две паркчиња и нема место каде игла да се фрли. Ама затоа нема хаос со паркирање, има организизран транспорт и пред се на електричен погон трамваи и метро кои апсорбираат многу и придонеусуват за воздухот и за мирот. Таму центарот се деловни простории и старите згради се претворени во деловни простории. Ретко кој живее во централно подрачје. Скопје како недооформен град, од времето на Кензо Танге односно после него остана центарот една голема ДУПКА која кога тогаш ќе мора да се "потполни" како се крева стандардот во државата. Центарци нека си ги бараат правата надвор од центар ако не им се допаѓа бидејќи центарот обично е повеќе комерцијален, туристички и секаков само не станбена површина во поголемиот развиен дел од светот. Центраци нека престанат да се крстат во овој нов градоначалник дека ќе им донесе "зеленило" бидејќи проблемите лежат во другите свери сообраќај транспорт јавна свест, не може да се сопре оформување и изградба на празните дупки во централното подрачје ! И уште една работа со тие глупи барања и некакви си лични интереси на центарци нека престанат да манипулираат со јавноста бидејќи центар не им припаѓа лично на нив што живеат, тој е на сите граѓани на РМ и како најурбана, најразвиена и најцентрална општина треба да преставува туристички и комерцијален патоказ а не маалски заедници кои ќе бунтуваат бидејќи им ги асфалтираат улиците и им ги менуваат сијалиците. Нема да одам понатаму дека на СКопје очајно му беа потребни и админситративни згради а тие освен во Центар не може да се сместат во Пинтија или во Ѓорче. И за крај ќе дополнам уште една работа, луѓево во Скопје се искомплексираа од тоа што се гради. Кога не им се градеше бунтувва, кога почнаа да се трошат народни пари пак бунтуваат. Тоа ти е очигледно ствар на менталитет култура друго нема. Да земеме еден пример да ги замениме сите овие барокни зданија со стаклени или не знам какви футуристичи објекти па да се запрашаме каква ќе беше свеста кај граѓаните? Едно е што се гради друго е што меѓутоа кај нас простотилакот забранува било што да се гради бидејќи по добро позната теорија на нештата може да се критикува се што се гради. Значи оставете си ги комплексите од барокот на страна, јас сум убеден дека ако сите административни згради беа со "модерен" лик тие повторно во очите на народот ќе беа глупост и трошење народни пари и узурпирање на паркчињата на центарци. Море марш.

Мене најмногу што ме иритира во случајов е себичноста на тие неколку жители околу паркчето кои сакаат уствари да владеат со истото, само затоа што нивниот видик нема да е попречен доколку не се изгради ништо пред Бристол. Зошто истите така вигорозно не „бунтоваа“ против сите други иницијативи во центар кои го променуваат ликот во нешто многу... далеку од автентично, складно... па и потребно?



Нема воопшто да ги коментирам изјавите на истите „граѓани“, апсурдно е.

Не се работи за зеленило од големина на градски парк, ни за добро одржуван простор. Дали претходно сте виделе некогаш некој да го користи истиот дел како „парк“?

Ужасно сум против СК2014, но и ставот на овие станари од околината не ми е ни логичен.

Let alone, веќе е јасно дека никогаш повеќе на тоа место нема да има парк после сите откорнати дрва, ваљда треба и дискусијава да заврши.

п.с - што се случи со „рибата-човек“ споменикот?


Edited by Danndy - 25-Apr-2013 at 12:50

Сега може слободно да се пензионира до крајот на животот, а богами и нејзините деца нема да имаат потреба да работат (освен ако не ги потрошат парите на коцкање, дрога и слични глупости, ама тоа е друга тема).

Едно не ми е јасно - во уметничките кругови Стевановска е сосем непозната, се појави од никаде и лапна над 2 милиони евра. Дури и ако таа е само параван за перење пари (да речеме дека 90% од износот ќе го земат луѓе блиски до власта, а само 10% ќе ѝ припаднат нејзе), сумата што сепак ќе ѝ остане не е за занемарување.

Да потсетам само дека Филмскиот фонд на Македонија на режисерите им доделува најмногу по 500.000 евра од филм, и тоа само на „големите“ и познати имиња како Милчо Манчевски, Столе Попов и можеби уште некој. И тоа, само 10% од тие пари можат да бидат земени како авторски хонорар.

А овде имаме случај кога една уметница буквално лапнува 2 и кусур милиони евра за 6 скулптури изработени во период од три-четири години.

Edited by Џоле - 25-Apr-2013 at 13:18

Жерновски ги стопира градбите во Центар


од Менче Атанасова Точи, НОВА | објавено на: 25-04-2013 14:42:54


Се стопираат сите активности поврзани со проектот Скопје 2014 се додека не се констатира фактичката состојба. Градоначалникот на општина Центар Андреј Жерновски донесе одлука за мораториум и потпиша меморандум на сите градби и фирмите поврзани со овој мега проект.

Денеска е издаден и налог до инспекциските служби да излезат на терен и да ги констатираат сите градежни активности што во моментов се спроведуваат, како и изградбата на новото седиште на ВМРО-ДППМНЕ, фасадата на зградата на Владата. Сето ова со цел да се утврди евентуална инволвираност на поранешното раководство на општина Центар во издавањето на градежните дозволи.

-Се што се прави последните денови ме потсетува на времето на кога ЈНА изнесуваше се што можеше од државата. Јас дадов налог да се посетат сите места каде што се изведуваат работите и за се ќе биде информирана јавноста изјави Жерновски.

Жерновски кој денеска ја превзеде функцијата најави дека наредната недела ќе биде донесена одлука за ревизија на „Скопје 2014“. На примопредавањето не присуствуваше досегашниот градоначалник Владимир Тодоровиќ иако бил поканет од Жерновски.

http://novatv.mk/index.php?navig=8&cat=2&vest=2981

Значи почна циркусот.
Сега Центар ќе ревидира, тие што имаат договори ќе тужат за неплаќање итн.
Ќе голтаме прашина уште долго.