плавата боја употребена на фреските во тоа време коштала колку златото.кило за кило

ПОЈМА НЕМА КАДЕ СУМ ГО СЛУШНАЛ

19.09.2014 - Привршуваат работните активности во Соборниот храм Свети Кирил и Методиј

Во завршна фаза се работните активности во Соборниот храм Свети Кирил и Методиј. Подот со површина од 400 метри квадратни целосно е реновиран, стариот и дотраен паркет е заменет со мермер и гранит. Со тоа, овој свет храм ќе добие нов изглед и подобра акустика. Се подготвуваат и страничните ѕидови за нови фрески.

Според тетовско-гостиварскиот владика, во иднина во Соборниот храм СВети Кирил и Методиј ќе бдие место на поголемите случувања во тетовско-гостиварската епархија.

Црквата е започната да се гради на ново место во 1903 година во време на Илинденскиот период. Иницијатор за изградбата бил Прота Михаил (Михаил Мартиновски),примерен свештеник од тоа време, познат како заштитник на православните христијани од турските власти.

На почетокот на градбата, мајсторите наидувале на одредени потешкотии, како релзутат на нестабилноста и влажноста на земјиштето, а со цел да биде одстранета водата од темелите на црквата, биле набивани костенови колци. Се смета колку што е црквата висока толку е и длабока за да не биде подложена на лизгање, а темелите биле поливани со олово. При градбата е користен камен бигор кој од целото местно население, на самарчиња на грб е носен од Тетовското кале.

Соња Стрезовски

http://kiss.com.mk/mak/novosti1.asp?id=19966

Убаво изгледа. Се надевам дека нема да го нагрдат комплексот со клима-уреди, сателитски чинии или кабли од интернет и кабелска ТВ.

Продолжува израдбата на манастирот на влезот во Вевчани

Деновиве почна последната градежна фаза во изградбата на манастирот Свети Ѓорѓи Победоносец на влезот на општина Вевчани.



Објектот веќе го доби својот лик и претставува прекрасно духовно здание. Православниот храм се воздигнува на црковно место веднаш до новоизградената порта Вевчани. Манастирот се гради на 9000 метри квадратни со донации на граѓаните.

http://ohridnet.com/vesti/vevchani/4345-prodolzhuva-izradbata-na-manastirot-na-vlezot-vo-vevchani

Се конзервира живописот во мариовска црква од 13 век

Екипа од прилепскиот Завод и музеј, предводена од раководителот Благоја Атанасоски, советник-конзерватор, веќе десетина дена работи на проектот за конзервација на вредниот фрескоживопис во црквата „Св. Никола“ во селото Манастир во Мариово, која датира од 13 век.

Во првата фаза од проектот се санираат механичките оштетувања на живописот, а во наредните години ќе се одвиваат другите две фази, чистење на солите од исчаденост и од нечистотии и ретуширање на живописот - вели Атанасоски.

Црквата „Св. Никола“ е споменик на културата и затоа е многу значајно што ќе се заштити уникатниот живопис.
- Црквата и од архитектонски аспект и по живописот е монументален споменик што ретко го има, не само во земјава туку и надвор. Се работи за голема трикорабна базилика. Живописот е византиски и работен е во два периода. Во аспидалниот дел е од 11 век, а поголемиот дел е од 13 век. Единствен е по сликарскиот квалитет и еден од најдобрите живописи од овој период. Има композиции со фигури на светители со натприродна големина што ретко се среќаваат, како и житие на свети Никола - додава Атанасоски.
Министерството за култура за првата фаза за конзервација на живописот оддели 200 илјади денари.
Наскоро ќе почне и проектот за конструктивно зајакнување на темелите на црквата на западната страна, за што Министерството оддели два милиони денари.          

http://novamakedonija.mk/NewsDetal.asp?vest=10214118512&id=16&prilog=0&setIzdanie=23288

Edited by jyvation - 03-Oct-2014 at 09:10

Фотографиите сум ги снимил Мај-Јуни 2013.
Ги имам постирано на форумот во нишката за Црквата св."Кирил и Методиј" - Делчево.
Очигледно од Гранит ги "Позајмиле" од БИЛД форумот

Edited by Environmental - 03-Oct-2014 at 16:18

Осветување на камен-темелник за нов храм во н. Маџир Маало

На 11.10.2014, денот кога Православната црква го празнува преподобен Харитон Исповедник; пророк Варух, Неговото блаженство Архиепископот охридски и македонски г.г. Стефан во сослужение на свештенослужители од Скопската православна епархија освети и постави камен-темелник за изградба на православен храм „Света Троица“ во населбата Маџир Маало, Општина Центар - Скопје, на темелите на претходно разрушениот во 1503 година. Ктитори за изградба на храмот се благочестивите семејства на Владимир Митев, Тихомир Трифуновски и Тони Лакордов.








Edited by macedonia - 12-Oct-2014 at 03:24

Изградба на Манастир Преображение Христово во Гостивар



Со архиереска литургија со која чиноначалствуваше митрополитот тетовско-гостиварски г. Јосиф, во месноста Црн Врв во близина на населбата Циглана, беше осветено местото на кое ќе се гради манастирот Преображение Христово.

На црковно народниот собир, претставниците на иницијативниот одбор ја побараа поддршката од жителите од овој дел на општината за изградбата на светилиштето. Митрополитот г. Јосиф, честитајќи го празникот Преображение Христово се обрати до верниците кои беа дојдени.

Сега цврсто верувам дека овде ќе има манастир. Тука, вие жителите од овие населби и градот, ќе имате свое место на преображение, место каде што ќе најдете молитва, мир и благослов. Освен на мештаните, им заблагодарувам на локалната власт и градоначалникот, кој даде „зелено светло“ за ова свето место, рече митрополитот г. Јосиф.

Новиот манастир се гради на парецела сопственост на Крсте Спасеноски од гостиварско Беловиште, која ја отстапи на МПЦ ОА.




gostivarpress.com

Дел од дворот на манастирот Свети Наум

Monasterio de San Naum .IMG_6889 by XimoPons (Thanks to everyone for 1.400,000 views, on Flickr