Трамвај Скопје ( Лесна железница / LRT )

Го баталија тоа.... пак нови консултанти, студии...

Ако добро разбрав, сакаат трамвајоскиот сообраќај да го дадат под концесија? Само трамвајот или целиот градски транспорт? Тешко дека ќе најдат концесионер само за трамвајот, ми мириса дека ќе се доживее иста судбина како кај концесиите за патишта. Приватно-јавно партнерство? Хм... тешко и тоа. ПО мене, за трамвај само кредит, можно е да се искористи и некој европски поволен (ЕБРД, Светска банка....)
На секој почеток на вака големи проекти стои политичка одлука, да се надеваме дека повеќе нема да си играат и ќе бидат сериозни овој пат

Децениски старата идеја конечно ќе се реализира. Скопје ќе добие трамвај, а скопјани можност да се возат со него.

За трамвајот заврши првата фаза, односно изработката на физибилити студија од страна на консултантот „Виалто“.

Проектот трамвај сега се наоѓа во втората фаза, а тоа е подготовката на тендерската документација, која треба да биде готова во јануари месец 2012 година. Веднаш потоа се објавува тендер за концесионер на трамвајот. Таа постапка ќе трае 3-4 месеци, што значи дека  следната година во мај или јуни веќе ќе има избрано концесионер, најави градоначалникот на Град Скопје, Коце Трајановски.

-Изградбата на трамвајската линија во должина од 15 километри, од Ново Лисиче до Ѓорче Петров е многу значаен проект за Градот Скопје. Анализата покажува дека оваа инвестиција е исплатлива, со тоа што постои можност Градот Скопје и Владата на РМ да дотираат во годишните трошоци за функционирањето на трамвајот со одреден процент, изјави Трајановски.

Првата линија на трамвајот ќе ги поврзувa скопските населби Ново Лисиче, Аеродром, Центар, Карпош, Влае и Ѓорче Петров, а  неофицијално трамвајската траса би се одвивала по крајната десна лента по булеварите Партизански одреди, Димитрие Чуповски, комплексот банки и Јане Сандански.

Со спроведувањето на проектот „Трамвај“ ќе се намали сообраќајниот метеж во главниот град и ќе се заштити животната средина.

http://kurir.mk/republika/skopje/48374-Skopje-definitivno-ke-dobie-tramvaj

Ах... зар и со ова сега ќе треба да се замарам...

Не можам само да ги разберам. Зошто мислат дека овие работи, како што се планирање и оформување на град, и неговата ифраструктура, сообраќај и јавен превоз се толку небитни работи, зошто мислат дека се толку прости и едноставни... па само направи колку да го биде, колку да го има... плукни залепи.... не се прави тоа така... 

Многу грешат.... многу... од една страна имаш град кој неконтролирано се шири и зголемува... а од друга страна ние си играме мајтап со јавниот превоз...

Како само мислат да протнат трамвај на рекорд? Како? 

Па поарно нека земат од оние би-артикулејтед тролејбуси и нека си замислуваат дека имаат трамвај.

Само што многу понормално е да земат такви, и поефтини се, и помалку инфраструктура... ако сакаат да биде на струја... ете им струја... капацитетот... тука негде... брзината исто... многу подобро такви да земат, отколку да прават некој квази-ЛРТ, ма каков ЛРТ ова е стандарден трамвај... и да мислат дека го решиле проблемот со јавниот превоз во Скопје... во градот кој се повеќе и повеќе се деградира и расипува... уништува...

Ама тоа е... ај баш да видиме што ќе бидне и од ова...

Како за рингишпил да се работи.... На тоа е сведен нашиот менталитет.

Не дека е вистинска и неопходна потреба... тоа успат... The main purpose is the feeling.. the feeling of being inferior, and the efforts to change that... but it seems we will fail anyway.... а зошто... зашто сме заслепени... затоа... затоа што не знаеме кои ни се правите потреби... кои ни се правите работи кои треба да ги направиме... зашто не си даваме самите да еволуираме и да се издигнеме на повисоко... зошто.... најмногу поради таа искомплексираност од инфериорноста... и занимавање со глупости и воопшто непотребни работи... заборавајќи дека има поважни нешта од нашите секојдневни бизарни и мизерни жалопојки, прибирања и мерење ‘‘величини‘‘... и притоа неправење ништо за промена... правилна промена... отидов оффтопик... ама ај... 

Originally posted by nenad Баш и не ги разбирам последниве неколку постови?! Никој не може да негира дека трамвај, посебно ензависен ЛРТ ќе го растерети сообраќајот. Прашање е само како ќе го спроведат. Геграфката положба на Скопје кажува јасно дека треба да се покрие линијата исток-запад. Пр. Сараево. Тие го ставија трамвајот на средината наглавниот нивен булевар кој исто така иде исток-запад и покрива голем дел од градот. Само нашиве ставија на Партизанска идиотски зелен појас со некои жбунови, ко бајаги имаме зеленило во градов

Железничката линија може многу лесно да се постави под партизанска, со тоа ќе се зголеми брзината на јавниот превоз, во споредба ако се иде со класично трамвајско решение.

Со спроведувањето на проектот „Трамвај“...

Кога ќе напишат вака, веднаш се сомневам во транспарентноста. Мислам дека трасата треба да произлезе од многу опсежни анализи и размисли за малку поголеми инвестиции.

Можеби помал проблем е како ќе вози по периферните делови, но преминот низ централното градско подрачје и Транспортниот центар мора да се реши малку похрабро.

Целта треба да биде радикално побрзо транспортно средство, кое ќе придобие патници за сметка на другите. И секако, мора да се смета на тоа дека автобусите ќе останат во сообраќај.

Затоа, објавување само на „Трамвај“ без никакви други измени на јавниот превоз и градската инфраструктура изгледа како „Трамвајот наречен желба - 3 дел“. Само што сега изгледа ќе се оствари, но како и по која цена..

Originally posted by phenomenon Доколку трамвајската линија оди по средишното булеварско зеленило, останува нејасно каде ќе се симнуваат патниците од трамвајот. Право на улица? Како ќе се реши тоа?

Како што е решено сегде во свет - се става ограда, ако треба и мало проширување.

Трамвајскиот сообраќај ќе се одвива по крајната десна лента ?
 
Па тоа е лудило невидено, кога ќе се искомбинираат автобусите кои треба да се движат и да застануваат на крајната десна лента со трамвајот кој исто така ќе треба да се движи и да застанува на крајната десна лента, ќе добиеме уште поголем сообраќаен метеж од сегашниот.
 
А автобусите, како и до сега, ќе се движат по средна лента поради зафатеноста на крајната десна лента, така да, сообраќајниот метеж наместо да се растерети, ќе стане уште поголем.
 
А какви се плановите за безбедноста на останатите учесници во сообраќајот, особено пешаците, велосипедистите, а пред се, децата, младите и постарите ?
 
И што стана со најавите за трасата Гази Баба - Ѓорче Петров, се откажаа од нејзе ?
 
Таа траса треба да им биде уште поважна од трасата Ново Лисиче - Ѓорче Петров, бидејќи трасата Гази Баба - Ѓорче Петров со тек на време ќе треба да се продолжи кон Илинден и аеродромот Александар Велики од една страна, и кон Сарај од друга страна, за да прерасне во траса Аеродром Александар Велики / Илинден - Сарај.
 
Нели се фалеа дека имаме современ аеродром и дека ќе организираат редовен превоз од аеродромот до централното градско подрачје и назад ?
 
Па еве, ова им е шанса за тоа, зошто не ја зеле во предвид во овој нивен првичен план ?
 
Организираниот автобуски превоз од Александар Велики до централното градско подрачје и назад треба да биде привремено решение, ако воопшто планираат тој аеродром навистина да биде поврзан со градот, ќе мораат да преминат кон редовна трамвајска линија од аеродромот до централното градско подрачје и назад како решение на долг рок.
 
Но зошто да си ги вжештуваме главите, кога и онака ќе треба допрва да подготвуваат тендерска документација и да распишуваат тендер на кој ќе бираат концесионер ?
 
А нема никакви гаранции дека ќе се јави некој на тој тендер, исто како што нема никакви гаранции дека истиот ќе заврши успешно во 2012, а ако тендерот не заврши успешно во 2012, тогаш во 2013, 2014 и 2015 ќе им биде тешко успешно да ја завршат постапката за јавната набавка, бидејќи сите тие се изборни години, а за време на избори јавните набавки се стопираат, во 2013 ќе им биде најтешко бидејќи тогаш треба да се одржат наредните редовни локални избори, можеби градот Скопје ќе добие нов градоначалник и нова градска администрација која може да ја започне повторно од почеток целата постапка, или дури и да ја прекине истата.


Edited by Dexter26 - 04-Nov-2011 at 02:38