Булевар АСНОМ / АВНОЈ (+изградба на нов мост)

https://www.facebook.com/CityofSkopje/

Се бара изведувач за мостот на Вардар и булеварот низ Керамидница   



Во јавната набавка што ја распиша Град Скопје се бара изведувач, кој во рок од 550 дена, ќе направи продолжување на булеварот „АСНОМ“, од крстосницата со булеварот „Васко Карангелески“, кон реката Вардар, како и изградба на мостот на реката Вардар, во вкупна должина (на булеварот и мостот) од околу 400 метри. Само мостот ќе биде со должина од 120 метри, ќе се изгради во близина на хотелот „Русија“ и ќе ги поврзе булеварот „АСНОМ“ во населба Аеродром со булеварот низ Ќерамидница, за што треба да бидат урнати 180 објекти низ населбата



Градот Скопје распиша јавна набавка за втората фаза од капиталниот проект за поврзување на општина Аеродром со Центар и Гази Баба, со изградба на мост на реката Вардар. Поточно, изградба на булеварот „АСНОМ“ од улица „Васко Карангелевски“ до улица „Индустриска 1“.

Како што информираат градските власти, со оваа фаза се планира продолжување на булеварот од првата фаза, каде во моментов се работи на проширување на булеварот АСНОМ, што се одвива на потегот од крстосницата со булеварот „Србија“ до крстосницата со булеварот „Васко Карангелески“.

Должината на трасата во првата фаза изнесува 845 метри, каде што новиот булевар АСНОМ ќе добие по три коловозни ленти од двете страни, средишно булеварско зеленило, пешачки и велосипедски патеки од двете страни на булеварот, како и тактилни патеки за лицата со оштетен вид по целата должина на пешачките патеки. Со втората фаза е предвидено продолжување на булеварот „АСНОМ“, од крстосницата со булеварот „Васко Карангелески“ кон реката Вардар, како и изградба на мостот на реката Вардар, во вкупна должина (на булеварот и мостот) од околу 400 метри – објаснија од Градот.

Само мостот ќе биде со должина од 120 метри, ќе се изгради во близина на хотелот „Русија“ и ќе ги поврзе булеварот „АСНОМ“ во населба Аеродром со булеварот низ населбата Ќерамидница, за што треба да бидат урнати 180 објекти низ Ќерамидница.

Од Градот додаваат дека по целата должина (вклучувајќи го и мостот), се предвидува модерно сообраќајно решение, со по три сообраќајни ленти во двата правци, како и пешачки и велосипедски патеки.

– Со овој јавен повик предвидено е и поставување на модерно осветлување, како и поставување на водоводна и канализациона мрежа. Во моментов се работи и на расчистување на имотноправните односи за трасата од третата фаза на проектот (поврзување со булеварот „Гоце Делчев“), каде што постапките се во тек и досега се расчистени над 30 проценти од вкупната траса – информираат градските власти.

Инаку, како што последно изјави скопскиот градоначалник Петре Шилегов, Градот на жителите на Ќерамидница, каде што ќе минува трасата на булеварот им нуди 800 евра по квадратен метар станбен простор и 8.000 денари по квадрат дворно место.

Инаку, според објавениот јавен оглас, проценетата вредност на оваа втора фаза без ДДВ изнесува 309.857.712,49 денари.

Носителот на набавката е должен да ги изведе работите во рок од 550 дена, сметано од денот на доставениот писмен налог за воведување во работа од страна на договорниот орган. Освен тоа, носителот на набавката гарантира за квалитетот на извршените градежни работи за период од две години и тоа сметано од техничкиот преглед, во кој рок носителот на набавката е должен како изведувач на свој трошок да ги отстрани, поправи или замени неквалитетно изведените градежни работи.
Заинтересираните понудите треба да ги достават најдоцна до 27.1.2020 година во 13 часот, кога и ќе се спроведе нивното јавно отворање.

Првата фаза од проектот започна на крајот на април годинава.

https://www.vecer.press/се-бара-изведувач-за-мостот-на-вардар-и/

Не ме чуди да се контреле и за инает да не го изгласале, ама да ни покажат и двете страни како изгледаат решенијата за да не нагаѓаме. Ако е трасата поевтина, сигурно е без врска и со многу кружење.

Originally posted by Cloverstack Веројатно ова се варијантите: http://www.build.mk/forum/forum_posts.asp?TID=1648&PID=234400#234400

Ми избегало. Фала! Јасно се гледа разликата. Е сега дали има потреба од крстосница одма после мостот со таа новопроектираната улица од Космос/ФОН, или можеле денивелирано, тоа е друга тема. Како што ја сфаќам таа улица, таа е само сервисна улица за Ќерамидница, а не е некоја нова главна градска трансверзала.

И која е сега варијантата, зелената или црвената?

Искрено, до толку немам доверба во властите и институциите, што дури не почнат со рушење нема да бидам сигурен дека навистина е одбрана подобрата варијанта.

Меѓу Србија и салата има уште две раскрсиници. Ќе видиме наскоро тука што ќе има.

По тоа што јас гледам ќе има 4 раскрсници. И кај двата влеза на паркинзите по тоа што гледам ќе има лента да вртење лево. Ќе биде како на Јане Сандански.

Инаку го вадат асфалтот на стариот коловоз. По новиот се вози.во насока кон СЦ Јане Сандански.

Нема доволно простор за да се изведат кружни текови. Паралелната улица од страната на Вардар е толку блиску што не може да се изведе спојка. Нема доволно простор ни за асална крстосница (сегментот ќе може да прими максимум 2 возила, или ако е долг автобус или камион со приколка/полуприколка тогаш нема да може ниту 1 такво возило добро да се постави на крстосницата од таа страна). За вакво катастрофално планирање треба да се губи лиценца, но ваква очигледна и груба грешка се провлекува и низ други ДУП-ови.

Од другата страна (од кај станбената населба) има за нијанса повеќе простор, но исто така сосема недоволно, во суштина проблемот ќе биде само малку помалце изразен.

Кружен треба и кај Хилтон, неподнослива гужва е во правец према ФОН/Бриколаж! А да потсетам градоначалникот планира тука да пренасочи сообраќај кога би се изградила во продолжние Хрватска...