Спортски комплекс „Јане Сандански“

Салата е баш како рекоа и другиве членови, просечна во секој поглед. Не сум воодушевен воопшто, но ајде сепак нова си е нова, иако за сала градена сега не е ништо посебно. Навистина не знам откаде ги ископаа тие дополнителни 1.500 места, зашто јас искрено не ги гледам. Сега очигледно Скопје доби две вакви средни сали, така што фали уште една голема, баш Арена некоја. Изградивме стадион за копуци кои ни во клубови, а камоли за во репрезентација знаат да играат, додека за ракометари и кошаркари, кои барем се пласираат на првенства, немаме добри услови. Се согласувам со Денко, фалат сали и во другите градови, односно не мора нови, може да се обноват барем.

П.С. Во македонски јазик имињата се предаваат на кирилица, нема тука оригинали, ваму-таму, во пасош како му било. Ама кога цела екипа ти се странци, очигледно така ќе биде.

Ок е салава,што мора за се нешто да напнете.Можело подобро,да секогаш може.До вчера у гаража играа екипиве. Сега очекувам и Минчо да вложи во нова сала,ја сум за Металург 

Од каде српска латиница на шкафчињата во соблекувалните?
Нели нема повеќе š,č и ć?

Edited by phenomenon - 28-Aug-2014 at 10:18

Спортскиот центар „Јане Сандански“ и хотелот „Русија“ денеска свечено ги отворија вратите

После нецели 16 месеци изградба, спортскиот центар „Јане Сандански“ и хотелот „Русија“ во скопската општина Аеродром [»мапа] се завршени и од денеска официјално отворени. Мултифункционалниот комплекс е инвестиција од 15 милиони евра на рускиот бизнисмен Сергеј Самсоненко, реализирана преку јавно – приватно партнерство со локалната власт. Изграден е на парцела од 11.000 метри квадратни, на местото на старата сала на МЗТ Скопје, која беше урната на почетокот на 2013 година. Според одредбите на договорот за партнерство помеѓу општината и рускиот инвеститор, Самсоненко ќе стопанисува со комплексот до 2049 година.

Новата арена ќе биде дом на РК „Вардар“ и КК „МЗТ Скопје“. Првично беше најавен капацитет на големата сала за 5.360 гледачи, но според денеска лиферуваните информации и тврдењето на генералниот менаџер на спортскиот центар, Надица Димовска, капацитетот на големата сала е 6.500 гледачи, а на малата 1.000 гледачи. Во склоп на СЦ „Јане Сандански“ ќе има и конгресен центар, тениски игралишта, фитнес и аеробик центар. Хотелот „Русија“ има четири ѕвездички и располага со 61 соба и апартмани, од кои еден претседателски и шест „супериор“ апартмани, 28 еднокреветни, 12 „твин“ и 14 „дабл“ соби. Дел од содржините на хотелот се и спа центар и „руф“ бар. Целиот повеќенаменски комплекс обезбедува над 50 работни места.

Проектот за спортскиот центар и хотелот беше изработен од страна на реномираното македонско студио „Радо Инженеринг“. Во изградбата учествуваа над 60 македонски компании и пет странски (од Русија, Србија и од Словенија), со вкупно ангажирани околу 1.600 работници. Главен изведувач беше „Гранит“, а надзорот го вршеше „Мегарон инженеринг“. Проект менаџментот ѝ беше доверен на српската фирма „CRE Construction & Consulting“.

Спортскиов комплекс има една голема мана, а тоа е паркинг просторот. Според мене мора да се изнајде решение во блиска иднина во близина да се направи една катна/подземна гаража во која бесплатно би паркирале сите што имаат карта за мечот. Исто така замислете кој хаос ќе се создава за влез/излез на веќе постоечките паркинзи Во Карпош се создава хаос, со многу подобра инфраструктура, а камоли тука.

Originally posted by gjoko денеска слушнав на Тв информација дека кога ќе игра МЗТ(јави се Фосил) на столчината ќе им биде навлечена навлака со боите на МЗТ наместо ваквите на вардар. затоа кавгата околу бојата изгледа била за џабе

Наивно е да се верува дека нашиве ќе ставаат и ќе тргаат по 6500 навлаки на столчињата по два пати неделно. Тоа ќе го напарават еднаш, двапати, трипати и ќе баталат.

денеска слушнав на Тв информација дека кога ќе игра МЗТ(јави се Фосил) на столчината ќе им биде навлечена навлака со боите на МЗТ наместо ваквите на вардар.

затоа кавгата околу бојата изгледа била за џабе

Најубавите места за следење на натревар се претворени во влез на трибина ????

Originally posted by Џоле

 
Windows 7 - паметен избор, го препорачувам на сите, истовремено советувајќи ги да се држат настрана од Windows 8 и Windows 8.1, особено поради безбедносни причини - Кинезите знаат што прават кога забрануваат Windows 8 и Windows 8.1 да биде користен во државната и јавната администрација во Кина, а особено во разузнавачките служби.
 
А кога сме кај салата, првично ми делуваше како помала копија на СРЦ Борис Трајковски, но со сите 4 трибини, за разлика од СРЦ Борис Трајковски, на која секогаш ќе и недостига таа 4-та трибина.
 
Но сега кога го видов ова со природново осветлување, еден голем за салава.
 
Боите на седиштата и аеродромските фамилијци слободно нека шетаат, салава е супер.

ЕХФ „ѝ зема мерка“ на новата сала во СЦ „Јане Сандански“



Ден пред официјалното отворање на новата сала во СЦ „Јане Сандански“ пристигна и делегација на ЕХФ во инспекција која веднаш и „зема мерка“ на новата сала. Причината не се РК и ЖРК Вардар, туку РФМ.

Аленка Цудерман и Кармен Манчад од ЕХФ, беа во обикола на новата сала, каде детално ги бележеа сите детали, а меѓу другото се фатија и за метро, за да видат дали понудената сала ги исполнува сите услови, особено оддалеченоста на теренот од трибините. Иако го имаа планот на салите, сепак сакаа самите да се уверат дека бројките се точни.

Најмногу мерења имаше во СРЦ Кале, иако таму се играле многу натпревари од Лигата на шампионите, помалку во помалата сала во Сц „Јане Сандански“, а воопшто немаше забелешки на новата голема сала во спортскиот комплекст што утре се отвара. Неизвесно е како ќе мине инспекцијата во Охрид.

Следната година РФМ треба да биде домаќин на машко кадетско ЕП, а покрај салите во Скопје („Борис Трајковски“, СРЦ Кале, и „Јане Сандански“) инспекција ќе биде направена и на „Билјанини Извори“ во Охрид. Потоа ќе биде решено кои две сали, или евентуални три ќе влезат во избор за домаќини на ЕП за кадети.

Првиот официјален меч на РК Вардар во новата сала треба да биде против Чеховски Медведи во Лигата на шампионите на 4 октомври 2014 година.

http://sportmedia.mk/ehf-zema-merka-na-novata-sala-vo-srts-jane-sandanski-foto/

Edited by jyvation - 27-Aug-2014 at 14:43