Германска инвестиција во рудникот за габро
Германскиот инвеститор Гинтер Капраун" ја продолжува инвестицијата во рудникот за габро во близина на селото Пантелеј во кочанскиот регион. Поставен е првиот темел од платформата на која ќе се постави машината за преработка на каменот габро. Во германскиот град Хановер се подготвуваат и товарат постројките од дробилницата за да бидат транспортирани до рудникот.
За потребите на рудникот кај селото Пантелеј и за реализација на проектот на којшто работи фирмата Бетон" пробиен е и тампониран патот меѓу селата Спанчево и Пантелеј, којшто изнесува 8,5 километри, а што ќе озовможи непречен транспорт на рудата.

http://www.time.mk/read/495185b336/30b19d59d9/index.html

Се навестуваат нови рударски окна по изборите

Прилеп и Кавадaрци лежат на никел и железо?!

Катерина Попоска

Дали ќе се отворат четири нови рударски окна во околината на Прилеп, Кичево и Кавадраци треба да покажат деталните геолошки истражувања на неколку заинтересираните инвеститори, кои сe уште се кријат од јавноста. Бидејќи Владата на Никола Груевски, предизборно не смее да склучува никакви договори, и иднината на овие потенцијални рудни наоѓалишта се одложува за по изборите. Првичните информации на геолозите во земјава се дека кај локалитетите Ракле и Црна Тумба во околината на Прилеп најверојатно има големи наоѓалишта на никел и железо. Кај локалитетот Арничко, пак, во близина на Кавадраци, геолозите навестуваат дека длабоко под земјата има резерви на хром. Во локалитетот Стрелци во Осломеј, пак, геолозите проценуваат дека миоже да се ископа молибден и други метали. Иако во Министерството за економија знаат кои домашни и странски компании сакаат да ја добијат концесијата за детални геолошки истражувања на овие локалитети, сe уште е неизвесно кои и кога овие потенцијални рудници ќе почнат да се истражуваат. Анализите на концесионерите треба да покажат дали ќе се отворат нови рудници за железо, никел и молибден во земјава.
  
Отворањето на нови рударски окна го посакуват и македонските компании кои ја преработуваат оваа руда и Владата, бидејќи тоа ќе значи раст на македонската економија, отворање нови работни места, како и поевтина домашна руда. Можното отворање на рудници во Прилепско е особено позитивно ако се земе предвид фактот дека токму кавадаречки Фени преработува фероникел. “Македонија има добар потенцијал и за истражување и за експлоатација на металните минерални суровини. Постојано има странски компании, докажани во истражувањето на минералните суровини, кои сакаат детално да ги истражуваат потенцијалите на земјава. Кога е рударството во прашање, Македонија има потенцијали кои допрва треба да се истражуват”, вели Ејуп Љатифи, раководител на секторот за минерални суровини во Министерството за економија.

Министерството уште од септември минатата година почна постапка за давање концесии за истражување на минерални суровини на 73 локации. Надлежните одлучиле дека најповолни понуди пристигнале само за 31 локација, која може да се истражува. Според Николајчо Николов, директор на рудникот Бучим и претседател на Македонската Асоцијација за рударство (МАР) оценува дека доделувањето нови концесии за детални истражувања ќе биде значителен инпут во рударството, гранка која годинава дава знаци на заздравување од кризата. “Ќе вршиме детални геолошки истражувања на бакар на локалитетот Боров Дол кај Пехчево, што ќе значи продолжување на континуитетот на работата на Бучим од Радовиш за следните 10 години.

Годинава треба да почнеме и со истражување на локалитетот Кадиица кај Радовиш, кој очекуваме дека ќе го продолжи континуитет на Бучим во периодот 2019-2030 година. Се работи за инвестиција од неколку стотини милиони евра, секако, доколку истражувањето ги даде очекуваните рудни резерви”, објаснува Николов. Тој додава дека можното отворање нови радарски окна е значаен момент за рударството и за неговиот понатамошен индустриски развој. “Во последните 5-6 години не се отворени нови рудници. Очекуваме позитивни резултати затоа што ќе се отвораат нови фирми, што ќе значи нови вработувања и, секако, раст нa македонската економија”, вели Николов. Во моментов во Македонија доделени се 300 концесии за експлоатација и 109 концесии за детални геолошки истражувања. Дури 28 локалитети во земјава богати со кварц, варовник, доломит, глина, андезит и шкрилец го чекаат својот концесионер.

http://www.kapital.com.mk/mk/makedonija/65779/prilep_i_kavadarci_lezhat_na_nikel_i_zhelezo_!.aspx

http://www.time.mk/read/0c05e26336/9d6d641e96/index.html
Доделени 300 концесии за геолошки истражувања

malku poopsirno

Кај Пехчево ќе никне нов рудник за бакар

Се очекува вo новиот рудник да има работа за 200 лица

Иван Бојаџиски

Штип – На месноста Кадиица над Пехчево ќе никне нов рудник за оксиден бакар. Него ќе го гради руската компанија „Солвеј“ преку својата новоформирана фирма во нашата земја „Кадиица метал“. Се планира инвестиција од над сто милиони евра. Во малото гратче на истокот од државата, на разговор со градоначалникот беше целокупниот менаџерски и стручен тим на рудникот за бакар „Бучим“ од Радовиш, кој, исто така, е во сопственост на „Солвеј“.

Експертите по геологија го посетија местото каде што треба да никне новиот рудник и на кое во периодот 2001-2009 година американската компанија „Фелпс Доџ“ вршеше геолошки истражувања, но се откажа од оваа постапка, по што Министерството за економија распиша нов тендер, а работата ја доби и ја продолжува „Кадиица метал“. Извештаите и резултатите од истражувањата Американците му ги предадоа на нашето Министерство за економија и тие сега се во неговите архиви, па многу работи со рудните потенцијали на Кадиица се познати.

„Наша обврска е со геолошките истражувања да завршиме за период не подолг од четири години. На терен ќе ги испратиме нашите најдобри геолози, а за процесот на дупчење со кој се утврдуваат рудните резерви и нивниот квалитет ќе ангажираме фирма од Бугарија, една од најдобрите во Европа за ваков тип работа што поседува најсовремена технологија за дупчење. Сите досега извршени истражувања ни влеваат огромен оптимизам во постоењето рудни резерви на оксиден бакар погодни за економска експлоатација“, вели Николајчо Николов, управител на „Кадиица метал“ и заменик-генерален директор на „Бучим“.

За Јованчо Станоевски, градоначалник на Пехчево, доаѓањето на целиот менаџерски и стручен тим на руската компанија, која во Македонија ги купи рудниците „Саса“ и „Бучим“ и кои одлично ги менаџира, е најубавото нешто што во последните две децении и' се случило на малата општина.

„Ова ниту на сон не можевме да го сонуваме. Пехчево го носи името од стара рударска традиција, од зборот пешти, односно печки во кои се топела железна руда. Од тие прастари времиња на рударење во нашиот крај се' уште постојат јасни траги. Доаѓале фирми да истражуваат и си заминувале, но никогаш кај нас не дошол толку репрезентативен тим. Тоа ни дава надеж дека сега работата станува крајно сериозна и ние веруваме во ветувањата на менаџерите дека овде ќе никне нов, значаен стопански капацитет што исклучително позитивно ќе влијае врз економскиот и социјалниот развој на нашето неразвиено подрачје, потенцира градоначалникот Станоевски. Тој додава дека општината веќе го почувствувала првиот благодат од рудникот.

„На име концесии за геолошки истражувања добивме 120.000 евра, пари што пристојно го освежија нашиот скромен буџет. Кога ќе стартува рудникот над 60 проценти од буџетот ќе се полни со пари од концесијата што општината ќе ги добива по основа на експлоатацијата на бакарот“, појаснува Станоевски.

Веста за присуството на десетмина менаџери и експерти на руската компанија бргу се пронесе низ малото гратче. Многу луѓе се собраа на плоштадот и разговараа со дојденците за нивната нова перспектива. Полна со нова надеж Сузана Теохарова, продавачка во трафика за весници, ни рече дека толку убава вест во своето Пехчево не слушнала со децении.

„Ни избегаа младите, бидејќи овде ништо добро не се случува. Да имав можност и јас ќе побегнев некаде во нормалниот свет. Имам син наскоро ќе се стекне со диплома за електроинжинер, сака да остане во родното место, се надевам дека ја носат нашата нова радост. Верувам во овие луѓе штом на такво ниво дојдоа во местото во кое часовникот на надежта одамна застанал“, вели Теохарова.

Антонио Карбински има 30 години, исто така, работи во трафика. За себе вели дека е млад човек што ја изгубил сета надеж и поради тоа не планира да се создава семејство, бидејќи нема со што да издржува. „Ова што денес ни се случи ги свртува работите, го олеснува стегите на нашиот огромен песимизам и влева нова верба дека за младите ќе се отворат перспективи. Од медиумите читам дека рудниците во кои влегоа Русите работат одлично, а Радовиш и Македонска Каменица доживеаја вистинска социоекономска реинкарнација. Убеден сум дека таква убава иднина не' чека и нас младите во овој град, од кој сите убави нешта одамна избегаа“, вели Карбински.

http://www.utrinski.com.mk/?ItemID=4ABC149AD7CCC4458FBE76D3FAB9104F

Потпишани договори за концесии за истражувања на минерални суровини

http://www.netpress.com.mk/vest.asp?id=83042&kategorija=2

СТАБИЛНА ЦЕНА НА МЕТАЛИТЕ
Рудниците го одврзаа ќесето Рудниците за метали планираат зголемување на производството бидејќи очекуваат зголемена побарувачка и стабилни цени на металите на светските берзи. Дел од нив, наредните две години ќе инвестираат во отворање нови рудници. - Очекуваме стабилни цени на металите на берзите, а тоа ќе овозможи и реализирање на плановите за производство и за завршување на инвестициониот циклус почнат годинава - вели Николајчо Николов, претседател на Здружението на рудници. Рудникот „Бучим“, вели Николов, до август идната година треба да ја заврши инвестицијата вредна девет милиони евра за производство на катоден бакар. - На ваков начин се отвора можноста за добивање годишно производство од 2. 800 тони катоден бакер и за 50 нови работни места - вели Николов. Сопственикот на рудникот „Солвеј“ преку две нови фирми доби дозвола за геолошки истражувања на рудните лежишта „Боров дол“ во општина Конче и за рудното лежиште „Кадиица“ кај Пехчево. - Претходните истражувања на ова подрачје укажуваат дека има рудни резерви, па нашите понатамошни истражувања ќе се фокусираат на можностите за нивна експлоатација - вели Николов. И рудниците за олово и за цинк очекуваат годинава да ја завршат успешно, а наредната да имаат стабилно производство. - Се надеваме дека нема да има поголема промена на цената на оловото и на цинкот во наредниот период. Ако тоа се случи, ќе може да сметаме на остварување на планот - вели Максим Прохоров, директор во рудникот „Саса“. Цената на овие метали сега на светските берзи е 2.000 долари за тон, но разликата меѓу доларот со која се плаќа рудата и еврото со кое се плаќаат трошоците, според Прохоров, не дозволуваат рудникот да забележи голем финансиски ефект. Но, и покрај тоа, во „Саса“ се планира продолжување на инвестиционата активност. Вкупно четири милиони евра ќе бидат потрошени за изградба на транспортна и на подземна инфраструктура за новиот рудник, за која „Саса“ доби дозвола за експлоатација. - Првите количини руда треба да се ископаат во 2012 година, а до тогаш треба да бидат завршени сите подготвителни активности - вели Прохоров.

http://www.vreme.com.mk/DesktopDefault.aspx?tabindex=2&tabid=1&EditionID=2212&ArticleID=154396

Бакарот урива цени и отвора рудници

И американската компанија „Фелпс Доџ“ најавува отворање рудник за бакар во Струмичко

Иван Бојаџиски


ШТИП - Најавата дека руската компанија „Солвеј“, која во Македонија ги поседува рудниците „Бучим“ и „Саса“, ќе отвора уште два нови рудника за бакар во источниот дел на Македонија, стана топ-тема меѓу луѓето од ова подрачје. Но, не се само Русите заинтересирани за нашиот бакар. И американската компанија „Фелпс доџ“ најавува отворање рудник за бакар кај струмичкото село Иловица, кој ќе биде меѓу најголемите во Југоисточна Европа.

Целиот овој интерес на странски инвеститори за македонскиот бакар пред три години, во разговор за „Утрински весник“, го најави Николајчо Николов, заменик генерален директор на рудникот „Бучим“. Николов, кој е и претседател на македонската рударска асоцијација, тогаш изјави дека доаѓа време кога бакарот во светот ќе се бара на лажичка. Тоа пророштво се остварува последните две години, време во кое цената на овој метал доживеа фантастичен скок на светската берза на метали, а и златото, кое го има во бакарната руда во однос на цената ги урива сите рекорди.

„Цената на тон бакар се искачи на 9.000 долари што е за трипати поголема цена од онаа што ја имавме пред шест години кога „Солвеј“ го купи рудникот „Бучим“. Ценовниот скок е резултат на фактот дека светската економска криза веќе стивнува и многу индустриски гранки, кои имаат потреба од овој метал, повторно работат со полн капацитет. Од друга страна, производството на бакар во светот е лимитирано, а зголемената побарувачка ги натера сопствениците инвестиционо да се свртат и кон рудници со поскромна содржина на метали. Меѓу таквите капацитети е и нашиот „Бучим“ како единствен рудник за бакар во Македонија. Ако во поранешна Југославија во рудниците од ваков тип воопшто и не била третирана оксидната бакарна руда, денес тоа повеќе не е така. Преку систем на лужење се оди на производство и на оксиден бакар, постапка за која инвеститорот „Солвеј“ само во рудникот „Бучим“ вложува 9 милиони евра. Таква бакарна руда ќе се експлоатира и во рудникот, кој рускиот инвеститор планира да го отвори кај Пехчево. Сега, во новонастанатите услови, се оди на експлоатација на секој грам бакарна руда“, вели Николов.

Последниве шест години интензивно се работеше на истражни рударски работи и во струмичка општина, поточно во близина на селото Иловица. Истражните работи се при крај, а оттаму пристигнуваат информации дека се работи за едно од најбогатите лежишта со бакарна руда во Југоисточна Европа. Концесијата на две локации во овој атар ја има добиено американската компанија „Фелпс доџ“, која без прекин ги извршува истражните работи. Дознаваме дека се работи за огромна количина рудни резерви со повисока содржина на металот во суровата руда од онаа што се експлоатира во „Бучим“. Нашите информации говорат дека во првата половина од идната година Министерството за економија ќе распише оглас за доделување концесија за експлоатација на минерални суровини на локалитетот Иловица, при што предност има компанијата, која инвестирала во истражните работи под услов таа да е заинтересирана на условно речено „своја“ локација да отвори комплетно нов рудник за бакар.

Југоисточниот дел на Македонија, од Крива Паланка преку Македонска Каменица, Делчево, Берово, Радовиш и Струмица е македонското елдорадо на обоени метали. Оттука не е за чудење фактот што странски инвеститори покажуваат се' поголем интерес за нашето рудно богатство. Од тоа нема да профитираат само инвеститорите, туку и државата, но и општините на чии територии се рудниците.

„Секој рудник издвојува по два процента од вредноста на металите и таа сума ја уплатува на сметка на државата од каде што поголемиот дел се префрла во општинските буџети. Само минатата година на име концесија за оствареното производство исплативме еден милион евра. Од оваа сума 780.000 евра се за општина Радовиш, бидејќи 78 проценти од вкупната сума е наменета за општината, а 22 проценти за државата. Тоа говори дека отварањето на рудници двојно ги препородува локалните заедници. Еднаш преку вработувањето, а втор пат преку големите пари, кои се уплатуваат во општинските буџети“, тврди Николов.

http://www.utrinski.com.mk/?ItemID=F1FA28D09202C14EB30BDC24150C63DB

СКОПЈЕ / 24.12.10 / 10:00

Нов рудник на бакар треба да биде отворен кај Пехчево со 100 рудари, додека на две нови локации во источна Македонија, исто така, Русите ќе трагаат по лежишта на овој метал.

 

Македонската влада, како што пишува „Утрински весник“ донела одлука на две нови фирми од семејствотот на руската компанија „Солвеј“ да им додели концесии за истражување на минерални суровини.

 

Новите локации за истражување се наоѓаат во источниот дел на земјата, едната кај Пехчево, а другата во атарот на општините Конче и Штип.

 

Новоформираните фирми кои ќе трагаат по бакарот, имаат обврска да ги испитуваат наоѓалиштата и евентуалното богатство за период од најмногу четири години.

 

Руската компанија „Солвеј“ е сопственик на рудникот за олово и цинк „Саса“ кај Македонска Каменица, како и рудникот за бакар „Бучим“, кај Радовиш.

 

Истражувањата ќе бидат насочени исклучиво кон рудните резерви на бакар , кои се претпоставува дека во тие наоѓалишта ги има во количини кои гарантираат профитабилно производство

http://www.ereporter.com.mk/mk-mk/Details.aspx?Title=15184

„Бучим“ го продолжува векот за две децении Единствениот рудник за бакар конкурира за концесија за рудните лежишта „Боров Дол“ и „Кадиица“ Иван Бојаџиски Штип - За единствениот македонски рудник за бакар „Бучим“ работа ќе има и во наредните две децении. Со отворањето на две нови рудни наоѓалишта, векот на работа на „Бучим“ ќе се зголеми за уште десет години, па заедно со сегашните рудни резерви што се експлоатираат, овој капацитет ќе може да работи и во наредните дваесетина години. Станува збор за рудните лежишта „Боров Дол“ во соседната општина Конче и за рудното лежиште „Кадиица“ кај Пехчево, за кои радовишкиот рудник преку две свои фирми-ќерки формирани специјално за оваа намена, конкурирал за геолошки истражувања. „’Боров Дол‘ е оддалечен од нашиот рудник само осум километри и оттаму рудата, ако ја добиеме концесијата, ќе ја носиме со транспортни ленти што е една исплатлива можност. Бакарната руда од ’Кадиица‘, која е оксидна, што значи дека за нејзина преработка не е потребна флотација, ќе ја преработуваме на самото место за што ќе изградиме соодветен погон. Рудата од ’Боров Дол‘ е сулфидна, иста како што е во лежиштето што го експлоатираме сега, што овозможува да се преработува во капацитетите на самиот рудник и што целата инвестиција ја прави исплатлива и профитабилна“, вели Николајчо Николов, претседател на Македонската рударска асоцијација. „Но, пред тоа ние ќе мораме да вложиме значајни инвестиции во детални геолошки истражувања, па со елаборат за утврдените рудни резерви откако резервите ќе бидат утврдени ќе го очекуваме конечното доделување на концесијата по што ќе можеме да започнеме со работа на терен“, појаснува Николов. Во Министерството за економија во понеделникот вечерта се отвораа понудите за нови концесии за истражувања во областите на металните и неметалните суровини, подземните води и украсните камења. Над стотина заинтересирани фирми во малата и претесна сала на ова Министерство будно го следеа процесот, со надеж дека секоја од нив ќе ја има најдобрата понуда. Министерството за економија пред 45 дена распиша јавен тендер за доставување понуди за геолошки истражувања на вкупно 73 локации, меѓу кои 54 локации се за неметални суровини, девет за подземни води, осум за метални суровини и два за украсни камења. За сите нив имало многу интересенти. „Невообичаено голем беше интересот кај нашите фирми за добивање концесија за истражување во овие области што говори дека е профитабилно инвестирање. Големиот интерес е најдобар знак дека од нашава држава има големи потенцијали на разновидно природно богатство и согласно со тоа дека стои потребата од почесто распишување тендери и доделување концесии како за геолошки истражувања, така и за експлоатација на тоа богатство. Конечно, од сето тоа корист ќе имаат компаниите, невработените и државата, која ќе го збогатува буџетот од концесиите“, вели Николов. Според него, за Македонија е значајно тоа што имаше тендер за доделување концесии за геолошки истражувања, кој дојде по пауза од цели четири години. „Интересот покажа во која насока треба да се развива дел од економската иднина на државата“, вели Николов. Инаку, во „Бучим“ во тек е реализација на најновата инвестиција вредна девет милиони евра со која треба да се овозможи преку систем на лужење да се искористи оксидната руда од сегашните копови, која не може да се преработува по пат на флотирање во флотацијата на рудникот. На ваков начин се отвора можноста за добивање годишно производство од 2.800 тони катоден бакар, со што вкупното производство ќе се зголеми од 7.000 на 9.800 тони катоден бакар на годишно ниво. За потребите на лужењето ќе се изгради нова хала од 2.000 квадратни метри и ќе се отворат 60 нови работни места.

http://www.utrinski.com.mk/?ItemID=D59CDBB4E65F2A4CB39FCE2EBC115E0D

Германска инвестиција за нов рудник за „габро“ во село Пантелеј, Кочанско

Кочани, 26 август 2010 (МИА) -  Германскиот инвеститор Гинтер Капраун и неговата фирма продолжуваат со инвестициските активности во селото Пантелеј Кочанско, за откривање на рудата „габро“.

- Добиените резултати охрабруваат, а досегашните испитувања на рудата „габро“ од лежиштето кај село Пантелеј се со добар квалитет, со голема густина и специфична тежина, изјави Капраун.

Тој смета дека каменот од типот  „габро“ е иднинатата на градежната индустрија во Македонија и светот.

- Се планира набавка на машина за дробење на цврстиот камен во гранулации со различна големина, според барањата на пазарот, истакна Капраун.

Овој производ може да се употребува во градежната индустрија за производство на асвалт за аеродромски писти и патишта со голема цврстина.кг/вј/17:49

http://www.mia.com.mk/default.aspx?vId=76455295&lId=1&pmId=