Промоција на Македонија

Во специјалниот прилог на познатиот магазин "National Geographic" се објавени најдобрите туристички локации од Македонија. Во истиот додаток, освен промоцијата за земјава, има објави и за туристичките атракции во Србија, Албанија, Црна Гора, Босна и Херцеговина и Косово.

Во додатокот на магазинот "Западен Балкан - земја на откритија", се препорачуваат овие шест балкански земји, како место за релаксација и одмор. Прилогот бил направен по предлог на УСАИД.

Според директорката на канцеларијата на УСАИД во Косово, Патриша Рајдер, се истакнуваат "46 извонредни начини" да се доживеат овие земји, каде посетителите ќе можат да уживаат во богатата култура и возбудливиот преплет на луѓе, историја и природа.

"Скрин интернешнал", "Индепендент" и "Cineuropa" се медиумите кои деновиве објавија текстови за нашиот штанд на Канскиот филмски фестивал

"Скрин интернешнал", "Индепендент" и "Cineuropa" се медиумите кои деновиве објавија текстови за Македонија и нашето присуство на Канскиот филмски фестивал. Поради учеството во заедничкиот павилјон на земјите од Југоисточна Европа на Канскиот филмски маркет, во поднасловот на текстот од престижниот "Скрин интернешнал" може да прочитате дека годинава за прв пат на маркетот се претставуваат Албанија, Кипар и Македонија. Слична најава за маркетот, но со изјава од директорот на Филмски фонд на Македонија, пренесува и угледниот "Индепендент". Таму е запишано дека "според Дарко Башески, претставник на македонскиот павилјон, тие се задоволни од заедничкиот настап со павилјонот и имаат добра посетеност и во првите денови од фестивалот".

Овој заеднички настап на осум земји од регионот (меѓу нив и Србија, БиХ, Словенија, Бугарија и Хрватска) е претставен и на угледниот сајт специјализиран за европскиот филм "Cineuropa", каде е потенцирано и дека идејата за ваквиот штанд е зачната пред две години на Сараево филм фестивал. Според тој напис, најстариот заеднички павилјон во Кан е оној за скандинавските филмови на Норвешка, Шведска, Данска, Финска и Исланд, а датира уште од 1978 година. Во 2000-та Естонија, Латвија и Литванија го создале нивниот павилјон, додека Чешка, Словачка, Унгарија и Полска заедно настапуваат од 2006-та.

Филмската случка на годината 63. Кански фестивал продолжува се до 23 мај, кога жирито на чело со претседателот Тим Бартон ќе го одбере добитникот на "Златна палма".

Павилјонот на Југоисточна Европа еден од најпосетените
Со плакати од новите македонски филмови Панкот не е мртов, Ова не е американски филм и омнибусот од балкански авторки Некои други приказни македонскиот штанд на маркетот на овогодинешниот Кански филмски фестивал ја претставува земјата и домашното филмско производство пред гостите на големата филмска фешта. Филмскиот фонд на Македонија изработи брошура на сите долгометражни и краткометражни филмови, документарци и анимирани филмови снимени од 2008 година до денес, а финансирани од Фондот.

Павилјонот на земјите од Југоисточна Европа е дефинитивно еден од најпосетените во Кан, тука може да се видат Лабина и Теона Митевска, Анета Лешниковска, Марија Џиџева, Томи Салковски, босанската режисерка Аида Бегиќ, филмаџии од целиот регион, директори на фондови, директорот на маркетот на Канскиот фестивал, директорката на Медиа програмата на фестивалот... За денеска во 17 часот е закажан македонскиот Happy hour.


Специјален известувач од Кан
Дејан ТРАЈКОСКИ

професионална деформација, загрижен сум дали е доволно добро угостена, прошетана..   само многу мрда на камера, едвај ја "сликнав" у понормално издание.. и смешно изговара Скопје.. ко Г'ујо е..

Вакви 10ина  у рисајкл

Иначе не е лоша