Претставниците на ТАВ ја скенираат состојбата на охридскиот аеродром

Охрид, 28. февруари (ИНПРЕС)

Веќе неколку дена преставници на турската компанија ТАВ која од 1 март ќе започне да управува со македонските аеродроми ја скенира состојбата и на охридскиот аеродром „Свети Апостол Павле“.

Од вчера интензивно се работи на скенирање на целокупната состојба на аеродромот. Никој од додегашните вработени нема да биде отпуштен од работа или пак ќе му биде намален досегашниот личен доход. Едноставно се доделуваат нови решенија за работа и се врши прераспределување на вравотените од едно на друго работно место, тврди директорот на охридскиот аеродром Борис Стефановски:

- Од денес започнуваат понудите и во рок од 15 дена секој од вработените треба да одговори на понудите за нови договори, а во договорите и понудите е наведено дека тие се во важност од 7 години. Вработените како надоместок ќе примаат личен доход најмалку како оној што го примале до сега, дури и да има промена на работното место од повисоко на пониско вредноста на платата ќе остане иста.

Стефановски вели дека турците се задоволни и од моменталната состојба и на охридскиот аеродром, а нивните очекувањата се дека по подобрувањето на нфраструктурата на аеродромот, бројот на патници и летови значително ќе се зголеми:

- Во Охрид нема да се прави реконструкција на полетно слетната патека. Овде ќе се прави нова административна зграда и паркинзи, а ќе се вложи многу во обновување на опремата. Пред извесно време овде беа нивни екипи, и направија мерење на теренот.

Претставниците на ТАВ веќе еден месец работат и во делот на маркетингот. Нивните маркетиншки менаџери одржуваат состаноци низ цела Европа. Само доколку на охридскиот аеродром има што повеќе летови, тогаш можеме да ја подобриме и туристичката дејност - вели Дончо Танески од ХОТАМ

Туристичките работници очекуваат туристичко заживување на Охрид по преземањето на охридскиот аеродром од страна на турската компанија ТАВ. Турските претставници од неодамна вршат скенирање на состојбата на аеродромот, а од наредниот месец ќе започнат и со управување со Свети Апостол Павле". Според Дончо Танески, претседател на Асоцијацијата на хотелиерските работници - ХОТАМ, состојбите во туризмот ќе се променат на подобро по преземањето на аеродромот од новиот концесионер.
- Веќе еден месец претставниците на оваа компанија работат и во делот на маркетингот. Нивните маркетиншки менаџери одржуваат состаноци низ цела Европа. Само доколку на охридскиот аеродром има што повеќе летови, тогаш можеме да ја подобриме и туристичката дејност. Големо е значењето на аеродромот и туристичката промоција за развој на туризмот - вели Танески.

Дел, пак, од туристичките работници, иако сметаат дека современ аеродром е причина за успешен развој на туризмот, сепак велат дека основен проблем е и непостоењето на дефиниран туристички производ, кој треба да не промовира надвор. Според нив сите чинители на туризмот треба заеднички да работат во подобрување на климата, се со цел привлекување на туристите. Претставниците на ТАВ веќе оствариле и неколку средби со охридските хотелиери, туристички агенции, ресторани, за изнаоѓање можности за развој на туризмот, а со тоа и на авиосообраќајот.

Од охридскиот аеродром велат дека Турците се задоволни и од моменталната состојба на Свети Апостол Павле". Нивните очекувања се дека по подобрувањето на инфраструктурата на аеродромот, бројот на патници и летови значително ќе се зголеми. Според најавите охридскиот аеродром ќе добие нова административна зграда, како и нова целокупна опрема за прифат на авионите, а ќе се прават и нови паркинзи. Засега привршуваат подготовките за преземањето на Свети Апостол Павле", а потпишани се новите договори за работа на вработените. Според директорот на Свети Апостол Павле", Борче Стефановски, никој од досегашните вработени нема да биде отпуштен од работа, ниту пак ќе му биде намален досегашниот личен доход.
- Во новите договори кои се со важност од седум години, стои дека вработените како надоместок ќе примаат личен доход најмалку како оној што го примале досега - вели Стефановски.

Според договорот со турскиот ТАВ инвестицијата на охридскиот аеродром треба да се реализира за 20 месеци. Инаку, на охридскиот аеродром моментално има два лета неделно за и од Цирих.

Странци ќе го контролираат ТАВ

Меѓународна консултантска компанија ќе контролира дали турската фирма ТАВ ги реконструира македонските аеродроми според договорот за концесија што го потпиша со Владата. Министерството за транспорт и врски по вторпат за една година распиша јавен оглас преку кој бара консултант што ќе врши надзор врз спроведувањето на концесискиот договор. Првиот тендер пропадна бидејќи пријавените не ги исполнувале пропишаните услови.

Избраната компанија ќе треба да дава консултантски, архитектонски и инженерски услуги, како и да прави технички испитувања и анализа на аеродромите во Скопје и во Охрид, но и на просторот каде што по неколку години треба да се гради карго-аеродромот во Штип. Консултантската компанија ќе биде ангажирана за период од две години, а во тимот што ќе работи во Македонија треба да вклучи искусни и стручни луѓе.

Од Министерството за транспорт и врски објаснуваат дека во вториот оглас малку ги измениле условите што биле пропишани во првиот.

- Претходниот оглас за избор на консултант беше поништен поради неисполнување на условите од стана на економските оператори. Односно, поради тоа што бројот на кандидати што ги исполнуваат критериумите беше помал од минималниот број наведен во огласот. Оттука, Министерството планира по пат на нова јавна тендерска постапка да избере реномирана меѓународна компанија што ќе го врши надзорот на концесискиот договор - велат од ресорното министерство.

Компаниите заинтересирани за учество на јавниот оглас, меѓу другото, треба да имаат најмалку три договори за развој и трансформација во транспортниот сектор, вредни минимум половина милион евра. Тимот што ќе работи во земјава треба да е составен од најмалку седум стручни лица, од кои дел веќе реализирале сличен проект на некој аеродром со најмалку 800.000 патници на годишно ниво во последните 10 години. Всушност, токму овој услов е сменет, споредено со првиот оглас, каде што се бараше компанијата да има најмалку еден успешно реализиран договор за трансформација на аеродроми со минимум милион патници годишно во последните пет години.

Турската компанија веќе се подготвува да ги преземе аеродромите во Скопје и во Охрид. По две пролонгирања на рокот, ТАВ почна да го раскопува теренот за новиот терминал на „Александар Велики“ во Скопје, чија изградба, според последните најави, треба официјално да почне на 2 март. ТАВ на вработените во акционерското друштво во државна сопственост „Аеродроми на Македонија“ завчера им подели нови договори за работа, според кои, од 1 март тие ќе преминат во компанијата „ТАВ Македонија“.

Според концесискиот договор, ТАВ се обврза дека по преземањето седум години нема да отпушта вработени, ниту пак ќе им ги намали платите. Синдикатот на вработените во „Аеродроми на Македонија“ денеска треба да се сретне со претставници на Министерството за транспорт и на турската компанија за да разговараат околу нејаснотиите во новите договори за работа.