Власта не стравува од можни тужби за аеродромите

Според Слаѓана Тасева, менувањето на условите за ТАВ не е поразличнo од случајот со ЕВН, само во обратна насока

Соња Маџовска


Дали обидот на мала врата изградбата на карго-аеродромот во Штип да се одложи за други времиња, можеби и за десетина години, може да ја чини многу нашата држава?

Што ако почнат да тужат, како што веќе некои реномирани компании најавуваат, а кои се откажаа од овој тендер за реновирање на скопскиот и на охридскиот аеродром, само поради изградбата на штипскиот.

Владата не е многу загрижена. Таа останува на ставот дека нема ништо спорно во целата постапка, бидејќи немало значајни промени во склучениот договор со ТАВ. Оттаму објаснуваат дека тие ништо не промениле во тендерските услови, според кои, си останува обврската за изградбата на каргото. „Нема промена во делот на тендерот дека треба да се гради карго- аеродромот во Штип. Само има одлагање на неговата изградба поради изработка на метеоролошка студија за движењата на ветровите во Штипскиот и во Светиниколскиот регион“, вели портпаролот на Владата, Мартин Мартиновски. Според него, оваа промена на условите би ја добила и која било друга компанија, а не само ТАВ, како што е во случајов. Една од причините зошто сега се одложува изградбата на каргото, е што, наводно, бил потребен дополнителен елаборат за движењето на ветровите во Штипскиот регион, што треба да покаже дали небото над Штип ги исполнува условите за функционирање на аеродромот или не. Но, зарем ова власт не го знаеше тоа уште пред објавувањето на тендерот?

А токму каргото во Штип ја двоуми реномираната германска компанија „Хохтиф“, па се откажа од учеството на повикот за концесионирање на македонските аеродроми. Нивното мислење го делеа и француската компанија ЕГИС и австриската „Виенски аеродром“, кои, исто така, се откажаа.

Според експертите, пролонгирањето на изградбата на карго-аеродромот во Штип фрла сенка врз тоа колку е рамноправен односот спрема овие потенцијални инвеститори, а дел од нив веќе целиот тендер го окавлификуваа како нефер. Аналитичарите порачуваат дека честото менување на тендерските услови се катастрофални за земјава, бидејќи создаваат несигурност кај инвеститорите.

Според Слаѓана Тасева, претседател на „Транспарентност - нулта корупција“, во случајот со тендерот за македонските аеродроми, другите компании можат да поведат судски спор и теоретски можат да го добијат поради променетите услови во тендерот отпосле, но тоа може да трае со години. Тие може да добијат само отштета, но не и поништување на тендерот. Тоа, пак, значи дека поведувањето судски спор од страна на некоја од компаниите што се повлекоа нема да ја одложи изградбата на аеродромите од страна на турската компанија ТАВ.

За Тасева менувањето на условите за ТАВ не се ништо поразлично од случајот со ЕВН, само во обратна насока. „Не гледам разлика меѓу она што се прави со ЕВН и ова со ТАВ. Само при менувањето на условите за австриската компанија тие се лоши и затоа таа реагираше со тужба, која најверојатно ќе ја добие. Додека во случајот со ТАВ, менувањето на тендерските услови им одговара на Турците, па затоа тие молчат. Во секој случај, оваа практика на власта да ги менува тендерските услови создава несигурност и ги става инвеститорите во нерамноправна положба. Власта со компаниите се пазари во зависност од тоа за кој инвеститор станува збор. Ова е катастрофална состојба што е на границата на коруптивно однесување. Нашите институции прават се' тендерските услови да изгледаат формално законски, а, всушност, се незаконски“, смета Тасева.

А Владата во меѓувреме за ТАВ направи уште неколку отстапки. На двапати Турците добија одлагање на рокот за почеток на инвестицијата. Сега останува ветувањето дека турската компанија ќе почне да гради на 2 март. Таа ги доби под 20-годишна концесија аеродромите во Скопје и во Охрид, со обврска да ги модернизира, за што ќе вложи околу 200 милиони евра. Планирано е прво да се гради нов терминал и да се продолжува пистата на „Александар Велики“, а паралелно со тоа да се врши целосна реконструкција на „Св. Апостол Павле“.

Владата неколку пати повтори дека веќе нема да се прават никакви отстапки и дека ако се пробие и последниот рок, Македонија ќе ја ефектуира гаранцијата од шест милиони евра што ја депонирала компанијата ТАВ. Инаку, договорот со ТАВ се' уште не е ниту јавно објавен и две години откако е склучен, јавноста не знае на што точно се обврзале нашата Владата и ТАВ.                                                                                                                                             http://www.utrinski.com.mk/?ItemID=D8DD2EEF40864F4C9F7424258BBD2FFC   

ТАВ почна да копа на Скопскиот аеродром

ТАВ ги почна подготвителните работи на Скопскиот аеродром "Алек­сан­дар Велики". Од аеродромското претпријатие потврдуваат дека се ис­пи­ту­ва теренот на две локации - во делот каде што треба да се продолжи полетно-слет­на­та патека и на локацијата каде што треба да се градат новата тер­ми­нал­на зграда и паркингот. "До почетокот на март, новиот концесионер треба ком­плет­но да го преземе работењето со Аеродромот. Беше одржан сос­та­нок со авиокомпаниите кои летаат од 'Александар Велики' . Следен чекор е преземањето на вработените", велат од Скопскиот аеродром.
Од укинувањето на визите за македонските државјани на 19 декември, бро­јот на патници за европските земји од Скопскиот аеродром е зголемен за 11,5 насто, споредено со истиот период минатата зима. Во 2009, на го­диш­но ниво падот на патници, во споредба со 2008 година, е 8,1 отсто. Само лани во де­кем­ври, споредено со истиот месец претходната година, имало зго­ле­му­ва­ње на бројот на патници од 2,1 насто. За 13 дена од јануари, бројот на патници од Скопскиот аеродром е зголемен за 9,1 насто. Лани Скоп­ски­от аеродром имал 600.000 патници.                                                       

http://www.vest.com.mk/?ItemID=DDD8D5A041499E4C8215C07A299939A2