Јавен автобуски превоз (општо)

1. Денес во светот се прават студии и и анализи на база да движење на мобилните уреди (based on податоци од Google, мобилни оператори) врз основа на кои се формираат нови линии според движењето на масите народ низ градот во текот на денот. Не постои анкета која може да открие постоење на некоја скриена маса од 200 луѓе од Ѓорче што работат у бунарџик и дека постојат други 100 од Хром што работат у Илинден па да може да се формира нова линија. Тие податоци не се откриваат според искористеноста на постоечките линии, нема како. Затоа, треба градот да најми ИТ компанија од Македонија, да се проба да се направи анализа на современ начин и да се утврдат нови линии.

Ова треба да биде проект во јавен превоз, а не 57ца дали проаѓала низ ГТЦ. Не сме ни свесни колку би се оптимизирале трошоците на ЈСП наспроти задоволените потреби на граѓаните за превоз.

2. Дозволување на приватни превозници на било која линија ако покажат интерес. Мора едноставно да се згусти временскиот распоред. Неможе од КиселаВода која е на 2 км од центар на град да има линија за према западно Скопје само на 20мин во работни денови, на 40мин викенди/празници/попладне и недела попладне воопшто да ја нема. Тоа едноставно не смее, затоа јавниот превоз не е атрактивен, не заради состојбата на возилата.

3. Двокатните да се лицитираат на продажба меѓународно доколку има интерес да се продадат. Да се понуди buy-back аранжман на Yutong доколку е можно у замена за нешто поефикасно. Опција за нивно гасифицирање. Било што да се направи, све ми паѓа на памет, ама тие двокатни локомотиви не треба да се трклаат веќе по Скопје. Тие автобуси се 4 пати понеефикасни од најефикасните на пазарот мерено во "литри нафта/број на превезени патници/саат", тоа се загубари на тркала.

4. Компании регистрирани на територија на Град Скопје кои ќе набават автобуски билети месечни за своите вработени да може да им се пресмета тој трошок во реинсвестирана добивка, односно во делот на даночно ослободување. Денес се чудат што да прават компаниите со тие пари, па купуваат возила за обнова на возен парк (одлив на девизи), па нивни деца/роднини ги возат со поломошно иако не се вработени во фирмите, купуваат телевизори и бела техника (повторно одлив на девизи). Разни законски вратоломии се прават за да се ушпара на данок, а тоа може да се слее во јавен превоз. Значи не исплата по 1000 денари на вработените за да си купат сами билети, него фиксно директно давање билет. Тогаш многу луѓе ќе се замислат да се качат во автобус кога веќе го имаат билетот, него ли сега. Може да важи истата мерка и за меѓуградски и межуопштински превоз за низ Македонија за оние кои патуваат пример Скопје-Куманово/Тетово/Велес секој ден.

5. Намалување на цената со една единствена цел, зголемување на наплата.


Edited by user8642 - 20-May-2020 at 19:58

ЈСП: Допрва ќе се утврди начинот на кој ќе се одвива превозот по намалувањето на мерките

Намалувањето на вонредните мерки, ќе им овозможи на луѓето да продолжат со активности коишто ги извршуваа и претходно, а со тоа ќе почне и почесто да се користи и јавниот превоз.

Досега, меѓуградскиот сообраќај сè уште е во прекин, додека пак, меѓуопштинскиот сообраќај е регулиран според уредба на Владата со која е предвидено возилата да бидат исполнети со 50% од вкупниот капацитет на возилото за превоз на патници. Воедно, уредбата наложува во секое возило да има задолжено лице кое го регулира влезот и излезот на патници, со цел да го одржува оптималниот број.

Од Јавното сообраќајно претпријатие (ЈСП – Скопје) пак, велат дека се разработува план на кој начин ќе се реализира одвивањето на јавниот превоз во однос на одржување социјална дистанца, пред сѐ, начин на регулација на патници во возилата. Оттаму посочуваат дека веќе се разгледуваат идеи и искуства кои се применуваат во земјите во регионот и пошироко, а би биле приближно соодветни и применливи кај нас.

„Допрва ќе се утврди дали тие ќе бидат во форма на обележување со боја, поставување/лепење соодветни ленти, некој тип физички препреки. Но, извесно е дека тие ќе треба да бидат применливи кога ќе настапи значително олабавување на рестриктивните мерки за движење на граѓаните, кои веројатно ќе условат и враќање на вообичаениот режим на функционирање на јавниот превоз“ – изјави за „Мета.мк“ Деспина Трајковска – Димова од ЈСП.

Од воведувањето на полицискиот час, автобусите на ЈСП и приватните превозници сообраќаа по саботен возен ред и во две смени во текот на денот, од 5 до 9 часот и од 13 до 19 часот. Од денеска (18 мај) автобускиот јавен превоз во Скопје функционира непрекинато во периодот од 5 до 19 часот. Но, иако е укинат двозменскиот режим, сепак автобусите на ЈСП и на приватните превозници ќе сообраќаат по саботен возен ред. Исклучок ќе бидат градските линии 9, 19, 20 и 23, кои ќе возат по редуциран делничен возен ред.

Бесплатните средношколски и студентски билети, како и бесплатниот превоз за возрасни лица во вторник, петок, сабота и недела и понатаму не важат. Сè уште се укинати и трите автобуски линии (25, 25А и 25Б) што сообраќаат до Средно Водно, туристичката линија „Сити тур“, а не работи и Жичарницата на Водно.

ЈСП-Скопје апелира на рационално користење на јавниот превоз и задолжително носење на заштитна опрема при користење на превозот согласно уредбите за заштита од Ковид-19.

https://meta.mk/jsp-doprva-kje-se-utvrdi-nachinot-na-koj-kje-se-odviva-prevozot-po-namaluvanjeto-na-merkite/

Двосменскиот режим на ЈСП донесе двојни проблеми

И покрај тоа што полицискиот час трае од 5 од 19 часот, Јавното сообраќајно претпријатие вози без измена во начинот на превозот, во две смени. Граѓаните можат да користат јавен превоз од 5 часот наутро до 9 часот и потоа од 13 часот до 19 часот. Тоа значи дека иако движењето на граѓаните не е ограничено во периодот од 9 до 13 часот, скопјани во тој интервал немаат јавен градски превоз. Некои коментираат дека животот не е престанат поради пандемијата на коронавирусот и навистина имаат потреба од јавен градски превоз. Им треба за да стигнат на работа, да ги завршат обврските во банките, продавниците, па дури и да одат на пазар и да се вратат со автобус.

Реакциите и поплаките од граѓаните стигнале и до ЈСП, но од претпријатието изјавуваат дека во случајов тие не одлучуваат самостојно за режимот на јавниот превоз.
– Ова со јавниов превоз навистина е несредено. Ако нешто многу ме нервира кога одам на работа тоа е јавниот градски превоз. Наутро морам да го фатам последниот автобус со бројот 57, кој тргнува од Радишани во 7.56 часот и бидејќи на работа стигнувам 40 минути порано одошто ми почнува работата морам бесцелно да шетам низ град.

За враќање кога сум втора смена до 18 часот морам да го фатам последниот автобус со бројот 57 што тргнува од Козле во 17.44 часот, па поради тоа морам од работа да излезам 15 минути порано. Бидејќи работам во продажба, ги бркам купувачите за да затворам порано. Во поголеми продажни центри, како на пример во ГТЦ, има вработени што треба да дојдат во меѓусмена, но не доаѓаат на работа затоа што немаат автобуси во тој период, па тие од прва смена остануваат сами цела смена и тоа е проблем. Некои користат такси, па си ги даваат меѓу себе дневниците за превоз или се караат, не може да се разберат.

Со двосменското работење на ЈСП се јавуваат и други проблеми, кои не ја намалуваат опасноста од пренесување зараза. Вчера на пример полн беше автобусот со бројот 57 луѓето стоеја и горе и долу, на скалите, немаше никакво растојание, а имаше лица и без маски – раскажува Маја Серафимовска.
Друга скопјанка, која поради корана-кризава не оди на работа, се жали исто така дека поради двосменското работење на ЈСП не може да оди на пазарите.

– За на пазар треба да одам рано, во осум кога пазарџиите сѐ уште ги немаат наредено тезгите, а потоа на трчање да фатам автобус до населбата каде што живеам, пред 9 часот. Ми преостанува да одам попладне по 13 часот, па потоа да се туркаме во полни автобуси, затоа што тогаш многумина и се враќаат од работа. И не е само пазарот, има и други обврски што треба да се завршат, плаќање сметки, кои на пример не може или не знаеме електронски да ги плаќаме и слично. Еве, сестра ми на пример работи втора смена од 12 часот и мора да оди пеш или со такси, бидејќи во тој период нема автобус. Јавен превоз би требало да има непрекинато до полицискиот час – вели жителка на Кисела Вода.

Од ЈСП, пак, објаснуваат дека начинот на функционирање на јавниот превоз и воопшто целото функционирање на претпријатието се во согласност со одлуките и насоките на институциите директно надлежни за справување со коронавирусот.
– Истовремено, од првиот ден откако беше регистриран првиот позитивен случај со ковид-19 во државава, па до денеска, бројот на патниците е намален за речиси 70 отсто, особено во периодот околу пладне, па и тој факт е земен предвид при проектирањето на рестриктивните мерки за режимот на јавниот превоз. Имајќи ја предвид актуелната, вонредна ситуација во државава, граѓаните, поточно корисниците на јавниот превоз, како и сите субјекти и слично, треба да имаат разбирање за околностите и да се приспособат на новонастанатата ситуација и на условите за функционирање во сите сфери од секојдневието. За евентуални промени ЈСП „Скопје“ навремено ќе информира како и досега – објаснуваат од претпријатието.

Оттаму додаваат дека уште од 17 април ги презеле сите мерки да се испочитуваат донесените уредби за превоз за време на вонредната состојба. Во речиси сите возила има лице задолжено да ги регулира влезот/излезот на патници, односно да го одржува оптималниот број патници во согласност со уредбата. Имено, се дозволува возилата да бидат исполнети со 50 отсто од вкупниот капацитет на автобусот. Сепак и оттаму потврдуваат дека уште од првиот ден, откако почна да се применува овој начин на организација, внатрешната контрола на ЈСП регистрирала поголем број патници од дозволеното на неколку линии. Такви појави имало во автобусите со броевите 57, 58, 63 и 65, но, според ЈСП на посочените линии биле пуштани дополнителен број автобуси за да се испочитуваат насоките од уредбите за превоз на градските и на приградските линии.

https://www.novamakedonija.com.mk/makedonija/skopje/двосменскиот-режим-на-јсп-донесе-двој/

Originally posted by zabegan комплетно е рабирливо автобуси да не сообраќаат во полициски час тоа што не е разбирливо е што ЈСП на секоја криза ги проретчува линиите место да ги зачисто... со оглед на полициските часови, сега имаме краток период во денот каде што се купчат повеќе луѓе на едно место, а ЈСП не прави ништо да го регулира тоа, и свесно ја влошува ситуацијата стојам на тоа дека од сите што постојат во земјава, поидиотско претпријатие од ЈСП не постои

Не е разбирливо, зашто за време на полициски час работат: лекари, медицински сестри и браќа, болничари, аптекари, Црван Крст, полиција, обезбедување, пожарникари, чувари, комуналци, пекари, пумпаџии, цариници, шпедитери, возачи на шлепери...

Инаку, од ЈСП како општествено неодговорно претпријатие, не може да се очекува ништо друго. Не само што ги проретчиле автобусите, туку имаше поплаки на Фејсбук дека по две линии спојувале во еден автобус.

Толку се неспособни, што не се во состојба ниту да препишат. Препишале од Белград, кој го укина јавниот превоз, но не препишале дека градот воведе коридорски линии за оние што мора да одат на работа како горенаведените.

комплетно е рабирливо автобуси да не сообраќаат во полициски час

тоа што не е разбирливо е што ЈСП на секоја криза ги проретчува линиите место да ги зачисто... со оглед на полициските часови, сега имаме краток период во денот каде што се купчат повеќе луѓе на едно место, а ЈСП не прави ништо да го регулира тоа, и свесно ја влошува ситуацијата
стојам на тоа дека од сите што постојат во земјава, поидиотско претпријатие од ЈСП не постои

Originally posted by Staro Skopje Доста футиристички напредок, ни во Норвешка нема автобус што го поништува загадувањето од седум други.

Тоа е бидејќи нема ниту едно друго место каде дури седум се Саноси од 1966

Поради короната ќе доцни пристигнувањето на новите автобуси за ЈСП – Скопје

Пандемијата на корона вирусот ќе влијае и на испораката на новите еколошки автобуси за ЈСП – Скопје. Првата пратка од новиот возен парк требаше да пристигне до крајот на март, но поради околностите со вирусот Ковид-19 во речиси цела Европа таа ќе се одложи на неодредено време. Од Јавното сообраќајно претпријатие за „Мета.мк“ велат дека се во постојана комуникација со добавувачот, којшто треба да ги испорача автобусите од германскиот производител „МАН“.

– Во актуелната ситуација, неблагодарно е да најавуваме нови термини кога би се реализирала испораката на првата пратка возила – посочуваат од ЈСП – Скопје.

Засега е сигурно дека очекуваната динамика на испорака на набавените 33 еколошки автобуси нема да се исполни. Скопските градски власти пред еден месец објавија дека обновата на возниот парк на ЈСП ќе почне кон крајот на март, посочувајќи дека дел од автобусите веќе се произведени и е потребно само да бидат испорачани. Сепак, корона кризата ја промени планираната динамика на испорака.

Градот Скопје и ЈСП во септември минатата година го потпишаа договорот за набавка на 21 единечен и 12 зглобни автобуси за потребите на јавниот превоз на главниот град. Новите автобуси треба да ја намалат годишната потрошувачка на гориво за 25.000 евра по автобус, додека за 700 отсто ќе се намали испуштањето на ПМ честички во воздухот од нивното работење.

https://meta.mk/poradi-koronata-ќe-doczni-pristignuvaњeto-na-novite-avtobusi-za-јsp-skopјe/

ПУШТЕН Е ВО УПОТРЕБА БИЛЕТОТ ЗА ЕДНО ВОЗЕЊЕ



ЈСП го пушти во употреба билетот за едно возење. Билетот може да се купи во сите возила на ЈСП и во билетарниците на ЈСП Скопје.

Билетот чини 50 денари, согласно одлуката на Советот на Град Скопје за изменување и дополнување на Одлуката за Интегриран тарифен систем во линискиот превоз на патници во градот Скопје.

Билетот е наменет за еднократна употреба, хартиен е со вграден безконтактен чип, изработен со највисоки безбедносни стандарди, компактибилен со постоечката опрема, односно се валидира безконтактно на постоечките валидатори.

Цената на останатите видови билети останува непроменета. Со воведувањето на билетот за едно возење значително ќе се олесни користењето на јавниот превоз за граѓаните кои ретко го користат јавниот превоз или се од градовите од внатрешноста, а олеснителна околност ќе биде и за странските државјани.

https://www.facebook.com/CityofSkopje/

Прво беше ноември 2019,па јануари 2020...еве сега следна најава април 2020...

--------------------------------------------------------------------------------
ОД АПРИЛ БИЛЕТ ЗА ЕДНО ВОЗЕЊЕ ВО АВТОБУСИТЕ НА ЈСП „СКОПЈЕ“, КАРТИЧКАТА „СКОПСКА“ СО НОВ ДИЗАЈН

Од април, ЈСП „Скопје“ ќе воведе билет за едно возење. Според постојниот систем за електронска наплата кој беше воведен во јануари 2017, билет за едно возење не може да се купи ниту во билетарниците . Едно возење може да наплати единствено преку плаќање со телефон.

„ЈСП ‘Скопје‘‚ планира во текот на месец април да воведе електронски билет за едно возење, а од месец јуни да се имплементира и напредна апликација за смарт уреди со кои на граѓаните ќе им се овозможи максимална флексибилност при користење и купување на нашите услуги“, велат од јавното претпријатие.

Од денеска, електронските картички „скопска“ кои се пуштени во продажба се со нов дизајн. Нов дизајн имаат и двата вида картички, персонализирани и неперсонализирани. Цената и функционалноста на новите картички останува иста како и на старите. Новите „скопска“ имаат и холограмска заштита, која овозможува поголем степен на безбедност од злоупотреба. Во употреба остануваат и картичките со стар дизајн.

„Идејата и одлуката за новиот дизајн е симболично врзанa со планираните новини кои ЈСП ‘Скопје’ ќе ги реализира во текот на годинава, како набавка на нови автобуси и корекции во системот за наплата. Паралелно ќе биде извршена и надоградба на системот за електронска локација на возилата, кој ќе овозможи попрецизно и визуелно иформирање на граѓаните со цел полесно планирање на патувањето“, велат од ЈСП „Скопје“.

Новите еколошки автобуси на гас ќе се набават со кредит од Европската банка за обнова и развој. Во вторникот, Собранието го усвои Законот за гаранција за обврските по Договорот за заем за финансирање на набавката, по што треба јавното сообраќајно претпријатие да го распише тендерот за набавка. Кредитот е во висина од 10 милиони евра, а ЈСП „Скопје“ ќе учествува во набавката со 2 милиони евра.

А. АНТЕВСКА

https://sdk.mk/index.php/dopisna-mrezha/od-april-bilet-za-edno-vozene-vo-avtobusite-na-jsp-skopje-kartichkata-skopska-so-nov-dizajn/

Секој проект во Скопје бара неопходно реорганизирање на линиите, зголемување на бројот на автобуси и асален возен ред.

Скопје е единствениот главен град што возниот ред за јавниот превоз му зависи од распустот на учениците.