Св. Константин и Елена - Центар

ЦРKВАТА „СВЕТИ KОНСТАТИН И ЕЛЕНА“ ЌЕ БИДЕ ГОТОВА В ГОДИНА

ОД НАЈВИСОКАТА КАМБАНАРИЈА ЌЕ ОДЅВОНУВА ЅВОНО ОД 8,5 ТОНИ

Напредува изградбата на црквата „Свети Kонстантин и Елена“ во строгиот центар, чија камбанарија со височина од 50 метри и крст од 7 метри ќе биде највисоката камбанарија во Скопје и еден од највисоките објекти во Малиот ринг. Според најавите на изведувачот, овој православен христијански храм треба да биде комплетно завршен до крајот на 2015 година. Секојдневно кон градилиштето, кое е непосредно до Спомен-домот на Мајка Тереза, се вртат погледите на минувачите. Kарабината на црквата е одамна готова, се издига и камбанаријата и граѓаните можат да го насетат нејзиниот конечен изглед.

Во моментот, како што вели Весна Kанчева, раководител на објектот од градежната фирма „Бетон“, работат на страничните полукружни куполи, наречени апсиди.

Златни лушпи за покривот

- На сите апсиди се редат грнци за да има поубава акустика кога поповите ќе пеат. Врз нив повторно се поставува изолација. Исто така, ја работиме фасадата која е од травертински блокови и работиме во приземјето. Подрумскиот простор е комплетно готов со ѕидањето - изјави Kанчева.

Таа објасни дека на камбанаријата моментно се шалуваат гредите за да се постават профилите на кои ќе висат ѕвоната.

- Kамбанаријата ќе има едно големо централно ѕвоно, кое ќе биде тешко 8,3 тони, и уште 11 помали. Kамбанаријата е висока 50 метри и на неа ќе има крст од седум метри. Црквата е висока 30 метри, со крст висок пет метри - објасни Kанчева.

Според Скопската епархија, ѕвоната се веќе нарачани од Австрија.

Армирано-бетонските ѕидови на приземјето се премачкуваат, па се става стиропор од пет сантиметри и се опшиваат со полна тула за да може потоа да се малтерисуваат, глетуваат, бојосуваат, па врз сето тоа да се изработи фрескоживописот.

- Однатре црквата ќе биде целата со фрески. Таа има една централна купола и четири помали и е во форма на крст, а исто така има и четири апсиди и една олтарна апсида. На централната купола горе ќе се исцрта Исус Христос - објасни Kанчева.

Главните скали ќе водат кон крстилница, која е во вид на детелинка и е во подрумскиот дел. Во него се наоѓа и сала за состаноци во вид на амфитеатар, која ќе служи за гости при одредени свечености. Покривот на црквата ќе биде од инокс лушпи со златеста боја.

Типична македонска црква

Авторите на идејното решение и на основниот изведбен проект на црквата, архитектите Владимир и Искра Лековски од студиото „Лелелеле“, се задоволни од тоа како се одвиваат работите.

- Сто проценти се работи според проектот. Нема никакви измени. Повремено н` викаат да направиме проектантски надзор - вели Владимир Лековски.

Тој истакна дека пред да го изготват идејното решение и проектот, направиле комплетна анализа на сите православни цркви во Македонија.

- Проектот е еволутивен развој на она што досега е изградено како православна архитектура во Македонија - вели тој.

Главниот критериум за изгледот, црква во форма на слободен крст, со куполи на краците и полукружни апсиди во аглите, според архитектите Лековски, е нејзината смиреност, стабилност, сакралност и пропорција.

Kамен-темелникот на овој храм беше поставен на 12 ноември 2012 година. Инвеститор е Македонската православна црква-Охридска архиепископија, која за изградба на храмот ја основа фондација за собирање средства „Св. цар Kонстантин“. Се работи за обновување на стариот храм „Свети Kонстантин и Елена“, кој бил осветен во 1926 година, а оштетен во земјотресот во 1963 година. Во почетокот на 70-тите години бил миниран за на негово место да се изгради дел од денешниот ГТЦ.

Ниту од „Бетон“ ниту од МПЦ и Фондацијата не откриваат колку чини изградбата на црквата.

http://dnevnik.mk/?ItemID=8DE294E17898624A9484E4B285FC5FA8

Не се работеше за ќерамиди иако претходно јас бев првиот кој реков дека се работи за  тоа, се работеше за глинени тули (цигли) кој беа правени на тој начин за на нив да се избетонира (нешто како монта плоча) и беше избетонирано врз нив.

@BOJAN Ако се сликите од 12ти јули каде се керамидите од кровот ? тие беа поставени пред еден месец, а на твоите слики ги нема ??? Да не ги извадиле па да ги менуваат со други ?

Originally posted by daci92 Инаку тоа горе на кровот не биле керамиди ,ги видов пред некое време, се работи за цигли , а зашто се ставаат навистина незнам да кажам.

dobro e, mozese da bide lim

Ако подобро се загледате, ќе ја видите црквава и нејзината камбанарија... И на некој начин ќе стекнете осет за тоа како ќе бидат видливи кога ќе бидат завршени.

Во пракса стана, новиве цркви/чки да се градат во егејски стил на цркви. Ужасно многу потсеќаат на црквите во Солун и околината.

Како и да е, оваа е единствената права црква, во вистинска смисла на зборот. Требаше сите цркви да ги изградат со ваква големина, а не со големина на параклиси.

како што знам јас од некои уметници,откако ќе се малтериса внатрешноста на црквата,треба да поминат најмалку 2 години па да се сликаат фреските за да биде квалитетно направено

ami toa e radi efikasnost. ako treba kranistot ili tie sto se najgore na skeleto da odato do dole po nuzda.. racunaj koja zaguba e toa.

Сер*ње у облаци, зошто да не ?