Коритото и кејот на Вардар низ Скопје

Можеби бидејќи е до реката не е и така паметна идеја? Големи количини ќе завршат во водите на Вардар.

Супер изгледа. Се надевам дека КОНЕЧНО ќе го средат и делот во Центар од двете страни.

И јас мислам дека недостасува желба, но мислам дека недостасува и иновација. Реално, не е мала должина на целата река низ градот (а тоа по автоматизам значи две страни), па одма да се среди се', но очигледно е дека ќе мора некако поинаку да се организираат тие претпријатија кои се задолжени за одржување на кејот за да може поефикасно да се чисти, а не цело лето, или не знам колку долго, само да се исчисти од вегетација, па ајде после некоја година пак итн. Со истиов начин на функционирање не може да се мрдне повеќе од тоа чистење (кое би требало да биде најнормална појава), за да се дојде до некое пристојно уредување, нови плочки, патеки итн.

Јас минатово лето често се шетав по кеј обично од кај Карпош 4 до МНТ (каде е прекинат ради мостон што се прави со години). Многу често за да избегнам народ одев од левата страна од кај систина до МНТ. На тој потег во добар дел е во уредена сстојба и релативно чист, освен од делот кај што се влева Серава до пешачкиот мост кај Полигон (Луна парк од другата страна). Тука знаат често и коли да поминуваат и се одлага ѓубре и кабаст отпад. И најмногу што нервира е дека на средина на тој потег се дренира вода од брдото и патеката е потопена со вода секогаш. Тука треба да се решат тие атмосферски води и треба добро да се искастри вегетацијата. Нормално и сите уништени светилки да се обноват.
Некаде април мај Шилегов имаше прес конференција со канцеларијата на ОН мислам каде рече дека ќе се исчисти левиот кеј од лепенец до центар и ќе се постават корпи за ѓубре. до крај на септември немаше ништо од тоа, а не е некоја голема инвестиција.

Isto vakvo korito ima vo gradot Nish, tamu koritoto sveti. Slicnosta e poradi goleminata na Nishava i firmata koj gi ima gradeno dvete korita. Ednostano treba redovno odrzuvanje na koritoto. Isto e i so avtopatistata. Proleta gi iskosija iscista isekoa drva, denes izgledaat go 10 godini da ne se cepnati.

Па ако ти ја исчистиш левата страна, направиш спортски терени, вметнеш дел за кафичи на отворено, притоа бришејќи маркици на постојни локации на кафичи, нормално дека тој дел ќе се развие.

Нормално е да не се развие, ако ништо не направиш.

Правење скверчиња,поставување столбчиња,држачи за велосипеди,чистење велопатеки и бележење срамота е да се истакнуваат како проекти и да се ставаат по социјалните мрежи како некој голем подвиг. Тоа се тековни активности на надлежните служби и ништо посебно. Кога сме кај кејот треба да подразмислат како да живне и да се среди делот од левата страна кај дивата населба спроти ПИОМ и тука околу Транспортен целото ѓубре од дивите населби под мостот се фрла околу патеките а тука се и бројните кучиња скитници. Некако ќе треба доста време да живне и да се користи почесто левата страна од кејот која беше долг период тотално запоставена.

Ова вака треба секоја година или ајде чим не не бива бар еднаш на неколку години да се чисти, а не еднаш на 30 години.
Муљ,тиња и растителност им треба година за наново да се појават...

„Затемнување“ на кејот кај Железничката станица



Граѓани сведочат за намерно уништување на уличното осветлување во Скопје
Намерното уништување на јавните добра од страна на несовесни граѓани, на кои се чини дека поради некоја причина тоа им одговара, не се однесува само на уништувањето на клупите и кантите за отпадоци, туку и на уличното осветлување. Како последица од тоа низ градот има темни улички, паркови и велосипедски патеки каде што многу е тешко, но и опасно движењето на граѓаните.
Таква е сликата и на кејот кај Железничката станица. Сега, кога денот почна да се намалува, граѓаните што со велосипеди се движат во овој дел од градот, велат дека темнината во тој дел е застрашувачка. Велат дека на тој начин лесно може да станат цел на напасници, кои во темнината лесно би успеале да ги остварат своите криминогени цели, да наштетат, а без притоа некој да ги види.
– Моето работно време завршува околу 19 часот, кога надвор веќе се стемнува. Работам во Центар, а живеам во Аеродром. За да стигнам побрзо дома најчесто со велосипедот се движам по кејот, а изминативе неколку дена, делот кај Железничката станица е без осветлување. За мене тоа е навистина страшно.

Што ако некој ме нападне во темницата? Кој ќе може да ми помогне доколку навистина дојде до таква ситуација? Сега и фреквентноста на луѓе е намалена, па навистина е застрашувачки да се движи човек тука. Но не е само тоа во прашање. Видливоста е мала, па лесно може и да се случи некоја несреќа додека возам велосипед – вели Деана Јовановска, жителка на Аеродром.
Таа вели дека од целата патека, проблем има само во овој потег, па додава дека честопати била сведок на несовесни граѓани како намерно го уништуваат осветлувањето.
– Тука во околината има диви населби. Честопати ги гледам дивонаселените како се качуваат на столбовите од светилките и се нишаат за намерно да ги прекинат контактите за тие да не светат. Се чини дека ним им одговара во овој дел да е темнина – вели таа.
Градските власти велат дека се запознаени со дефектот, но дека не знаат која е причината за неговото настанување.
– Станува збор за дефект што е пријавен до нашите служби.

Истите тие ќе излезат на терен и ќе го санираат во најкраток можен рок. Во однос на причините за ваквите дефекти, за конкретниов случај немаме информации – информираат од Градот.
Оттаму додаваат дека дефектите се редовна појава, но истакнуваат дека намерното уништување на урбаната опрема не е ниту новитет ниту нешто што ретко се случува.
– Дефектите се редовна појава што се случува на терен, но понекогаш имаме случаи и на намерно уништување на урбаната опрема и на другите материјални добра на Град Скопје, при што често се уништуваат зелените површини и инсталациите за наводнување, се крадат расадите, се палат контејнерите, се оштетуваат сообраќајните знаци… – велат градските власти.
Овој случај не е ниту изолиран ниту единствен на територија на Градот. Неодамна во Општина Чаир граѓани се обидоа да украдат цел столб за осветлување во „Чаирчанка“, за што јавноста ја информира градскиот татко, Петре Шилегов, на социјалните мрежи. За среќа, сторителите беа набрзо фатени, а уличната светилка повторно беше вратена и поставена на местото од страна на стручните служби.

Во некои населби се извадени и капаците од електричните столбови на уличното осветлување. Од нив стрчат кабли, кои лесно можат да предизвикаат фатални последици кај помалите деца, кои не знаат дека тоа може да биде опасност по нивниот живот.
Се чини дека се залудни сите напори на општините и на Градот. Тие не можат толку да поправат колку што несовесните граѓани можат да уништат.

https://www.novamakedonija.com.mk/makedonija/skopje/затемнување-на-кејот-кај-железнич/

Го враќаме кејот во полн сјај. Чекор по чекор, дел по дел. За неколку месеци да светне од Влае до Ново Лисиче. И од левата и од десната страна.







https://www.facebook.com/petreshilegov