Хотел на Плоштад Македонија (5.1)

ако веќе го гради хотелот гркот,мислам дека ќе оди со брзина на градба слична како Мериот,па приватњак е,не му се исплати да се влечи 6 години како некоја државна компанија

Ако добро се сеќавам имаше некој тендерско поставени рамки ,но рамките се доволно широки за да ги изгради објектите ,да ги сруши до темел и повторно да ги изгради (ако не се лажам има 4 години време) па затоа изгледа не му се брза на човекот.

Денеска овдека се вршеа испитувања на земјиштето со бушилица кога поминував околу 14 часот во овој дел

Originally posted by Goki Podobro site da se zavrsat od ednas mesto 20 godini da se kopa....

а вака па темпото ептен е брзо...

Neli vi e jasno deka se brzaat se da zavrsat do 2014! Ako se gradi edno po edno nema da ne bide do 2020

Podobro site da se zavrsat od ednas mesto 20 godini da se kopa....

Едно нешто мене не ми е јасно. Зошто мораше и хотелот Ибис, и Мериот, и катната гаража и овој најнов хотел да почнат да се градат во исто време на локации една до друга. Да ти е срам да поминеш од Орце Николов од нечистотија. Дополнително, не знам како ќе се снајдат сите тие градежни машини на парцели кои наеднаш се градат една до друга.

СКОПЈЕ
    
17.01.2013, 16:51
Се расчистува теренот за новиот Офицерски дом



„Градски паркинг“ деновиве и целосно ќе се повлече од земјиштето кое со години го користи како паркинг-простор

ДЕСПИНА ТРАЈКОВСКА

По речиси две години откако ја купи атрактивната парцела на плоштад „Македонија“, грчкиот бизнисмен Димитри Кондоминас се подготвува да почне да го гради хотелот и Офицерскиот дом. Неговите правни застапници, адвокатската куќа „Чукиќ и Марков“, почнуваат да му го подготвуваат теренот за градба. Побарале дислокација на постојниот паркинг поради неопходното заградување на просторот за да се отвори градилиште. Во меѓувреме тие веќе ја обезбедиле и градежната дозвола.

Детали кога ќе отпочнат со градежните активности, со која динамика ќе се работи и слично, застапниците не кажуваат. Воопшто, од адвокатската куќа „Чукиќ и Марков“ не се достапни за какви било информации во врска со нивниот грчки клиент, кој, всушност, ќе гради два објекта кои се дел од „Скопје 2014“.

Но, очигледно, се бројат денови кога локацијата ќе почне да се заградува. Завчера од паркингот во непосредна близина на парцелата беа отстранети рампите, а „Градски паркинг“ деновиве и целосно ќе се повлече од земјиштето кое со години го користеше како паркинг-простор.

„Добивме допис, а остваривме и средба со адвокатот и ни беше укажано дека во рок од седум дена треба да го отстапиме просторот бидејќи новиот сопственик на парцелата планира да почне со околчување на просторот“, ни рекоа накусо вчера од „Градски паркинг“. Од таму не знаеја да кажат дали целиот постоен паркинг се наоѓа на парцелата во сопственост на Кондоминас.

Грчкиот бизнисмен, пак, пролетта во 2011 година ги купи двете атрактивни парцели на плоштадот „Македонија“ наменети за изградба на Офицерскиот дом и хотелот веднаш до него. Урбанистичкиот план дозволува објектите да бидат изградени до максимална висина од 29 метри, односно предвидена е изградба на објект од седум ката со потпокрив. Кондоминас стана сопственик на земјиштето по пат на лицитација на која беше единствен понудувач. Плати околу 630.000 за речиси 6.300 квадрати земјиште. Според условите на лицитацијата што ги постави државата, тој требаше да откупи и уште околу 500 квадратни метри од приватни сопственици, а потоа да го изгради хотелот во барокен стил и градска куќа со лушпа на некогашниот Офицерски дом, во која ќе биде сместен кабинетот на градоначалникот на Скопје и Матичната служба.

Неодамна, од Министерството за транспорт и врски информираа дека Кондоминас засега ги почитува роковите за изградба што ги налага договорот за отуѓување на земјата.

„Договорот за отуѓување на градежно земјиште на две градежни парцели меѓу Министерството за транспорт и врски и фирмата ДЦ 'Приме пропертис' е склучен на 4 април 2011 година. Инвеститорот во предвидениот рок од 12 месеци извади градежна дозвола од Општина Центар. Во моментов течат роковите за започнување на изградбата и завршување на објектот. Купувачот е должен да ја заврши изградбата во рок од 6 години од добивањето на одобрението за градба“, рекоа од ресорното министерство.

Инаку, Кондоминас влезе во Македонија преку фирмата „ДЦ приме пропертис СА“, како филијала на грчката „Демко прајм пропертис“, а партнер му е синџирот хотели „Мериот“.

Паркингот на плоштад веќе не е во функција

Јавниот градски паркинг веќе не е во функција. Всушност, на него од вторникот може да се паркира, но користењето не е регулирано и не се наплаќа. Од „Градски паркинг“ информираа дека на сопствениците на месечни и годишни билети за овој паркинг ќе им биде понудено користење на алтернативни паркинзи. Во случај тоа да не им одговара, најверојатно ќе им биде вратена разликата во парите што ја платиле за месечно или за годишно користење на конкретниот паркинг. (Дс.Т.)

http://www.utrinski.com.mk/default.asp?ItemID=37960707E6FA2B4BB08F25C5E275E07B

Originally posted by Cloverstack Не се согласувам, мислам дека шемата е премногу едноставна и провидна. Вистински преговори очигледно немало, туку овој маневар бил испланиран уште пред да биде продадено земјиштето, како начин тоа да биде направено далеку под пазарната цена. Да не бидеме до толку наивни, да го жалиме грчкиот милјардер, кој ете кутриот демек се мачел и преговарал, ама неуспешно, па нашиве институции биле дубоко трогнати и одлучиле да му ги решат проблемите, притоа дури користејќи се со методи кои не можат да се толкуваат никако поинаку освен како криминални.

премалце знам што се случува во позадина за да можам да кажам што се случува, али едно е сигурно Скопје и цел Македонија очајно им треба инвестиции и развој, па претпоставувам во тој процес се прогледува многу низ прсти. Али тоа е случај насекаде додуша, кај има многу пари многу врати се отвараат

Не се согласувам, мислам дека шемата е премногу едноставна и провидна. Вистински преговори очигледно немало, туку овој маневар бил испланиран уште пред да биде продадено земјиштето, како начин тоа да биде направено далеку под пазарната цена. Да не бидеме до толку наивни, да го жалиме грчкиот милјардер, кој ете кутриот демек се мачел и преговарал, ама неуспешно, па нашиве институции биле дубоко трогнати и одлучиле да му ги решат проблемите, притоа дури користејќи се со методи кои не можат да се толкуваат никако поинаку освен како криминални.


Edited by Cloverstack - 23-Mar-2012 at 01:32