Македонско (етно) село во Нерези

одлично испадна.трафо и клима уредите може да се маскираат со некои дрвени ормарчиња,па така би се вклопиле во амбиентот и нема да бодат очи

Се согласувам со Галилео. Мислам дека требале повеќе да внимаваат на таквите ситници за да се добие поавтентичен изглед. Вака излегува дека е многу набрзина сработено (што веројатно и не е далеку од вистината).

Edited by Џоле - 25-Nov-2013 at 19:36

патот од средно Водно до Пантелејмон беше реконструиран неодамна, и не верувам дека е во лоша состојба, додека патот од кај Нерези е катастрофа, и најверојатно на тој се мисли
но сепак, мислам дека многу поатрактивно е гостите на Етно село да патуваат преку водно, отколку преку Нерези

ПРИВРШУВААТ АKТИВНОСТИТЕ НА KОМПЛЕKСОТ НА ВОДНО

ВО „МАКЕДОНСКОТО СЕЛО“ ГОСТИТЕ ЌЕ МЕСАТ ЛЕБ И ЌЕ УЧАТ ЗАНАЕТИ


Туристичкиот комплекс „Македонско село“, што се гради спроти манастирот „Свети Пантелејмон“ на Водно, до крајот на октомври ќе биде отворен за посетители, најавуваат од Министерството за економија, кои се инвеститори на оваа нова атракција во градот. Гостите ќе имаат можност да уживаат во автентичен амбиент од нашите села од разни делови на Македонија, да пробаат или сами да приготват специјалитети, да месат леб, да видат стари занаети итн. Kуќите се изградени, наскоро ќе се калдрмисаат улиците, па ќе се премине на внатрешното уредување на објектите.

Се купуваат мебел и опрема

Дождливото време деновиве им прави проблеми на изведувачите на туристичкиот комплекс. Теренот е каллив, се лизга, па работниците и машините тешко се движат на стрмнините каде што се наоѓаат куќите, објаснуваат луѓето што ги затекнавме таму. Работите почнаа во средината на 2011 година и беше најавено дека проектот ќе се комплетира за една и пол година, но рокот неколкупати беше пробиен поради временските непогоди.

Kако што објаснија изведувачите од фирмата „Ак-инвест“ од Тетово, нивната работа е речиси готова. Им останале уште улиците, кои набрзо ќе ги калдрмисаат. Потоа на ред ќе биде внатрешното уредување на 12-те автентични куќи од неколку македонски региони, на трите ресторани каде што ќе се нуди македонска традиционална кујна, на продавниците и на музејот. Таа задача ~ е доверена на фирмата, „Структуре“, која беше избрана од Министерството.

Од Министерството за економија се оптимисти и тврдат дека целиот проект ќе биде комплетиран на 31 октомври.

- И за внатрешното уредување е истиот рок, а на тој сегмент се работи веќе еден месец, се набавува опрема, но мебел и до утврдениот датум ќе се изработат и завршните делови од ентериерот - потенцираат во Министерството.

Магнет за туристи

„Македонско село“ е комплекс преку кој на едно место се претставуваат старата македонска архитектура и занаетите од разни краеви, со нивните специфики: рекански, струшки, галички, велешки, кумановски, кратовски, беровски, прилепски. Од Министерството за економија очекуваат селото да биде магнет за туристи, кои на едно место ќе може да се запознаат со животот на луѓето што некогаш живееле на нашите простори. На секој објект, кој се гради со автентичен материјал, е закачена табла со името на реонот за кој е карактеристична градбата. Изградени се и куќи од битолскиот крај, од Скопска Црна Гора, како и од Тетовско и од Делчевско.

Посетителите ќе имаат можност за хотелско сместување во објектите и за учење занает. Kомплексот располага со 51 соба и 100 легла.

Во рамките на селото предвидени се ан, меана, продавници со изглед од пред стотини години, валалница, трло, штала, воденица. Има и современи содржини, како музеј, сувенирница, амфитеатар. Занаетчиските работилници се градат на првиот кат од секоја куќа, а собите за преспивање се на вториот или третиот кат. Во велешката куќа, на пример, луѓето ќе може да научат за грнчарството, во галичката да пробаат галичко сирење, а во други да замесат леб или, пак, накратко да бидат бакали.

Изградбата на селото, според податоците од Министерството за економија, чини три милиони евра, а за внатрешното уредување ќе се потрошат уште еден милион евра.

Kако што беше потенцирано на почетокот од изградбата, слични проекти на овој во светот се „Дрвен град“ на Мокра Гора во Србија, „Село Станчиќ“ во Босна и Херцеговина, шпанското село во Барселона и други.



СЕ БАРА КОНЦЕСИОНЕР

Министерството за економија распиша оглас за доделување под концесија на „Македонското село“. Повикот трае до 10 октомври годинава, по што ќе се конципираат моделот и можностите за издавање под концесија.

- Резултатите од досега направените анализи и искуствата од остварените посети на ваков тип туристички атракции во светот, земени како добри практики, говорат дека овој тип комплекси најдобро функционираат кога со нив стопанисува приватниот сектор - изјавија од Министерството за економија.

Во подготовка е изработка на физибилити-студија, која во согласност со Законот за концесиите и јавно-приватното партнерство ќе даде одговор и на прашањето на колку години ќе се издаде комплексот. Дејностите што ќе се вршат во селото се: хотелиерска, угостителска, туристичка, занаетчиска, продажба на сувенири и производство на храна.

http://dnevnik.mk/?ItemID=BBEC1101548A8B458EE583591246D2E1

Не, тоа ќе бидат занаетчиски работилници (за туристички потреби), бакалници, продавници, меани и анови, а можно е некоја да биде и хотел. Барем така се најавуваше овој проект.

„Македонското село е замислено како парк од околу 15 илјади квадратни метри, во кој би се изградиле десет автентични куќи од разни македонски краишта, односно охридска, галичка, крушевска, малешевска, кратовска и други куќи. Ќе има и други објекти, како ковачница, грнчарница, ткајачница, меана, бакалница, како и анови во кои ќе може да се преноќува. Во комплексот би се влегувало преку изградена порта, а во средината треба да има плоштад.“

Edited by Џоле - 26-Aug-2013 at 19:19

Доцнат со крајниот рок за изведба (на таблата пишува дека треба да биде изградено за 507 дена, а изградбата е започната на 21 февруари 2011 г.)

Еден дел од селото е навистина збиен (можеби намерно, не знам), а друг дел е доста просторен (исто така можеби намерно, не знам со сигурност). Вчера имаше некои мајстори, ама не се работеше туку само товараа некои материјали (веројатно зашто беше недела).

П.С. Заборавив да додадам дека се гради и мал амфитеатар.

Edited by Џоле - 26-Aug-2013 at 18:55

Браво за сликиве!

Ова некако успори или така ми се чини?