Концесија на автопатишта

А како може тоа да функционира во странство, а кај нас не. Да не идеме далеко, еве земи го соседството кое знам дека го користи овој принцип на на работа.

Имаш во предвид одредена делница или збориш за сите генерално?

Стварно крајно време им е да се свестат... Уште не почнале со Табановце-Куманово и Д.Капија-Смоквица, а роковите за сите можни проекти им се пролонгираат во недоглед, ама ете за 3 години Македонија ќе била прошарана со автопати со густина како во Холандија

Автопатот Миладиновци-Штип нема да се гради во предвидениот рок   Од Фондот за магистрални и регионални патишта велат дека автопатот Миладиновци-Штип е во фаза на изработка на студија, а е дел од студијата за давање патишта под концесија, која ја изработува на консултантската куќа Луис Берже. Министерот за транспорт и врски, Миле Јанакиески пред изборите најави дека анализата за концесијата на патишта е веќе во финална фаза и дека новата Влада ќе отпочне постапка за распишување концесија. И премиерот Никола Груевски во јуни најави дека тендерите за изнаоѓање концесионери за изградба на оваа и на неколку други делници ќе биде распишан до септември. Oд Фондот за магистрални и регионални патишта информираат дека од септември ќе започне изработката на конкретниот проект и тогаш ќе се знаело колку време е потребно за да се реализира проектот. Дури потоа ќе се бира концесионер. Доколку има заинтересирани концесионери, делницата ќе се даде под концесија, а во спротивно, според планот на Владата, изградбата ќе ја реализира со сопствени средства во текот на идната градежна сезона односно најдоцна до крајот на 2009 година. Автопатот Миладиновци-Штип е еден од главните патишта предвиден во концесијата на патишта. Освен оваа делница, Владата одлучи под концесија да ги даде и делниците Велес-Прилеп-Битола-Меџитлија, Деве Баир-Куманово, Гостивар до Требиште и границата со Албанија, Стенковец-Блаце, Велес-Штип-Делчево, Битола-Ресен-Охрид. За изградба на овие патни правци, Владата определи максимален рок од три години. (Тотал)

http://www.total.com.mk/ShowNewsAdv.aspx?ItemID=11576&mid=303&tabId=1&tabindex=0

Originally posted by GreatMakedon eve na primer velite ne trebalo avtopat od bitola do ohrid. Ako vladata najde pari za toa zosto da nema? Ohrid e turisticka atrakcija, isto taka lani nekolku pati vozev od ohrid za bitola, pa megu ohrid i resen osobeno, nemat sansi da se pretica kamijon sto vozi so 40 na saat. Na MK i treba mnogu poveke avtopati nego sto ni se cini.

Дури и многу побогати држави немаат пари за се што ќе посакаат, а камо ли ние. Но дури и да имавме, како што повторив веќе неколку пати, се разбира дека не треба да се потрошат на таков автопат ако за тоа нема реална сообраќајна или стратешка потреба. Исто така автопатите не се плаќаат само со пари, туку и со еколошка цена од повеќе аспекти.
Тоа што Охрид е туристичка атракција, не го менува фактот дека на тој пат едноставно нема, а во било каква догледна иднина нема ни да има доволно сообраќај за да оправда автопат. Проблемот на Охрид-Ресен со камионите и претекнувањето е сосема друга приказна и треба да се реши на друг начин. Веќе спомнав во еден претходен пост дека таму требаат прилично обемни зафати на голем дел од неговата должина. Но тоа не значи автоматски автопат... Тоа би значело негово проширување на местата каде што има субстандардна ширина, изградба на трета лента за искачување и претекнување, па дури и изградба на некои сегменти по нова подобра траса доколку за тоа има потреба. Со ова не само што би се решил проблемот со претекнувањето, туку и би се подобриле речиси сите карактеристики на патот, а со тоа би се зголемил и неговиот капацитет.


Edited by Cloverstack - 15-Jun-2008 at 14:40

Јас да ви кажам по доста двоумење ипак мислам дека велес штип е подобро да биде автопат. А за свети николе магистрален (секако доколку се има пари зашто да не автопат). Ама ипак мислам дека треба прво да се фокусираме на европските коридори па после да размислуваме за автопати од домашни потреби. Тука секако исклучок е битола ресен којшто не е дел од коридорите но мислам дека е битен зашто ке ги поврзува токму тие два коридора.

Originally posted by pbanks Абе и едното и другото држи вода. Мене ми беше резонот дека доколку Штип-Велес го понесе цел сообраќај кон остатокот на Македонија како и целиот тежок транспорт (ако не се лажам камионите се обврзани да користат автопатска делница доколку таа постои) + луѓето кои сакаат да одат по автопат до Скопје останува дека преку Св. Николе ќе одат оние кои не сакаат да плаќаат патарина (што е нивно легитимно право, затоа меѓу другото и според прописи секој автопат мора да има алтернативен магистрален пат)

Алтернативен пат е обврска, но во случајов магистрален пат Штип-Миладиновци не е алтернативен пат на автопат Штип-Велес, то ест технички не ни може да се класифицира како алтернатива на автопатот (иако во суштина навистина обезбедува алтернатива за голем дел од луѓето што би го користеле евентуалниот автопат Штип-Отовица)

Но дури и да го занемариме фактот што го наведов, тој „алтернативен“ пат би бил исклучеително атрактивен по многу карактеристики во споредба со автопатот (за сообраќајот што се движи од/кон Скопје и неколку други правци), така да проблемот веројатно ќе прерасне во ситуација на слабо искористен автопат, а оптоварен магистрален пат... Таква ситуација треба да се осигураме дека нема да се случи, а на тоа треба да се размислува уште во овие рани фази на планирање и со самото планирање да се спречи таков исход.

А она за камионите, доколку е навистина така, не ќе е лошо да го имплементираат на терен... Па колку само камиони го користат моменталниот никаков алтернативен пат на М-1, а можеш да замислиш каква би била ситуацијата доколку имаа барем малку подобар и пократок пат...

Originally posted by Cloverstack Секако во право си дека таа варијанта ќе обезбеди подобра поврзаност со Велес и голем дел од Македонија, ама прашањето е сепак колкава е потребата таа врска да мора да е автопатска. Тука пак се навраќам на мојот став дека добар магистрален пат сосема добро ќе се справи со тој сообраќај, особено што ќе биде ослободен од сообраќајот кон Скопје, кој во таков случај би одел по автопат преку Свети Николе и Миладиновци. А главната потреба сепак е кон Скопје, па дури и минимални предности на автопатската траса преку Миладиновци во однос на тоа се клучни. Од друга страна пак, автопат Штип-Отовица и добар магистрален пат Штип-Свети Николе-Миладиновци, го отвара проблемот што го спомна lslcrew. Голем број луѓе ќе го избегаваат автоптот ради патарини и ќе го закрчуваат магистралниот пат.

Абе и едното и другото држи вода. Мене ми беше резонот дека доколку Штип-Велес го понесе цел сообраќај кон остатокот на Македонија како и целиот тежок транспорт (ако не се лажам камионите се обврзани да користат автопатска делница доколку таа постои) + луѓето кои сакаат да одат по автопат до Скопје останува дека преку Св. Николе ќе одат оние кои не сакаат да плаќаат патарина (што е нивно легитимно право, затоа меѓу другото и според прописи секој автопат мора да има алтернативен магистрален пат)

Значи идејата ми е автопатското решение да го понесе главниот товар и кон Скопје и кон остатокот од Македонија а не автопатски ексклузивитет да им се дава само на оние што се движат кон Скопје независно што сите се сложуваме дека тоа е главната дестинација.

Originally posted by Cloverstack Дури и во овој случај, во делот од Петровец до Катланово нема баш добра алтернатива.

Па добро тука не би требало да биде проблем доколку се реши да се направи алтернативен пат. Не е долга делницата а теренот е едноставен.

Во секој случај, Катланово-Велес да се направи конвенционален автопат веројатно ќе почекаме... А и со право, затоа што во споредба со градење на нови автопатски делници, навистина има низок приоритет во моментов.

Дефинитивно. Само гласно размислувам како треба да се реши тој дел, инаку јасно е дека и овој квази автопат може уште долго да си ја врши работата.

Originally posted by lslcrew Еве кловер на што мислев, ама тешко ова пошто изгледа за планина се работи.

Па да, право да ти кажам не само што ваков план би бил повеќекратно поскап затоа што тотално го игнорира рељефот, туку и вкупната должина му е значително поголема.
Дополнително, гледано од чисто сообраќаен аспект, мислам дека исто така има повеќе недостатоци отколку предности. На пример се зголемуваат обете одалечености, Скопје-Штип и Велес-Штип, во однос на постоечките планови. Свети Николе исто така е несмасно споено и сигурен сум дека за жителите на Свети Николе би бил подобар и обичен магистрален пат ама директен, отколку вакво автопатско кружење (и кон Скопје и кон Штип). Единствена подобра врска би била Велес-Свети Николе, ама со оглед на незначителниот потенцијал што го има таа релација, дури и да не беа сите негативности што ги набројав, тоа би било тотално промашена инвестиција.
Мислам дека грешката во пристапот цело време ти е што на автопатите гледаш по принцип I/0. Како да мора све да се поврзе со автопат по секоја цена. Забораваш дека добар магистрален пат, на делница на која што нема преголем сообраќај не само што добро ќе си ја врши работата, туку е и многу поприкладен.