Гасификација

Нешто многу битно, Русиja не сака да изпрати официално писмо, за прекинуване на проектот Jжен поток за да се разтури компаниjaта во Бугариja.
Имаме само изjaви на русите,но реално прекинуване на проекта нема. Цевките се стоварат на портот во Варна.

Најлогично е рускиот гас да стигне до Европа преку Македонија

Доколку како опции се елиминираат Бугарија, која под притисок на ЕУ веќе го минира проектот за изградба на гасоводот „Јужен тек“, и планираниот гасовод од Италија до Австрија, останува гасот до Европа да оди преку Македонија и Србија. Тоа би било и поедноставно решение, со оглед на тоа што Србија и Унгарија веќе имаат потпишано соодветни договори за соработка со „Газпром“




Русија, по конфликтите во Украина и санкциите од ЕУ, се откажа од проектот за изградба на „Јужен тек“

ПОЗНАТА ТРАСАТА НА ГАСОВОДОТ „ТУРСКИ ТЕК“

Најдобро решение за рускиот гас од турско-грчката граница да стигне до Европа е преку територијата на Македонија. По објавувањето на трасата по која ќе се гради „Турски тек“, гасовод со кој од Русија преку Црно Море ќе се дистрибуира гас до Турција, домашни експерти сметаат дека економски најоправдано би било гасот до Европа да оди преку нашата земја. Според нив, доколку како опции се елиминираат Бугарија, која под притисок на ЕУ веќе го минира проектот за изградба на гасоводот „Јужен тек“, и планираниот гасовод од Италија до Австрија, останува гасот до Европа да оди преку Македонија и Србија. Тоа би било и поедноставно решение, со оглед на тоа што Србија и Унгарија веќе имаат потпишано соодветни договори за соработка со „Газпром“, а во Унгарија беа почнати сериозни подготовки „Јужен тек“ да стигне во Австрија.

Каде ќе минува
„Турски тек“?

Откако руската гасна компанија во почетокот на декември соопшти дека го напушта проектот „Јужен тек“, вреден околу 40 милијарди долари, објави дека се разговара за спроведување гас преку Турција. Деновиве компанијата ја објави и трасата на новиот гасовод, кој од рускиот брег на Црно Море во близината на Анапе ќе оди под морето, точката за испорака на гасот за турските потрошувачи ќе биде во областа Лулебургаз, а излезната точка на турско-грчката граница ќе биде кај Ипсала. Должината на копнената траса на гасоводот ќе изнесува 180 километри. Се очекува во блиска иднина „Газпром“ да добие дозволи за проектни и надзорни работи за новата турска подморска делница на гасоводот.
- При проектирањето на гасоводот ќе се земе предвид сѐ поголемата побарувачка за природен гас во областа на Истанбул. Па така, одредено е количеството гас што треба да се испорача на границата меѓу Турција и Грција да биде 47 милијарди кубни метри - наведува „Газпром“.
Капацитетот на гасоводот од Русија до Турција ќе биде 63 милијарди кубни метри годишно.

Бугарија речиси исклучена

Константин Димитров, поранешен професор и претседател на Центарот за енергетска ефикасност на Македонија (МАЦЕФ), вели дека економски е оправдано новиот гасовод да помине од Северна Грција низ Македонија и да влезе во Србија. Тој додава дека Русија веќе има сериозни договори со Србија, а во Унгарија сериозно се почнати претходните подготовки за „Јужен тек“, по што гасот ќе стигне во Австрија, која е магистрална раскрсница, од каде што гасот ќе оди кон потрошувачите во другите европски земји.
- Според мојата логика, најдобро решение е трасата да помине низ Македонија, бидејќи Бугарија е речиси исклучена од игра. Доколку се реши да се оди преку Македонија, гасот од северна Грција ќе стигне до Солун и преку Македонија ќе оди низ Србија - вели Димитров.
Тој додава дека ако Македонија стане точка за поврзување, ќе мора земјата да обезбеди големи кредитни линии за да учествува во изградбата.

- Меѓутоа и Европа ќе мора да ги усогласи своите претходно поставени барања за „Газпром“. Според законите на ЕУ, едно правно лице не може истовремено да биде и сопственик на гасовод и единствен испорачувач што ги одредува цените - појаснува Димитров.
Сепак, тој укажува дека најпрво треба да се смири војната во Украина и да се зголеми цената на нафтата, па работите да си дојдат на место.

Европските претставници предупредија дека „Јужен тек“, како и кој и да е поголем инфраструктурен проект во Европа, може да биде направен само во согласност со правилата на ЕУ. Тие упорно повторуваат дека гасоводите што се градат спротивно на правилата на ЕУ претставуваат опасност за функционирањето на внатрешниот пазар.

За Путин, Македонија
е алтернатива

Во декември минатата година и рускиот претседател Владимир Путин ги посочи Македонија и Грција како можни алтернативи на Бугарија за проектот за транспорт на гас до Европа. Русија, по конфликтите во Украина и санкциите од ЕУ, се откажа од проектот за изградба на „Јужен тек“, гасоводот што требаше да спроведе руски гас преку Црно Море, Бугарија, Србија и Унгарија до Австрија, заобиколувајќи ја Украина.
- Одлуката главно ќе зависи од нашите европски партнери, дали сакаат стабилно, загарантирано и апсолутно транспарентно снабдување со енергенти од Русија, кои им се апсолутно неопходни, и тоа без ризици при транспортот. Можеме да почнеме да работиме на гасовод до Македонија, преку Грција, кој ќе продолжува кон Србија и ќе оди до Баумгартен во Австрија. Ако не го сакаат, нема да го градиме. Но факт е дека нема поевтин и посигурен снабдувач од Русија и нема ни да има во блиска иднина - изјави Путин.

Првичниот план за проектот „Јужен тек“ предвидуваше Македонија да не биде на главната траса на гасоводот, туку само да добие помала снабдувачка линија, која ќе биде доволна за потребите на македонските домаќинства и за развој на индустриските гранки што бараат големо количество евтини енергенти.

НА БЕЗБЕДНОСНАТА КОНФЕРЕНЦИЈА ВО МИНХЕН

САД и понудиле на Србија две алтернативи за снабдување со гас

На маргините на безбедносната конференција во Минхен, САД ѝ понудиле на Србија две алтернативи за снабдување со гас, пренесе „Блиц“. Според српскиот весник, првата и многу побрзо остварлива можност е Србија да добива гас од САД преку Хрватска и Унгарија. Услов за тоа е изградба на терминал на островот Крк, каде што САД со специјални бродови би доставувале гас, кој потоа преку Унгарија би се дистрибуирал до Србија. Втората варијанта, остварлива за период од три или четири години, е дистрибуција на гас од Азербејџан. „Блиц“ наведува дека во Минхен премиерот Александар Вучиќ се сретнал претседателот на Азербејџан, Илхам Алијев. За да смета на гас од оваа земја, Србија треба да изгради гасовод до Бугарија. Станува збор за гасоводот „Јужен коридор“, кој од Азербејџан би минувал низ Грузија и Турција до Грција. Еден крак би се одвоил кон Бугарија, од каде што Србија би го презела гасот до сопствена територија.

http://www.novamakedonija.com.mk/NewsDetal.asp?vest=212151635497&id=10&prilog=0&setIzdanie=23394

Dali se moze bez gas? Jas mislam ako Rusitve preteraat EU moze da resi da batali gas i da razviva drugi energensi,

Ако ни успее ова со гасоводот преку јужните соседи да поминува транзитно и низ Македонија ќе биде супер. Ако успее и железничката врска која ја планират Кинезите Македонија навистина стратешки однично би се позиционирала. 

Грција (+Кипар) и Бугарија отсекогаш се сметале за руски тројански коњи во ЕУ поради блискоста на нивните влади (политичари) со руската. Од она што сум читал, мислам дека ЕУ ја смета Грција дури за повеќе проруска од Бугарија. Поради огромниот јавен долг на Грција и политиката на штедење што ја кутна на колена оваа земја, Русите се обидуваат да го искористат незадоволството на грчките политичари и граѓани за да го протнат овој проект и да ја заобиколат Бугарија која ги одби. Ова е само моја површна опсервација, секако, работите се многу подлабоки и многу нешта не се знаат во јавноста.

Во суштина, ЕУ се обидува да ја намали зависноста од руските енергенси (кои сега учествуваат во нејзините енергетски постреби со околу 30-35%), а од друга страна Русија се обидува да ја зголеми европската зависност за да може уште полесно да ја уценува ЕУ за своите геполитички интереси. И, секако, големи пари се во прашање кога би потекол гас низ овој гасовод кон Австрија, Италија и други развиени европски економии.

Edited by Џоле - 18-Jan-2015 at 16:53

Една работа не ми е јасна, Европа и забрани на Бугарија да учествува во изградбата на јужен тек и тоа успешно го наметна затоа што Бугарије е членка на ЕУ. Но исто така и Грција е членка на ЕУ, зошто ГасПром сега се обидува гасоводот да го изградат низ територија на Грција која што е членка на ЕУ без да се плашат од евентуален притисок на ЕУ, со наметнато барање и услови Грција да ја стопира изградбата на гасоводот низ нејзината територија, (исто сценарио,иста унија ист наредбодавач)

Edited by Baze - 18-Jan-2015 at 15:55

ГАСОВОД ОД ГРЦИЈА ПРЕКУ МАКЕДОНИЈА И СРБИЈА АЛТЕРНАТИВА ЗА „ЈУЖЕН ТЕК“



Изградба на гасовод од Грција преку Македонија и Србија до Унгарија би била алтернатива за проектот „Јужен тек“, најави унгарскиот министер за надворешни работи Петер Сијарто.

Според него, ова е едно од можните решенија кое би ги обезбедило предвидените количини гас што беа планирани со „Јужен тек“. Ваквото решение ќе се разгледа за десетина дена и со претставници на Турција низ чија територија треба да минува новиот гасовод што го договорија Москва и Анкара како алтернатива на „Јужен тек“, рече Сијарто по вчерашната средба со потпретседателката на српската Влада Зорана Михајловиќ во Белград.

Оценувајќи го откажувањето на проектот „Јужен тек“, еден од најважните за енергетска безбедност на средна Европа, како лоша вест за Србија и Унгарија, Сијарто истакна дека нема друг избор освен да се најде ново решение.

Шефот на унгарската дипломатија најави дека во почетокот на следната недела ќе побара Европската комисија во својот инвестициски пакет да испланира и проект за унапредување на енергетската безбедност на регионот.

http://utrinski.mk/default.asp?ItemID=6D8FF14BE4652B439E7BC41996C620CE

Originally posted by Dexter26  Ни на сон.  Јужен Поток беше запрен бидејќи Бугарија ги следеше директивите од ЕУ, а Грција, која и понатаму ја користи економската помош на ЕУ за да ги плаќа своите долгови, е во подредена позиција и никогаш не би прифатила од нејзина територија да поминува гасовод кон Македонија од кој македонската држава би имала корист.  Ако Јужен Поток преку Бугарија беше невозможна мисија, тогаш Јужен Поток преку Грција ќе биде невозможна мисија x 2.

Немојте да бидете толку сигурни. Голема е веројатноста во Грција да има предвремени избори на 25 јануари, односно за еден месец. Коалицијата на радикалната левица има водство од 4 до 7% на анкетите пред владејачката Неа Демократиа, додека владејачкиот Пасок е неколку проценти позади тврдокорната Комунистичка партија на Грција. Левичарските партии како никогаш досега можат да победат и да формираат коалиција, а и двете јасно ставаат до знаење дека нема да ги почитуваат советите на ЕУ. Русија би можела ова да го искористи. Не за џабе во овој момент Путин истрчува со ова.

Сепак, позитивната страна од сето ова е што конечно ќе има притисок од надвор по многу прашања врз владата од Скопје. Не е битен само гасот, треба да ги гледаме пошироко работите.

Грција,Македонија и Србија се под Англо-Американска власт, буквално. Е со Турција е малку покомплицирано, ама и таа е нивен играч.   За разлика од овие, Бугарија секогаш била Германски. Ако се знае дека Грците не се гадливи на пари, се е можно.

За Русите претходната траса Црно Море - Бугарија - Србија беше мноогу подобра. Парите се пари, ама не треба да се заборави дека Русија и Турција се противници во Сирија. Путин го помага и финансира Асад, а Ердоган ги помага бунтовниците.

Нам нафтата ни доаѓа од Грција, фали и гасот преку Грција да доаѓа..., сепак, убаво ќе биде ако сме транзитна земја.

Интересен развој на настаните. После договорот со Турција и критиките кон Бугарија дека не се однесува како независна држава, Путин нуди модифициран јужен тек кој ќе ја заобиколи Бугарија. Ништо чудно оваа варијанта и полесно да се протурка во ЕУ поради поголемото влијание на Грција од Бугарија. Ако Македонија од молење за крак премине во транзитна земја, ќе биде најголем профитер од целава ситуација.

Можно е и да е блеф, за да направи проблеми во односите Бугарија-ЕУ и Бугарија-Грција, додека веќе ја има обезбедено Турција како огромен потрошувач.