Образовни институции (општо)

Пуштена во употреба нова училишна зграда на ОУ „Живко Брајковски“


Edited by King - 02-Sep-2015 at 06:47

Сликата која ја гледате е денешна, и е од средно угостителското училиште ,,Лазар Танев'' -Скопје. Денес бев да го земам сведителството и дипломата од државна матура и еве решив да го споделам моето мислење и лично искуство од оваа државна образовна институција каде што поминав четири години од моето образование. Училиштето како едно од двете туристички-угостителски училишта во нашава република (едното во Скопје, другото во Охрид) е во ужасна состојба.
Значи станува збор за лименка објект кој датира од незнам кога и не е реновирано ама во општо. Пред некоја година ни дојдоа на гости претставници од едно средно училиште од ист тип кое се наоѓа во Тоулон, Франција. Не знам како но дојде до збратимување на дветте училишта. Имаше претставување на училиштето кон странските гости и луѓето беа вчудоневидени како можат самите наставници да држат настрава и како може готварскиот дел односно кујните успешно да работат.
На дел од нас, ни го презентираа нивното училиште и ќе помислите дека станува збор за некој универзитет, а не за средно. А да имаат и сопствен Хотел кој се наоѓа во училишниот двор... Училиштето проба да воспостави контакт со угостителско учулиште од Канада, но за жал немаше успех во тоа.
Раководството е предводено од про-владини луѓе кои секоја година на гости го имаат градоначалникот на град Скопје кој година по година ветува некаков прогрес и тотална реконструкција на објекот. Ова ветување датира уште од денот кога се запишав тука. А пак кетеринг слижбата на училиштето има добро раководство и има голема заработка од тоа.

Што сакам да потенцирам тука, дека треба да се обрне поголемо внимание на останатите заборавени училишта кои имаат огромен број на ученици кои всушност треба да работат на туризмот и да го ''продаваат'' Скопје 2014...

mia.mk

На линкот има фотографии од основното училиште „Живко Брајковски“ во Бутел.

http://mia.mk/mk/Inside/RenderSingleGalleryTest/132733960/1?month=7&year=2015&day=22&desc=0

Општина Центар ќе инвестира во реконструкција и надградба на ОУ „Гоце Делчев“

Основното училиште „Гоце Делчев“, кое се наоѓа во строгиот центар на Скопје, ќе се стекне со дополнителни простории и модерен лик. Општина Центар планира да инвестира во надградба на објектот со сутерен, приземје и два ката, но и во изведба на нова фасада и спортско игралиште во дворот на училиштето. Деновиве се распишаа три одвоени тендери за оваа намена, чија вкупна вредност е проценета на околу 250 илјади евра. Проектот предвидува изведба на дополнителни осум училници и лифт, со што објектот ќе стане пристапен за лицата со посебни потреби. Со изведба на нова термичка фасада ќе се имплементираат мерките за енергетска ефикасност.

Задолжена за изработка на проектот беше фирмата „Инком Инженеринг“. Од Општината информираат дека со надградба на објектот ќе се обезбедат дополнителни 487 метри квадратни во нето – површина. Градежните активности е планирано да се реализираат во текот на летните месеци.

http://www.build.mk/?p=45170

Ќе се реконструираат 23 основни училишта низ цела Македонија



Од државниот буџет за тековната 2015 година се предвидени средства за реконструкција на 23 основни училишта, лоцирани во неколку македонски општини. Министерството за образование и наука денеска го распиша тендерот за избор на најповолен понудувач што ќе ги изведува градежните работи во наредните 12 месеци. Проценетата вредност на целиот проект изнесува 137.104.311 денари, односно над 2,2 милиони евра. Заинтересираните градежни компании треба да ги достават своите понуди најдоцна до 20 јули.

Со проектот се опфатени училиштата „Истикбал“ во Тетово, „Наим Фрашери“ во Куманово, „Браќа Мигени“ во Тетово, „Сабедин Бајрами“ во тетовското село Камењане, „Кирил и Методиј“ во скопско Стајковци, „Страшо Пинџур“ во валандовското село Јосифово, „Гоце Делчев“ во Кавадарци, „Перпарими“ во гостиварско Форино, Страшо Пинџур во Карбинци, „Методи Мицевски – Брицо“ во Лозово, „Гостивар“ во Гостивар, „ГК Скендербег“ во скопско Арачиново, „Наим Фрашери“ во село Морани, „Гоце Делчев“ во Тетово, „Гоце Делчев“ во Виница, „Мурат Лабуништи“ во Лабуништа, „Св. Кирил и Методиј“ во струмичкото село Иловица, „Св. Климент Охридски“ во Делчево, „Блаже Конески“ во Скудриње, „Даме Груев“ во село Ерџелија, „Пашко Васа“ во село Групчин, „Дитурија“ во скопско Сарај и „Лирија“ во село Вруток.

http://www.build.mk/?p=45132

УЧИЛИШТЕТО „ГОЦЕ ДЕЛЧЕВ“ ЌЕ „ПОРАСНЕ“ ЗА ДВА КАТА



Предвидено е зградата на училиштето да се догради со сутерен, приземје и два ката со кои ќе се зголеми површината, со дополнителни 8 училници

Основците од „Гоце Делчев“ новата учебна година ќе ја започнат во подновено училиште. Општина Центар најави доградба и реконструкција на објектот и веќе бара изведувач на работите. Општинарите процениле дека за поднова на објектот ќе потрошат околу 235.000 евра.

„Предвидено е доградување на сутерен, приземје и два ката со кои ќе се зголеми површината на училиштето со дополнителни 8 училници од кои 4 мали и 4 големи. Дополнително ќе се изведе лифт и со тоа објектот ќе стане пристапен за лица со посебни потреби, согласно со последните измени од Законот за градење. Ќе се добијат дополнителни 487 квадрати нето-површина кои вклучуваат училници, комуникации и друго“, појаснуваат од Општината. Посочуваат дека основниот проект, покрај доградбата, предвидува и реконструкција на постојната фасада и изведба на енергетска контактна фасада од термоизолациски материјал, како и измена на делот кон лифтот за лица со посебни потреби. Иако со планираните зафати ќе се зголеми капацитетот на објектот, се' уште не е одлучено дали во „Гоце Делчев“ ќе се примаат и повеќе ученици.

„Во полза на граѓаните е училиштето да расте, да се развива и да ги зголемува своите капацитети. Но, сето тоа зависи од политиката на училиштето во соработка и во согласност со Општината“, додаваат од Центар.

Оттаму се оптимисти дека планираните зафати ќе ги завршат летово, но истовремено најавуваат дека доколку се појават непредвидени работи, ќе има продолжување на рокот на изведба. Притоа, градежните зафати нема да влијаат врз одвивањето на наставата.

Инаку, подновата на училиштето ќе се изведува по проект изработен од „Инком инженеринг“.

http://www.utrinski.mk/?ItemID=A35A4154738B9D41BD7A45673CDE67C9

Денес видов дека и во населба Скопје Север се работи на поставување термичка изолација на фасадата од основното училите „Петар Здравковски - Пенко“. Не успеав да направам фотки, но и кога би направил, не би биле ништо спектакуларно. Тоа училиште беше доста занемарено последниве години, посебно санитарните јазли се во многу лоша состојба, барем од последниот пат кога бев (кога се гласаше на некои избори, веќе не памтам какви).

Нова фасада за ОУ „Св. Климент Охридски“ во општина Бутел

Општина Бутел започна со изградба на нова фасада на ОУ „Св. Климент Охридски“. Станува збор за енергетски ефикасна фасада со површина од 3.200 м2.



Како што соопштија денеска од општина Бутел, во најголем дел ќе бидат заменети и прозорците на училиштето. Претходно на училиштето бил поставен нов кров од пластифициран лим, нова украсна ламперија и нов систем на олуци.
Средствата во висина од 3.100.000 денари се обезбедени од буџетот на Општина Бутел.

http://www.skopjeinfo.mk/opstini/1341363445/nova-fasada-za-ou-sv-kliment-ohridski-vo-opstina-butel

Edited by jyvation - 28-May-2015 at 19:47

Пуштен во употреба нов објект на ОУ „Григор Прличев“ во Железара
   


Во населбата Железара во Општина Гази Баба денеска беа пуштени во употреба нов објект на Основното училиште „Григор Прличев“ и тениско игралиште.



Училиштето е со капацитет за 500 ученици, со површина од 2.000 метри квадратни. Изградено е според стандардите за енергетска ефикасност со соодветни услови за деца со посебни потреби.



Во изградбата на училиштето Општина Гази Баба инвестираше 72 милиони денари обезбедени преку кредит од Светска банка.



Новото тениско игралиште во рамки на училиштето е дел од владиниот проект за изградба на 100 такви игралишта низ Македонија. Досега се изградени 39 тениски игралишта, а 35 други се во фаза на градба.

текст http://www.porta3.mk/pushten-vo-upotreba-nov-objekt-na-ou-grigor-prlichev-vo-zhelezara/

фото: mia.mk

Edited by Џоле - 27-May-2015 at 14:31