Инвестициска офанзива во Македонија. Владините роуд-шоуа даваат резултати. Започнува изградбата на фабрика за автобуси.

Денес напладне ќе биде поставен камен темелник, со што официјално ќе започне изградбата на белгиската фабрика за производство на автобуси „Ван Хол“.

Фабриката ќе биде лоцирана во ТИРЗ Скопје, а инвестицијата, според најавите, е 30 милиони евра. Компанијата одлуката за инвестирање во Македонија ја донесе по средбите со владините претставници за време на роуд шоуто во Брисел во ноември минатата година.

Премиерот Никола Груевски кој што ќе присуствува на денешниот настан, пред неколку дена соопшти дека во фабриката ќе се отворат 400 нови работни места и ќе се зголеми македонскиот извоз за 100 милиони евра.

- Македонија повторно ќе стане извозник на автобуси и тоа голем извозник. Првата тура која „Ван Хол“ ја има веќе потпишано е за Америка, односно првите 500 автобуси кои ќе се произведат ќе одат за американскиот пазар и ќе бидат производ од Република Македонија, изјави Груевски пред неколку дена.

Според него, добро е тоа што Македонија порано имаше традиција во производството на автобуси така што белгиската компанија ќе може да најде соодветен кадар, но исто така новата инвестиција ќе биде можност и за младите високообразовни кадри.

„Ванхол“ е основана во 1947 година и има неколку илјади вработени, a инвестицијата во Македонија е во висина од 30 милиони евра.

Инаку пред неколку дена се потпиша договорот и со компанијата „Дрекслер Маер“ која се надева дека наредната пролет ќе ја заврши изградбата на фабриката во

Турски инвеститор, роден во Скопје, отвора фабрика „во земја што ја познава“ - Србија

Turski "Boral aluminium" investira u Doljevac - Potpisivanje Memoranduma o razumevanju zakazano za 19. januar 2012.

Кои и колку фабрики се градат во Бунарџик?

Александра Спасевска

Технолошко-развојната индустриска зона Бунарџик 1, во која веќе не требаше да има место за нова фабрика, сè уште го чека инвестицискиот бум. “Капитал“ во петокот беше во специјална мисија во Бунарџик, во близина на Скопје, за да види кој и што гради. После толку ветувања, најави, фрлени лопати на камен-темелници, потпишани меморандуми за соработка, остварени средби очекувавме поразлична слика од таа што ја видовме. Точно, во Бунарџик се градат фабрики, но не толку многу и не со таков интензитет како што сака Владата.

Секако, доминираат фабриките на Џонсон контролс и на Џонсон Мети, кои засега се единствените извозници од Бунарџик. Годинава пет странски инвеститори најавија фабрики во зоната, но во ниту една од нив не е почнато производството. Најактивно се градат фабриката на американската компанија за производство на електрична опрема Кемет електроникс и на новиот царински терминал. За фабриките на руската фармацевтска компанија Продис и на индиската Матерсон груп се подготвува теренот. Готов е погонот на италијанската Текнохозе.

 “Капитал“ во петокот беше во специјална мисија во Бунарџик, во близина на Скопје, за да види кој и што гради. После толку ветувања, најави, фрлени лопати на камен-темелници, потпишани меморандуми за соработка, остварени средби, очекувавме поразлична слика од таа што ја видовме. Точно, во Бунарџик се градат градат фабрики, но не толку многу и не со таков интензитет како што сака Владата

Новиот директор на Дирекцијата за ТИРЗ, Виктор Мизо, најавува дека кон средината на следната година четири фабрики ќе почнат со производство и извоз од Македонија. Бројот на вработени во Бунарџик до крајот на годинава ќе се зголемел од 500 на 1.000. Според Мизо, први ќе почнат со производство Текнохозе и Кемет електроникс. Матерсон груп и Продис до крајот на годината треба да почнат со изградба на погоните, а со производство кон средината на 2012 година. Кинезите од Хаер, кои пред повеќе од една година најавија фабрика во зоната, сè уште размислувале за локацијата.

Текнохозе ќе почне со производство во февруари, а Кемет во јуни?

Ване Поповиќ, претставник на италијанската компанија во Македонија, вели дека реновирањето на заградата, која претходно ја купија од државата, е завршено, за две недели очекува да пристигне опремата, а на почетокот од февруари да започне пробното производство.

“Во првата фаза целото производство ќе се извезува во Италија. Во втората, со изградба на уште еден погон, дополнително ќе го зголемиме производството, а ќе биде наменето за источните пазари. Прво ќе вработиме 70 луѓе. Според проекциите на Текнохозе, инвестицијата во Македонија се проценува на 10 милиони евра со вкупно 150 вработувања“, вели Поповиќ.

Од останатите четри најавени инвестиции, повеќе од половина е изградена фабриката на Кемет електроникс. Во моментот се работи на електричната инсталација. Според проценките на менаџерот за изградба на фабриката во Бунарџик, Гил Гомез, производниот процес би требало да почне кон средината на летото.

“Изградбата оди добро, дури и сме малку понапред од планираното. Во моментот се градат повеќе механички и електрични детали. Фабриката би требало да биде готова кон крајот на март или почетокот на април следната година. Со прототип производство планираме да почнеме во јуни следната година“, објаснува Гомез.

Според него, фабриката зафаќа парцела од 11.000 хектари, ќе произведува електронски уреди за европските пазари. Предвидено е да вработи 200 луѓе.

Хаер уште бара локација?!

Фабриките на Продис и на Матерсон груп не се градат. Мизо вели дека парцелите во зоната се подготвени за да почнат градежните активности, а според информациите од инвеститорите, за еден месец би требало да започнат со основните градежни работи.

“Матерсон груп го имаат завршено архитектонскиот план и се во фаза на избор на градежна компанија. Продис ги заврши сите геомеханички активности на теренот и сè што е поврзано со изградба на погонот. Имаат и решение за работа, но имаат и мал застој со проектантската куќа која го изработува проектот. Очекуваме дека и двете компании ќе почнат со изградба до крајот на годината“, објаснува Мизо.

Кинеската компанија Хаер, која веќе неколку години најавува изградба на фабрика за производство на монитори за телевизори во Бунарџик и пред повеќе од една година постави камен-темелник во зоната, сè уште размислува за локација за изградба на погонот и во меѓувреме бара партнер. Мизо објаснува дека иако немаат објект, дел од опремата треба да пристигне во Македонија за две недели.

“До крајот на ноември треба да бидат завршени разговорите со потенцијалниот партнер кој им треба за инвестицијата, за во декември да ги прецизираат деталите за нивната инвестиција. Иако имаше информација дека сакаат да ја постават опремата во веќе изграден објект, сепак одлучија да градат нов погон“, потенцира Мизо.