Originally posted by Cloverstack Инаку сите се прашуваме зошто секогаш Грчев... Но каде се другите? Крајно загрижувачки е фактот што освен Грчев, постарите и поетаблирани архитекти воглавно не се осмелуваат да го кренат гласот против проектов. Сите добро знаеме (што од лични контакти, што преку помалку упадливи медиуми како интернетов) кое мислење преовладува во фелата. Добро господа, па зарем за вас е прифатливо ова што се случува, зарем не се сметате барем малку повикани и одговорни да дадете придонес во целава работа, зарем живеете во некој друг град и во некоја друга држава, па сето ова не ве засега?

Има 2 организации, едната е ААМ - Асоцијација на архитекти на Македонија, другата е Комора на овластени инженери и архитекти. Децава што играат џамлии кај мене под прозор се подобро организирани од двете организации заедно. Комората е активна само во смисол на издавањето на овластувањата за проектанти и лиценци за проектни организации (што btw е класичен облик на рекет затоа што многу убаво ги наплаќа, ама тоа е друга тема на разговор), а кога се во прашања теми како оваа или некои егзистенцијални теми за фелата (како минимални цени за проектирање), оваа организација НЕ ПОСТОИ.
Да не го спомнувам тука Архитектонски факултет, кој освен преку присуството на неколку асистенти на протестот на плоштад (што мислам дека беа водени од искрени намери) и преку неколку колумни во пар весници, не излезе со некаков став, па макар и да застане зад изградбата на објектов.
Лудо е да се очекува дека некој архитект, сам или во некаква помала група ќе излезе и ќе даде некаков став и дека тој ќе има некаква вредност и значење. Се е бескорисно, ако некоја од овие институции не се изјасни, па макар била и некаква студентска архитектонска (организација) бригада. Беше многу важно тие да реагираат, ама веќе е многу касно.
Јас лично не сум многу уверен во добрите намери на Грчев и не сум посебно голем фан на неговата градоначалничка работа во делот на урбанизмот (за што може многу подолги теми од оваа да направиме), ама не сакам да бидам коментатор од типот на Ѓорчев и да праам некакви приказни со трговски центри на „локацијата„ на црквата. Факт е дека ова е период во кој опозицијата бара рехабилитација и ја користи секоја можна шанса да напаѓа, така што оваа препирка е една од подобрите можности да се добие некој поен. Како што напишав и погоре и Грчев сега почна да се занимава со: секуларност, споредби со џамиите на Садам Хусеин и сл., што за професор по урбанизам факт е дека не е соодветен начин. Со фудбалски речник, како Роналдо да шутира пенал на празен гол, а тој да проба да ја удри топката со рака.
Tемава да отиде таму каде што отиде, за жал....

Св. Константин и Елена Скопје - нејзината некогашна и сегашна локација ...

Св. Константин и Елена Скопје - нејзината некогашна локација ... Кликнете со десен клик на сликата за да ја видите поголема (важи и за сите наредни фотки)

Многу врева се крена околу локацијата и реизградбата на некогашната Црква посветена на Св. Константин и Елена. Некојпат била прва Црква во Скопје изградена од десната страна на реката Вардар. Почната да се гради во воени времиња пред Првата световна војна, таа е осветена во 1926 година. На десната страна на Вардар дотогаш била изградена само Католичката црква која се наоѓала на локација каде сега е изграден спомен домот на Мајка Тереза.

1. Вистинската локација на Црквата Константин и Елена ... помеѓу првите две згради од кулите покрај Вардар ... токму на еден од ќошовите на сегашниот трговски центар (денешни фотки од локацијата во наредните слики) ...
2. Локацијата на која владата одбра да гради Црква на плоштад. Место кое го оспорува архитектонската/особено урбанистичката фела - поради задушувањето на центарот т.е. премалата локација во однос на саканиот габарит на новата црква. Локација поради која имаше неколку протести од кои најпознат е протестот на студентите ...
3. Локација која за реизградба на св. Константин и Елена ја предлага Данило Коцевски, веднаш позади Стоковна куќа Типо ... место на кое сега е предвидена изградба на катна гаража ...
   
4. Локација која ја посакуваат некои црковни великодостојници за идната црква на плоштад ... На локацијата сега е предвидено да се гради дел од комплексот на Градската куќа со делови наменети за хотел и ресторант ...
5. По мене најбезболната пригодана локација за реизградба на црквата Св. Константин и Елена ... на сегашниот ќош на Паркот жена борец, карши плоштадот Пела ... на една следна фотка од maps.google.com -  ке се види подобро оваа локација ...
6. Локација која би се створила со уривање на сегашната Стоковна куќа Типо - некогашна “Нама“ ... многу од експертите го предлагаат токму ова решение ... имено се работи за зграда која е при крај на својот “животен циклус“ ... во новите решенија на урбанистите за овој дел сосема не се вклопува во новиот посакуван лик на плоштадот ...

Снимка од Google Eart ...

1. Старата локација на црквата Константин и Елена ...
2. Сегашната предложена и од Општина Центар усвоена локација за реизградба на Св. Константин и Елена ...
3. Локација која ја посакуваат некои црковни великодостојници за идната црква на плоштад ... На локацијата сега е предвидено да се гради дел од комплексот на Градската куќа со делови наменети за хотел и ресторант ...
4. Локација која за реизградба на св. Константин и Елена ја предлага Данило Коцевски, веднаш позади Стоковна куќа Типо ... место на кое сега е предвидена изградба на катна гаража ...
5. По мене најбезболната пригодана локација за реизградба на црквата Св. Константин и Елена ... на сегашниот ќош на Паркот жена борец, карши плоштадот Пела ...
6. Локација која би се створила со уривање на сегашната Стоковна куќа Типо - некогашна “Нама“ ... многу од експертите го предлагаат токму ова решение ... имено се работи за зграда која е при крај на својот “животен циклус“ ... и во новите решенија на урбанистите за овој дел сосема не се вклопува во новиот посакуван лик на плоштадот ...
7. Локацијата на Св. Богородица Скопје - новоизградената црква чиј ктитор беше Трифун Костовски ... На оваа локација имаме темели на уште една Црква во Скопје - познатата Света Мина, која истотака се сруши во земјотресот во 1963-та ...
8. Локација на Св. Димитрија ...
9. Веројатната локација на куќата на Мајка Тереза ...
10. Локацијата каде сега стои обележјето дека тука била куќата на Мајка Тереза - види ја погоре сликата број 3 ...
11. Локацијата каде сега се изгради спомен домот за Мајка Тереза, место каде некојпат била Католичката црква во Скопје во која Мајка Тереза ја примила католичката вера ... место каде Мајка Тереза го почнала божјиот пат ...
12. Локацијата на некогашниот Официрски Дом во Скопје, кој нели бил изграден на иста локација каде некојпат била Бурманли џамија во Скопје ... место кое сега е предвидено за изградба на Градска куќа, но истовремено место кое се погласно муслиманските верници го бараат за реизградба на Бурманли џамија ... Тие ова го прават многу упорно истовремено и вешто, организирајки пригодни манифестации (делеа баклави, ја оградуваа со креда, организијаа ликовен хепенинг каде деца ја цртаа Бурманли џамијата ...). Дваесетина НВО-и ја подржуваат реизградбата на Бурманли џамија ... Риесетот веќе официјално поднел барање во Општина Центар за доделување на оваа локација - маркица за реизградба на Бурманли џамија ...
13. Локација каде се гради новата деловна зграда, која предизвика внимание поради аферата за начинот како беше доделена оваа локација и поради заградувањето на кејот покрај Вардар, за да може да се добие пристап - градежен пат ...
14. Место каде веќе е при крај изградба на една многу современа зграда, веројатно наменета за деловен простор ...
15. Место каде е предвидена маркица за реизградба на хотел, во спомен на некогашниот Хотел Македонија - кој рушејки се во 1963-та имаше највеќе жртви странци, кои беа гости во хотелот ...
16. Место кое несреќно е избрано за изградба на нова зграда на археолошкиот музеј, каде треба да се смести и Уставниот суд ...
17. Локација на коа неодавна почна градба на зградата за филхармонија ...
18. Локација каде треба да никне пешачки мост ... за среќа отпадна проектот за врбите во Вардар ...

)статокот од постот видете го тука.

Малку касно се вклучувам тука, но кој сака нека го види и моето мислење. Неколку пати пришував за ова на моите блогови, тука само ке ви дадам линкови од другите постови ...

• Црквата “Цар Константин и Царица Јелена”  се наоѓала во Влашкото сокаче ( во близината на плоштадот во центарот на градот) и со материјалните средства од добродетели била изградена и осветена во 1927 година. Оваа црква била прва изградена црква на десната страна на градот. Реони на црквата биле вториот дел на Ново маало, гимназискиот реон и првиот дел на станицата. Црквата настрадала во земјотресот во 1963 година.

• Св. Константин и Елена ... Бурманли Џамија ... Старо Скопје фотки ...
• Св. Никола т.е. Св.Константин и Елена ке почне да се гради до крајот на месецов ... ...
• Урбанистите се слепи ... или се прават слепи ...  ...
• Ке има ли и утре контрапротест ... против - протестот за слобода на говорот - или против барање за реизградба на Бурманли џамија ...
• Бурманли Џамија - Скопје ... ...
• Св. Мина - Скопје ... ...
• Св. Никола ...
• Св. Константин и Елена ... повторно во центар ...

Со еден збор УТНАТА ЕМИСИЈА

Originally posted by lslcrew И јас очекував дебата со Вангел, на крај памет не ми паѓаше дека Влатко Ѓорчев ќе биде гостин. Малку дебатава излага од она што значи црква на поштад и пропратни теми околу нејзе. Очекував емисија на поаргументирано и постручно ниво.

и јас очекував, ама набргу сватив дека такво нешто кај нас не постои

И јас очекував дебата со Вангел, на крај памет не ми паѓаше дека Влатко Ѓорчев ќе биде гостин. Малку дебатава излага од она што значи црква на поштад и пропратни теми околу нејзе. Очекував емисија на поаргументирано и постручно ниво.

Моментално има дебата за црквата на плоштад на "Миленко Неделковски Шоу" на канал5. Гости се Мирослав Грчев и Влатко Ѓорчев.

знам дека форумов е за архитектура и за тоа треба да се дискутира, ама ме нервира исполитизираноста, криминалот, парите на овој проект и занемарувањето на се друго што постои како должност на власта на оваа држава и институциите кои треба крајно да се озбилни а се однесуваат како сето ова да е детска игра
сето ова многу повеќе ме нервира од самата изградба, локацијата и изведбата на црквата

„Гранит“ испадна од игра, тендерот поништен Предраг Петровиќ Коментари (0)    02.06.2009 16:10 16,5 милиони евра била сума што ја надминувала таа што Министерството за култура планирало да ја издвои за изградба на црквата на плоштадот. Колку е повисока цената и колку пари планира да издвои Култура за црквата - останува тајна. Сумата што државата планира да ја плати на изведувачот не ја кажуваат и останатите фирми кои учествуваа и се повлекоа од тендерот. Реагира опозицијата, во криза и сиромаштија велат, итно да се престане со трошењето пари од граѓаните. „Ја повикуваме Владата веднаш да запре со изградбата на оваа црква и со тоа да се огради од кражбата и од перењето на пари, преку нејзе блиската фирма Гранит“, рече Роза Топузовска, ЛДП. „Никола Груевски да каже дали конечно се откажува од овој проект или се работи за уште една матна зделка“, вели Маринела Тушева, СДСМ. Паралелно уште еднаш не престануваат ниту активностите за Бурмали џамија. Се изготвувало идејното решение, а ќе ги користеле и 12-те столбови и постаменти од старата џамија кои сега се во Градскиот парк, но и се заштитени со закон. За црквата сметаат дека 16,5 милиони евра се многу пари, зашто скромноста била одлика на божјите храмови. „Мислиме дека е преголема таа цена, но тоа нас не не обврзува, ние гледаме нашава работа да ја завршиме што е можно побрзо и со најскромни можни средства“, изјави Рамадан Рамадани Градежната фирма „Гранит“, како што објави А1 вчера, за изградба на црквата бараше 16,5 милиони евра. Големата сума се објаснуваше со вградувањето на скапиот и редок мариовски камен травертин кој се предвидува рачно да биде вграден во фасадата. Таков е проектот од идејното решение, а предвидената сума за црквата ја нема ниту на веб страницата на Бирото за јавни набавки. Има податок дека ќе биде на бруто површина од 2.336 метри квадратни. http://a1.com.mk/vesti/default.aspx?VestID=109457

Edited by lslcrew - 02-Jun-2009 at 16:15

sepak ne e mnogu, jas mislev deka ce davat 100milioni evra za crkvata ama .. so 16 milioni ce mozis da gradis socialni stanovi za lugeto (narodot), a ne narodot da spie  pod mostovite....

Почна судска разврска за инцидентот на плоштадот

четврток, 28 мај 2009, 18:10

Студентите, организатори на мирните протести против црквата на скопскиот плоштад седнаа во судница. Иако насилството го предизвика противничката толпа, сепак први за тепачката одговараат студентите кои мирно го изразуваа незадоволството од архитектонското нагрдување на градот. Од прекршочниот суд уверуваат дека наредната седмица во судница ќе бидат повикани 20-тина учесници во толпата која во заштита на црквата ги нападнаа студентите. За организаторите на протестот нелогично е како полицијата ги сомничи за загрозување на живот и безбедност кога тие ниту провоцирале, ниту тепале, туку биле нападнати и спречени во изразување на ставот.

Со обвинетиот во суд се појавија и студенти од Архитектонскиот факултет. И тие негодуваат на процесот.

Други двајца обвинети од првата архи бригада немале уредна покана за денешното судење. Наредната седмица ќе се знае колкумина од анти- студентските провокатори ќе одговараат за клоците и тупаниците кои ги користеа за да покажат дека плоштадот заслужува црква. Казните со кои се соочуваат се ниски- до 1000 евра, но инцидентот ќе остане запаметен како обид за замолчување на студентите кои го кренаа гласот против урбаниот хаос во Скопје. 

Љубиша Арсиќ

http://vesti.alfatv.com.mk/default.aspx?mId=44&egId=3&eventId=8493

Edited by lslcrew - 29-May-2009 at 12:01