Образовни институции (општо)

Проект за реадаптација на дел од Стаклара во образовни институции

А даскалите кај ќе паркираат?

фото: mia.mk

Реконструкција на 9 средни училишта во Скопје

Средно училиште „Здравко Цветковски“Училишните згради, фискултурните сали и спортските игралишта во склоп на скопските средни училишта ќе бидат подложни на реконструкција со новиот проект на Градот Скопје. Во секое од училиштата „Раде Ј. Корчагин“, „Цветан Димов“, „Здравко Цветковски“, „Панче Арсовски“, „Орце Николов“, „Никола Карев“, „Владо Тасевски“, „Браќа Миладиновци“ и „Арсение Јовков“ ќе се санираат оние делови од објектите на кои е неопходно да се изврши градежен зафат. Градската власт веќе го распиша огласот за пронаоѓање на најповолен изведувач на работите, кој е отворен до 20 мај.

Од буџетот на Градот Скопје за планираните санациони активности е предвидено да се одвојат 16.949.152 денари, без вклучен ДДВ. Веднаш по изборот на изведувач на работите, ќе се пристапи кон најавената реконструкција на скопските средни училишта. Градските власти во текот на секоја година одвојуваат финансиски средства за обнова на веќе постоечките објекти, која најчесто се одвива за време на летните одмори.

http://www.build.mk/?p=44280

Половина милион евра за реконструкција на седум училишта низ Македонија

Министерството за образование и наука бара градежна компанија што ќе ја реализира реконструкцијата на седум основни училишта во општините Јегуновце, Прилеп, Илинден, Струга и Куманово. Станува збор за училиштата Симче Настевски од Вратница, Шемшево од Јегуновце, Кире Гавриловски Јането од Прилеп, Браќа Миладиновци од Миладиновци, Јосип Броз Тито од Мислешево, Толи Зурдулис од Куманово и Киро Бурназ од Долно Коњаре. Првичните проценки говорат дека во проектот ќе се инвестираат 35 милиони денари.



Градежните работи ќе се одвиваат во временски период од 12 месеци. Заинтересираните градежни компании треба да ги достават своите понуди најдоцна до 6 април, за кога е предвидено и нивното јавно отворање.

http://www.build.mk/?p=43566

Edited by jyvation - 13-Mar-2015 at 01:33

Пуштено во употреба ново подрачно училиште во с. Паликура



фото: mia.mk

ИЗГРАДБА НА “ОУ ГРИГОР ПРЛИЧЕВ“, ГАЗИ БАБА, СКОПЈЕ

Наместо катна гаража, општина Центар ќе гради училиште

Советот на општина Центар на вчерашната седница донесе одлука за раскинување на договорот за долгорочен кредит за изградба на катна гаража до зградата на поранешна НИП „Нова Македонија“ во центарот на Скопје. Наместо барокна катна гаража во вредност од околу 3,78 милиони евра, општина Центар планира да го гради ветеното училиште во населбата Капиштец. Раскинатиот договор во висина од 3 милиони евра помеѓу Комерцијална банка и локалната самоуправа најверојатно ќе биде заменет со нов кредит, кој допрва треба да биде подигнат од некоја од банкарските институции.



Во образложението на одлуката за раскинување на договорот стои дека по започнување на градбата на објектот, се утврдило дека буџетските приходи не се доволни да ги покријат планираните трошоци и дека приоритет се дава за изградба на ново основно училиште и на градинката Кочо Рацин, која веќе е во фаза на изведба. Катната гаража кај НИП „Нова Македонија“ стартуваше со градба во февруари 2013 година, само еден месец пред локалните избори. Објектот со планирани седум нивоа над земја и едно подземно ниво не доби ниту темели во целиот изминат период.

Ветеното ново основно училиште во Капиштец е во рана фаза на реализација. Досега е избрано идејно решение, врз чија основа треба да се изготви основен проект. По средувањето на проектната документација, општина Центар треба да распише и тендер за избор на градежна компанија за изведба на објектот. Пред овие конкретни активности, неопходно е да се изнајдат финансиски средства за проектот.

http://www.build.mk/?p=42758

Училиштето во Кривогаштани доби нова енергетски ефикасна фасада и ситем за парно греење
Четврток, 04 Декември 2014 Дарко Штаргоски

01
01020304050607
Основното училиште во Кривогаштани, со помош на пари од УСАИД доби комплетно нова енергетски ефикасна фасада, нови прозорци, и за прв пат во неговата историја систем на парно греење. Инвестицијата чини 120.000 американски долари, од кои 100 илјади се на УСАИД, а 20 илјади вложи Оопштината. Ова е дел од проектот за борба со климатските промени.

„Бенефитот од овој проект е во тоа што општината соработува со граѓаните за да изнајдат решенија за подобрување на условите на живот во општината и да се адаптираат на климатските промени и на се поекстремните резултати кои ги добиваме од нив“, истакна Џејмс Стаин, директор на мисијата на УСАИД во Македонија.
stain

Џејмс Стаин, директор на мисијата на УСАИД во Македонија

Над 315 деца кои учат во ова училиште сега ќе имаат многу подобрени услови за работа.

„Со самото инсталирање на системот за парно греење, и енегетски ефикасната фасада заштедите за училиштето ќе бидат некаде околу 30 проценти, а се намалуваат и другите торшоци за одржувањето на целиот тој систем“, истакна Тони Заткоски, градоначалник на Општина Кривогаштани.
toni

Тони Заткоски, градоначалник на Општина Кривогаштани

Освен оваа од Владата најавија дека наскоро во кривогаштани ќе има и нови инвестиции во образованието.

„Во многу скоро време се очекува во рамките на ова училиште во Општина Кривогаштани да се започне со изградба на нова спортска сала како дел од проектот за изградба на 145 спортски сали, инвестиција која ќе чини 24 милиони денари“, рече Спиро Ристовски, заменик министер за образование.
spiro

Спиро Ристовски, заменик министер за образование

Освен во Кривогаштани најавени беа инвестиции училиштата и во другите населени места во општината. Од општината најавија дека од наредната година се очекува да започне изградбата на новата енергетски ефикасна фасада во училиштето во село Обршани, како и комплетно заменување на системот за парно греење во оваучилиште.

http://patokazmagazin.com.mk/vesti/top-5/item/1115

Има и фотографии на линкот.