Паркирање и паркинзи (општо)

Линк со сите локации во државата.

ОКОЛУ „СИТИ МОЛ“ НАЈПОВОЛНА ВАРИЈАНТА Е ЗОНСКО ПАРКИРАЊЕ ЗА ДА НЕ ИМ ПРЕЧАТ ПОСЕТИТЕЛИТЕ НА ЖИТЕЛИТЕ, ВЕЛИ БОГОЕВ

Се разгледува можноста за воведување на зонско паркирање и во населбите Карпош 3 и Карпош 4, најави градоначалникот на општина Карпош Стефан Богоев. Откако по спроведената анкета беше одлучено зонско да се воведе во населбите Карпош 1 и Карпош 2, Општината размислува на овој начин да се реши проблемот и околу трговскиот центар „Сити мол“.

„Граѓаните на Карпош 3 и Карпош 4 во ниту една варијанта нема да плаќаат за паркинг. Сметам дека најповолно решение за паркинг просторот кој е узурпиран од посетителите на ‘Сити мол‘ е воведување на зонски резиденцијален паркинг. Истиот би подразбирал бесплатен паркинг за станарите и евтина гостинска карта, а посетителите на трговскиот ќе плаќаат“, вели градоначалникот Богоев.

Богоев вели дека пред да се решат за овој чекор ќе спроведат анкета меѓу граѓаните, како што беше направено во населбите Карпош 1 и Карпош 2.

Жителите на зградите околу „Сити мол“ постојано се жалат дека немаат место за паркирање од посетителите на трговскиот, кои за да не плаќаат паркинг во гаражата, се паркираат на улиците и тротоарите пред зградите.

https://sdk.mk/index.php/dopisna-mrezha/okolku-site-mol-najpovolna-varijanta-e-zonsko-parkirane-za-da-ne-im-prechat-posetitelite-na-zhitelite-veli-bogoev/

Поради корона кризата, догодина ќе нема инвестиции во изградба на нови паркинзи во Скопје

Големите финансиски загуби на јавните претпријатија годинава ќе доведат до одложување на планираните капитални инвестиции во изградба на нови јавни паркинзи и монтажни гаражи за решавање на проблемот со паркирањето во Скопје. Големиот број проблеми со паркирањето во главниот град, за што „Мета.мк“ веќе подолго време пишува, и понатаму ќе се решава единствено со интервенции од помал обем.

„ЈП Паркинзи на Општина Центар се соочи со голема финансиска загуба како резултат
на пандемијата предизвикана од вирусот Ковид-19. Бидејќи се работи за исклучително
тешка година, ЈП „ПОЦ“ во 2021 година ќе мора да ги стопира капиталните инвестиции се со цел да не се загрози нормалното работење на претпријатието“, велат за „Мета.мк“ од ЈП „ПОЦ“.

Тие додаваат дека наместо изградба на новите монтажни паркинзи што беа најавени кај ДТЦ „Дилајла“ и кај бараките на Општина Центар, сега имаат план да направат реконструкција на постојните монтажни гаражи за да се обезбедат дополнителни паркинг места. Ако добијат помош од Општина Центар или од Град Скопје, во тој случај ЈП „ПОЦ“ е подготвен да ги реализира проектите што беа претходно предвидени за 2021 година.

Откако ги зголемија цените за паркирање на почетокот на годинава, од ЈП ПОЦ велат дека во 2021 година не планираат да го поскапат паркирањето на паркиралиштата со кои стопанисуваат. ЈП „Градски паркинг“ пак со одлука на Совет на град Скопје на почетокот на месецов го поскапи паркирањето за 5 денари за еден час на сите зони на паркирање во Скопје со кои тие стопанисуваат, а нови цени добија и месечните паркинг карти во катните гаражи.

Инаку, „Мета.мк“ во два наврати во изминативе три недели испрати прашања до ЈП „Градски паркинг“-Скопје, но од нив досега не добивме одговори за тоа какви инвестиции планира ова јавно претпријатие да вложи догодина за да се зголеми бројот на паркинг места во главниот град.

Единствено Општина Карпош излезе со информација дека во моментов течат координативните активности со ЈП „Градски паркинг“ за спроведување на регулација на паркинзите, односно воведување на зонско паркирање на територијата на оваа општина. Со оглед на тоа што веќе беше спроведена анкета на која граѓаните позитивно се изјаснија, извесно е дека во 2021 година ќе се воспостави зонско паркирање во населбите Карпош 1 и 2, со кое ќе управува ЈП „Градски паркинг“.

И ЈП „ПОЦ“ и „Градски паркинг“ веќе подолго време имаат проблем со недостигот на паркинг места, кој најизразено се гледа преку бројот на издадени бесплатни дозволи за паркирање на станарите наспроти вкупниот број на паркинг места со кој управуваат двете претпријатија. Па така, заклучно со декември минатата година, ЈП „Градски паркинг“ располагаше со 8.999 паркинг места, додека имал издадено 113.963 бесплатни дозволи за паркирање на станарите кај зонското паркирање и кај јавните паркиралишта во општините Центар и Аеродром.

https://meta.mk/poradi-korona-krizata-dogodina-kje-nema-investiczii-vo-izgradba-na-novi-parkinzi-vo-skopje/

еве ги гледаме прекрасните ефекти од зонското паркирање низ градов, таму кај што е воведено... чист профит и ни у од урбанизам

ВО ВЕЛЕС ЌЕ СЕ ПЛАЌА ЗА ПАРКИРАЊЕ

Велес до крајот на годинава ќе воведе платен паркинг, одлучи Советот на Општина Велес, по предлог на ЈП „Парк спорт и паркинзи“. На седницата се официјализираа паркинг зоните каде сопствениците на автомобили ќе можат легално да ги паркираат возилата, со плаќање надомест.

Од локалната власт очекуваат дека со ваквата одлука ќе се сопре сообраќајната некултура на паркирање кој кај ќе стигне, по тротоари и коловозни ленти, автобуски и такси стојалишта и потсетуваат дека Велес е меѓу последните големи градови во земјава што воведува платено паркирање.

Со донесената одлука Велес има три паркинг зони, првата зона „А“ е црвена зона има три подзони, втората паркинг зона „ Б“ е зелена и има девет подзони, и третата паркинг зона „Ц“ е жолта и има две подзони. Цената за еден час паркирање во зоната „А“ е 30 денари, во зоната „Б“ е 20 денари и во зоната „Ц“ е 10 денари. Дневна карта за паркирање во сите зони е 400 денари. Донесена е и одлука во недела и на државни празници паркирањето да биде бесплатно за сите, а за граѓаните се издаваат повластени паркинг карти.

Од „Парк спорт и паркинзи“ појаснуваат дека е во тек тендерска постапка со која се бара мобилен оператор преку кој ќе се врши плаќањето на паркинг услугата, а преку тендер се набавуваат и блокатори за автомобилите кои се непрописно паркирани. За непречено извршување на контролата на паркирањето предвидено е да се вработат околу десетина лица во претпријатието. Ако овие постапки завршат навремено, платениот паркинг во Велес би стартувал до крајот на годинава.

https://sdk.mk/index.php/dopisna-mrezha/vo-veles-ke-se-plaka-za-parkirane/

ПАЗАРЏИИТЕ ОД СКОПСКИОТ ЗЕЛЕН ПАЗАР ДОБИЈА ПАРКИНГ ЗА КАМИОНИ ЗА ДА НЕ СЕ ПАРКИРААТ КАЈ „АУТОМАКЕДОНИЈА“

Пазарџиите од скопскиот Зелен пазар ќе можат да се паркираат на новиот уреден паркинг зад пазарчето. ЈП „Паркинзи на Општина Центар“ денес пушти во употреба две нови паркиралишта во склоп на Зелен пазар согласно постигнатиот договор меѓу „Скопски пазар“ и пазарџиите од Зелен пазар, со цел да се надминат проблемите на паркиралиштето „Аутомакедонија“.

„Уреден е дивиот паркинг позади Зелен пазар кој беше во хаотична состојба и нефункционален ниту за жителите ниту за корисниците на услугите на Скопски пазар и постави нов систем за контрола со влезно-излезни рампи. Од ова неуредено паркиралиште, направени се две функционални паркиралишта, едното паркиралиште е наменето за товарните возила на пазарџиите, а другото за околните. Со отворање на овие паркиралишта, паркиралиштето ‘Аутомакедонија‘ целосно ќе се ослободи од товарните возила и ќе им овозможи на жителите брз и лесен пристап до нивните домови“, вели Васко Кичевски директор на ЈП „Паркинзи Општина Центар“.

Од претпријатието додаваат дека во наредниот период, контролите на ова паркиралиште ќе бидат зачестени и сите нерегуларности ќе бидат санкционирани. Доколку контролорите затекнат товарни возила надвор од затворениот простор, тие веднаш ќе бидат санкционирани.

https://sdk.mk/index.php/dopisna-mrezha/pazardhiite-od-skopskiot-zelen-pazar-dobija-parking-za-kamioni-za-da-ne-se-parkiraat-kaj-automakeodnija/

Пропуштена шанса за косо паркирање плус средишно во една лента. Вака пак во средина паркирање ќе има и константни нервози како на 90% паркинзи од ваков тип во градов.

Заврши уште една фаза од реконструкцијата на паркингот на булевар „Јане Сандански“.
Денеска се обележуваа паркинг-местата и се поставуваше нова вертикална и хоризонтална сообраќајна сигнализација







https://www.facebook.com/marinzlatko

Според моменталниот план мислам дека не,но добредојден би бил и некој монтажен паркинг барем на две нивоа на некој од постоечките паркинзи околу кулите или негде во близина бидејќи реално веќе нема простор освен да се земе некој парк или тревник.

Многу погрешно! Навидум изгледа исправно, ама скроз погрешно. Од градска река прават селска канализација. Проблемот со паркирање требаше да си се решава со катни гаражи, со подземни паркизни на друга страна, евентуално зонско по кејот кое сега ок функционира. Ама ова е тотално непотребно. Инаку Штип пред само 6-7 имаше една јака поплава со која се напуни коритото на Отиња скоро до горе. Е сега како тоа во Скопје свашта се изнаслушавме дека било нарушено коритото на Вардар со мост око и мост на уметноста, а овде речиси нема никаква реакција. И бранат која ќе се изгради низводно на рекава неможе да биде аргумент дека може да се заробува коритото.