Паркови (општо)

Овие мини или големи депонии преполни со градежен шут се повторуваат низ целата држава, со што ако имавме одговорни градски/локални/државни власти, наместо само да ги чистат и да им повторуваат на граѓаните, можеа да смислат решенија за истите.

Односно, предвидуваш на ниво на град/општина две-три локации за тоа и воведуваш забрана. Вака, моментално, поправете ако грешам, но да земеме пример дека дома реновираш и ти се собира смет/градежен шут, буквално нема место кај што би го однел тој шут. Не ги бранам тоа што после го истураат на вакви локации, но понекогаш се учи од однесувањето на граѓаните и истото државата има обврски да го моделира/промени преку мерки/активности.

НОВ „ЗЕЛЕН“ СПОРТСКО – РЕКРЕАТИВЕН ЦЕНТАР ВО КАРПОШ 3







Општина Карпош започнува со изведба на нова, спортско – рекреативна зона во урбаната заедница Карпош 3, како составен дел од училишниот двор на основното училиште „Лазо Трповски“ (долж булеварот „Илинден“). На овој потег ќе бидат лоцирани нови спортски терени, а веќе постоечкото игралиште кое се наоѓа во полоша состојба, ќе биде реконструирано и прилагодено за играње на мал фудбал и ракомет.



Исто така, љубителите на кошарката ќе добијат нов терен за баскет. Во рамки на оваа зона се предвидува и фитнес дел, со спортски направи за вежбање и детско игралиште, како и соодветна урбана опрема (клупи за седење, корпи за отпадоци) и осветлување.



Сепак, доминантна ќе биде зелената површина и дрвјата. Затоа, Општината планира и поставување на систем за наводнување на зеленилото, со цел, тоа да биде одржувано во текот на целата година.



Локалната самоуправа реши да го облагороди овој простор, кој со децении делуваше запуштено. Спортско – рекреативната зона е во јадрото на Карпош 3 и ќе биде достапна за сите граѓани. Всушност, жителите покажаа интерес за ваква зелена и спортско – рекреативна зона и преку анкетата која Општината ја спроведе пред донесување на Буџетот за 2020 година, но и во секојдневните контакти со општинските служби.



Општина Карпош продолжува со хуманизација на јавниот простор и негово прилагодување на реалните потреби на граѓаните. Минатата година, Општината го реконструираше и фудбалското игралиште „Сокол“, а беа обновени и терените во Бардовци. Интензивно се работи и на Спортско – адреналинскиот парк, долж реката Вардар, кај Алпинистичката карпа, потег кој ќе биде меѓу поатрактивните делови од главниот град, Скопје.

https://karpos.gov.mk/нов-зелен-спортско-рекреативен-це/?fbclid=IwAR3tMknQJmt800jK51gVfwaJUndWc9FTbgdcazhLTOXsP9NPVk_fUk9OLmY

Депонијата во Мичурин се претвора во парк










Градоначалниците на Град Скопје и на општините Аеродром и Центар, Петре Шилегов, Златко Марин и Саша Богдановиќ, денеска направија увид во расчистувањето на депонијата во Мичурин и нејзино претворање во парк.
„Се наоѓаме на локација што повеќе од 20 години беше дива депонија и место што претходно никој не го средил. Станува збор за површина од над 6.000 квадратни метри, и преку ЈП „Улици и патишта“ во изминатиов период ја исчистивме и исфрливме повеќе од 15.000 кубни метри смет“, изјави градоначалникот Шилегов.
Тој додаде дека на овој јавен простор треба да никне парк и детско игралиште, каде што ќе можат да го поминуваат своето слободно време.
Градоначалникот Марин најави дека покрај овој парк, пролетва во Општина Аеродром ќе се изградат уште четири нови парка, и тоа два во Стар Аеродром со вкупна површина од 7 500 квадратни метри, еден покрај булеварот „Трета македонска бригада“ со површина од 2 500 квадратни метри, еден во Мичурин со површина од 3 500, а ќе се обнови зелената површина и пешачките патеки во паркот на ул. „Бојмија“..
„Со изградбата на новите паркови Општина Аеродром ќе им подари на граѓаните нови зелени катчиња за рекреација и ќе ги облагороди запуштените простори“, изјави градоначалникот Марин.
И градоначалникот Богдановиќ ја поздрави иницијативата да се преуреди ова запуштено место во Мичурин, кое беше огромна дива депонија повеќе од 20 години и која сега „конечно ќе се претвори во убаво катче на место што со години претставувало лоша слика за нашите општини и за градот Скопје“.

https://www.facebook.com/CityofSkopje/

Edited by stef4o - 25-Feb-2020 at 15:49

Originally posted by stef4o Почна изградбата на новиот парк во Мичурин Општина Аеродром деновиве ги почна активностите за изградба на новиот парк во населбата Мичурин. Урбаниот парк, истакна градоначалникот Марин, ќе се гради на постојното игралиште спроти ОУ „Блаже Конески“, а ќе биде со површина од 3 573 квадратни метри. Паркот ќе понуди зелени површини, детско игралиште, пешачки патеки со клупи, комбинирано спортско игралиште за рекреација, како и место за друштвени игри за најмладите. Исто така, на оваа локација ќе има и артериски бунар со цел навремено наводнување на околното зеленило. https://www.facebook.com/OpstinaAerodrom/

Денес поминав,просторот го оградиле има и инфо табла..

Се фалат дека ќе ја пробивале Есенинова (има одговор на коментарот на граѓаниот од Град Скопје) ццц, а до сега не само тоа туку требаше да биде завршено и другото поврзување меѓу Аеродром и Кисела Вода (со булеварот покрај Раде Кончар).


Edited by skopskodete - 10-Feb-2020 at 21:01

И сега Шилегов дефинитивно ја уби идејата за јужен?
Што значи дека на цел тој дел ќе почне да се градат згради.
Или уште има шанси да остане во ГУП!??

Супер што ќе се среди, само да не се среди како што се среди паркот во Аеродром (никако).

Не разбирам (два моста). Дали под два моста се подразбира и мостот со кој Илинденска би се продолжила преку Вардар?

ГРАД СКОПЈЕ И ОПШТИНА КАРПОШ УРЕДУВААТ НОВ ПАРК НА КЕЈОТ НА ВАРДАР












Градот Скопје во понеделник ќе распише конкурс за избор на идејно решение за уредување нов парк меѓу кејот на Вардар и булеварот Илинден, во Карпош 4. Станува збор за површина од 60.000 квадратни метри, односно простор 6 пати поголем од паркот „Ибни Пајко“. Овој простор сега е непристапен и небезбеден и на него има дива депонија која претставува жариште на диви огнови на отворено. Конкурсот ќе трае 2 месеца, а најдобрите идејни решенија ќе бидат наградени со награден фонд до 10.000 евра.

- Јавните градски претпријатија веќе почнаа да го отстрануваат шутот и отпадот од оваа депонија и да ја расчистуваат површината. На овој простор ќе бидат поставени содржини за спорт и рекреација, а ќе биде предвиден и простор за ботаничка градина, за што разговаравме со граѓаните во нашата предизборна кампања. Дополнително, планирана е изведба на сервисна улица и два моста. Една по една, неуредените јавни површини ги претвораме во паркови. Непристапните и небезбедните површини, кои се диви депонии и диви паркиралишта ги уредуваме и ги отвораме за сите граѓани. Подигнуваме нови зелени површини. На овој начин вложуваме во подобра животна околина, но и во подобрување на квалитетот на амбиентниот воздух – рече градоначалникот Петре Шилегов, на денешната прес-конференција.

Градоначалникот на Општина Карпош, Стефан Богоев, пак, нагласи дека со уредувањето на оваа површина Скопје добива нови „бели дробови“.

- На местото на децениските депонии, каде што се одлагале и остатоци од разурнатите објекти од скопскиот земјотрес во 1963 година, започнуваме со изведба на нов парк. На површина од 60.000 м2 ќе се добие ново, уредено зеленило со многу содржини за граѓаните. Сакам да истакнам дека во должина на овој потег, веќе интензивно се работи на Спортско – адреналинскиот парк, кај вештачката карпа, па со уредувањето и на овој дел градот ќе добие нов зелен појас и филтер на воздухот. Сигурен сум дека оваа локација ќе прерасне во една од поатрактивните спортско – рекреативни зони во нашиот град – нагласи Богоев.

https://www.facebook.com/CityofSkopje

Originally posted by skopskodete Тука може совршено да се вклопи подземен паркинг (под паркот). Не разбирам како може толку ограничени луѓе да работат на овие работи, а ај да речеш дека финансиите се проблем, не се. Имаат земено милиони евра од тие комуналии за згради. Тотално лош менаџмент.

I da se rešat da pravat parking pak ke nastrada nekoja zelena površina bidejki najčesto odat na varijanta montažen parking ili katna garaža taka da možebi negde megju kulite ke se napravi nekogaš nekoj montažen parking koj e očajno potreben i doprva ke ima potreba soglasno tempoto so koe se izdigaat novi 10-katnici.

Edited by stef4o - 27-Jan-2020 at 19:22