Куманово ќе добие затворен базен

Се работи за капитална инвестиција каква што не сме имале подолг период. Со изградбата на базенот ќе се заокружи и ќе се уреди целиот комплекс околу спортската сала. Базенот ќе биде граден по сите современи стандарди за такви објекти и со можност за одржување на големи спортски манифестации- вели градоначалникот Зоран Дамјановски.  

Инвестиција е врeдна 1,8 милони евра, а парите ќе ги обезбед локалната самоуправа. За изградба на објектот е подготвена сета потребана документација, а распишан е и тендерот за изведувач на работите. Планирано е камен темелникот ќе биде удрен на Денот на ослободување на градот 11 Ноември.

На Куманово му е многу неопходен затворен базен, бидејќи со години наназад децата организирано со автобус заминуваат на пливање во Скопје.

http://www.kumanovonews.com/vesti/ekonomija/kumanovo-ce-dobie-zatvoren-bazen.html

СРЦ „БОРИС ТРАЈКОВСКИ“ НАЈАВУВА ИЗГРАДБА НА ТУРИСТИЧКА АТРАКЦИЈА

Аква-парк лете, лизгалиште зиме

Планирано е водениот парк со четири отворени базени да се гради на празната локација од 6.500 квадратни метри кај базенот „Младост“ и салата „Борис Трајковски“

Јавното претпријатие „Борис Трајковски“ ќе гради забавен воден парк, а инвестицијата ќе се реализира само ако Општината Карпош биде расположена да нацрта градежна маркичка за ваква содржина во урбанистичкиот план. Планирано е тој да се гради на празната локација од 6.500 квадратни метри кај базенот „Младост“ и салата „Борис Трајковски“ во населбата Карпош 4. Директорот на спортскиот центар Ратко Капушевски е уверен дека по изградбата, оваа државна инвестиција ќе претставува туристичка атракција.

Четири отворени базени

Според замислата, аква-паркот би располагал со четири отворени базени со различни димензии и со други содржини за забава на вода. Надлежните објаснија дека базените лете би служеле за капење, додека зиме еден или два од нив би биле претворени во лизгалишта.

- Планираме изградба на градски аква-парк доколку наидеме на волја и желба од страна на градоначалникот на Општина Карпош, Стевчо Јакомовски да го внесе во детаљниот урбанистички план. Изградбата на овој парк би траела не повеќе од две-три години - изјави директорот Ратко Капушевски.

Очекувањата се тој да биде готов до 2015 година, но засега тоа е само желба.

Според Генералниот урбанистички план, локацијата е наменета за паркинг. Во моментов од претпријатието ја комплетираат документацијата за овој проект, а потоа во Општината ќе побараат измена на урбанистичкиот план.

Имајќи го предвид досегашниот однос меѓу локалната и државната власт и анимозитетот по многу прашања, останува нејасно дали градоначалникот Јакимовски ќе има добра волја да соработува со власта по ова прашање. Од СРЦ „Борис Трајковски“ велат дека Јакимовски им ветил поддршка.



И Јакимовски би го градел

Од кабинетот на градоначалникот не одговорија дали ќе направат измена на урбанистичкиот план. Наместо тоа, само рекоа дека Јакимовски изразил желба наместо државното претпријатие, Општината Карпош да го добие земјиштето.

- Доколку Владата го даде земјиштето на Карпош, сами ќе градиме аква-парк - вели градоначалникот.

Во моментов раководството од „Борис Трајковски“ прибира документација за да поднесе барање до Министерството за транспорт и врски за одземање на корисничкото право на постојниот субјект и земање на земјиштето под свое, на долготраен закуп.

- Овој проект е на Владата на Македонија, но не е исклучена можноста и да оди во форма на јавно-приватно партнерство. При создавање на сите локациски услови за изградба, до добивање за одобрение на градба ќе се разгледаат сите можности за пронаоѓање потенцијален инвеститор, односно јавен партнер. Во моментов се работи на нумеричките податоци на парцелата. Потоа ќе формираме иницијатива за промена на детаљниот план, кој е во фаза на изготвување. Градоначалникот на Општина Карпош ни вети дека ќе го вметне во планот - изјави директорот Капушевски.

Како што е познато, аква-парк треба да се гради и на територијата на Аеродром, во близина на салата „Јане Сандански“, но како приватна инвестиција. Така барем е зацртано во планот, а дали и кога ќе се реализира, останува да покаже времето.

http://www.dnevnik.com.mk/?ItemID=E1D845FFD1705F49BE0DF4137469130F

Џоле,додека да ја направиш врската овие од kurir.mk ја пренесоа веста
Секоја чест за човекот,доста пари се вложени,се надевам ќе му се исплати инвестицијата.

ФОТО: Македонија наскоро ќе добие прв Аква парк Во општина Пробиштип ќе се отвори првиот Аква парк во земјава. Градоначалникот на Пробиштип, Тони Тоневски прецизира дека станува збор за приватна инвестиција, која чини над два милиона евра. - Првиот Аква парк во земјава што се простира на површина од 18.000 метри квадратни ќе се отвори токму во Пробиштип, а бенефициите се развој на градот, но и на туризмот. Во водениот парк ќе се вработат и 50 лица, изјави Тоневски. Тој додаде дека изградбата на Аква паркот е во тек и оти се очекува наскоро да биде отворен за посетители. Тоневски очекува дека по оваа инвестиција ќе следат и други приватни инвестиции во општина Пробиштип. Аква паркот е лоциран кај стариот базен во Пробиштип. Отворањето на првиот Аква парк во Македонија е закажано за 20ти Август.

http://kurir.mk/makedonija/vesti/39070-FOTO-Makedonija-naskoro-ke-dobie-prv-Akva-park

Првиот воден парк Македонија ќе го добие на 20 август во Пробиштип. Моментално паркот е во изработка, а за отворањето ќе биде целосно опремен за најразлични водни лудории, како и ресторани и барови за освежување и одморање. Првиот македонски аквапарк ќе работи секој ден од 10 до 19 часот. Ова водно царство се протега во подножјето на Осоговските Планини, на површина од 18.000 квадратни метри. Тој ќе опфати широк спектар водни атракции што ги задоволуваат вкусовите на сите генерации. Целокупната понуда опфаќа базен со бранови, базен за пливање, детски базен, мрзлива река и најразлични тобогани, а покрај тоа и терен за одбојка, ресторани и барови со најразлична музика и храна за сечиј вкус, како и продавница за сувенири. Влезниците за отворањето на аквапаркот чинат 1.200 денари и се достапни во продажната мрежа на туристичката агенција „Јупитер“, која покрај билети нуди и превоз до аквапаркот. Корисниците на Фејсбук може да добијат бесплатна карта, со поставување омилена летна фотографија на профил-страницата на аквапаркот. Корисникот чија фотографија ќе освои најмногу лајкови ќе добие гратис-влезница. Наградната игра е во тек, а ќе трае до 17 август. Влезниците се достапни и по двојно намалена цена, односно 600 денари, преку македонскиот сервис за групни попусти „Групер“. Покрај планираните водни лудории, за целодневниот престој на отворањето организаторите ветуваат голем број изненадувања. Заинтересираните може да прочитаат повеќе информации, како и да резервираат карти на веб-сајтот на водниот парк, www.aquaparkmacedonia.mk.

http://www.novamakedonija.com.mk/NewsDetal.asp?vest=8811104474&id=49&setIzdanie=22350

Аква Парк во Пробиштип јас прв пат слушам, а тие планират да го отварат на 20 ти Август:

Еве слики:

http://www.facebook.com/pages/AQUA-PARK-Makedonija/196508220374910#!/media/set/?set=a.262651793760552.91924.196508220374910


А овде има некој карти да се купат со попуст: 600 денари со попуст а 1200 денари регуларна цена. Алал да им е.

http://grouper.mk/skopje/deal/aqua-park




Edited by kultuzin - 04-Aug-2011 at 23:24

Претставници од повеќе надлежни институции изготвија анализа за реализацијата на владиниот проект за реконструкција и модернизација на затворениот пливачки базен во Струга која ќе чини меѓу 700 и 800 илјади евра.

Проект ќе се спроведе на иницијатива на спортистите и спортските работници од Струга, што ја доставија пред предвремените избори.

- Се надевам дека проектот наскоро ќе се реализира, а затворениот пливачки базен повторно ќе биде ставен во функција, вели пратеничката од ВМРО-ДПМНЕ од Струга, Лиљана Затуроска.

Повеќе години  пливачите од Струга во текот на зимскиот период тренизните ги одржуваат на базените во Скопје. Во текот на летото го користат отворениот пливачки базен кој се наоѓа во центарот на градот, а кој исто така е руиниран.

http://www.kurir.mk/republika/proekti/37719-Najavena-obnova-na-bazenot-vo-Struga

Охрид ќе добие и базен за пливање

Охрид - Тоа што Охрид има прекрасно езеро не значи дека неговите жители и многубројните туристи можат во него да се капат секој ден. Во Охрид имаше два затворени базена (и еден отворен во „Силекс“), меѓутоа со приватизацијата, новите газди одлучија да ги претворат во конгресни сали, затоa што тие им носат повеќе профит.

Охрид имаше уште еден отворен базен, дури и со вистински олимписки димензии, како дел од Спортско рекреативниот центар „Билјанини Извори“, ама тој со години и децении служеше за собирање смет и понекое ситно животинче. Охриѓани го викаа „Кај жабарникот“. Наместо гордост, беше срам.

Новото раководство на Центарот даде иницијатива, а локалната самоуправа и пари и сега интензивно се работи на доопремувањето на базенот, дури и со најава дека тој ќе биде затворен и ќе се користи во текот на целата година. Од Центарот најавуваат дека за многу скоро време, уште во текот на главната туристичка сезона, оптимистички дури и за десетина дена, охриѓани и нивните многубројни гости ќе добијат нов современ простор за рекреација и забава. По сезоната, базенот ќе биде достапен за користење на школите за пливање, каде што ќе тренираат младите пливачи.

Директорката на Центарот - ЈП „Билјанини извори“ Гордана Јованоска вели: „Очекуваме уште за време на главната туристичка сезоната базенот да биде отворен, додека од септември натаму размислуваме за две решенија - да продолжи да работи како отворен или, пак, да го покриеме. Ќе видиме кое решение ќе се покаже како подобро“, најави Јованоска.

За оваа инвестиција, локалната самоуправа од Охрид издвои средства од околу 100 илјади евра. „Уште пред да се пушти базенот во употреба, веќе се купени лежалки и чадори и слична дополнителна опрема. Треба сега само да се монтира филтер-станицата и другата опрема што ја очекуваме да пристигне од Словенија“, додава Јованоска. (В.М.)

http://www.utrinski.com.mk/?ItemID=DD7564D134AE464D82E158E63F637111

Од тоа што сум шетал низ странство, најчесто аква-парковите се во места каде има море/езеро, а мн поретко во главните градови. Ние неаме еден изградено, веќе втор планираат. Само напред кон тотална централизација на Македонија, па несомнено потеклото на овој "визионер" од директор кажува се. Мајке ми не гледам здрава логика од два аква парка. Па Охрид плаче за аква-парк, може и Дојран поради близина со грчката граница, но ваков план е надвор од здравиот разум. Се надевам дека општина карпош нема да го изгласа вметнувањето на овој проект во дуп. Од друга страна се појасно станува дека тука Меркатор нема да никне.

„Саваната“ пред „Борис Трајковски“ ќе прерасне во аквапарк

До 2015 година, на запуштеното земјиште пред картингот и базенот „Младост“, на површина од 6.500 квадратни метри, треба да биде изграден аквапарк. Бидејќи тоа е територија на општина Карпош, најнапред треба општината да донесе нов ДУП, во кој ќе биде внесен и аквапаркот, па потоа да почнеме со реализација на проектот - изјави Ратко Капушевски, директорот на спортскиот центар „Борис Трајковски“



Од ДУП зависи дали ќе се гради аквапаркот

Топогани, лизгалки, повеќе базени, скокалници и други реквизити за на вода, за три-четири години ќе бидат изградени на запуштениот простор пред спортскиот центар „Борис Трајковски“. На зараснатиот простор меѓу булеварот Илинден и тазе реконструираниот базен „Младост“, директорот на спортскиот центар „Борис Трајковски“, Ратко Капушевски, најави аквапарк.

- Предвидено е да го направиме до 2015 година на површина од 6.500 квадратни метри. Бидејки тоа е територија на општина Карпош, потребно е прво да донесат нов ДУП во кој ќе го испланираат аквапаркот, па потоа ние да почнеме со реализација на проектот - изјави Капушевски.

Моментно надлежните од спортскиот центар подготвуваат барање до општината Карпош да им се дозволи да располагаат со земјиштето.

Надлежните од општината не се запознаени со овој проект, но се отворени за соработка, доколку постојат услови за аквапарк.

- Очекуваме барање или иницијатива од спортскиот центар. Официјално не стигнало никакво известување досега. Сé уште е рано да знаеме дали е можно во ДУП да влезе аквапарк. Тоа е долга процедура, па не би сакале хипотетички да зборуваме. Откако ќе добиеме официјално барање ќе направиме анализи, испитување, урбанизација и проверка дали постојат услови за изградба на ваков парк на оваа локација. Доколку нема никаква пречка, сигурно дека би го вметнале во ДУП - изјави Стефанија Макровска од одделението за односи со јавност на општината Карпош.

Граѓаните, иако не се запознаени со овој проект, имаат позитивен став околу збогатувањето на градот со ваков проект.
- Нови содржини секогаш се добредојдени. Ќе имаме каде да се рекреираме и да се разладуваме во летните горештини, но и да уживаме во водните лудории. Освен тоа, аквапарковите во другите градови се нешто вообичаено, нормално - изјави Мики Василевски, жител на Карпош.

Според граѓаните од општината уредувањето на просторот пред спортскиот центар „Борис Трајковски“ е неопходно.

- Просторот пред картингот е вистинска џунгла, не личи пред спортскиот центар да има ваков неред. Баш е супер што ќе се среди. Доколку се реализира тој аквапарк, ќе претставува вистинско освежување и за градот и за граѓаните. Но не мора да се чека до 2015 година, на градот му фали такво место, колку побрзо се направи, толку подобро - вели студентката Драгана Костовска.

Новата управна зграда на јавното претпријатие „Водовод и канализација“, што ќе се гради на левата страна на реката Вардар, по дизајнот ќе одговара на барокниот изглед на петте хотели и катната гаража што се планирани на овој простор. Објектот ќе се гради на местото на постојните бараки на претпријатието на површина од 5.000 квадратни метри во основата, а ќе биде висок пет ката, плус купола.
Идејното решение е на архитектот Жарко Чаушевски.

http://www.novamakedonija.com.mk/NewsDetal.asp?vest=61411233408&id=14&setIzdanie=22305

Планирам утре да одам во реновираниов базен во склоп на Борис Трајковски. Сакав денес, али не работеше (според мене нелогично - поради неработниот ден) Се распрашав за цената, и билетот изнесува 150 денати + 250 денари капа за пливање која е задолжителна (според мене оправдано). Нормално капата ја купуваш еднаш и ја имаш за наредниот пат кога само ќе си платиш билет од 150 денари. За впечатоците од  условите и амбиентот утре.