Возен ред

Патничкиот воз Прилеп-Битола-Прилеп е привремено укинат до почетокот на септември. Кога го воведоа, кога успеаја да го укинат.

Бугарски спален вагон е...мислам дека беше темно црвена боја баш и јас го видов пред некој ден во воз бр.335

Edited by zookisk - 10-Jun-2012 at 12:21

Забележувам дека кон Кочани речиси редовно сообраќаат возови на чие чело се дизел маневарки со два вагони и не можам никако да сфатам зошто не се промени возниот ред и не се замени она неразбирливо поаѓање од 2 часот по полноќ од Скопје со нормален воз кој би поаѓал помеѓу 5 и 30 и 8 часот од Скопје и во попладневните часови од Кочани кон Скопје. Разбирам дека досега немаше патници и гарнитури, ама штом може да сообраќа дизел маневарка тогаш мислам дека е многу лесно да се организира нормален сообраќај кон оваа пруга. Два пара возови дневно, по еден наутро и еден попладне од Скопје и Кочани и мислам дека ќе има многу поголема рентабилност и резон за задржување на превозот со воз кон Кочани.

Денеска имаме вработени на источната пруга, имаме нереален возен ред и малку патници и возови кои се кратат со изговор дека наводно се остварува заштеда, а солуцијата за која говорам мислам дека би била од корист за сите [}].

Originally posted by zookisk Originally posted by BOJAN Морам да го споделам мојот впечаток дека македонските возови по поскапувањето на билетите се празни. Пред неколку дена ми се случи возот од Битола кон Скопје да има од 30 до 70 патници долж целиот пат, иако се работи за патнички воз. Истото можам да го заклучам и за кичевскиот воз, во кој како ретко досега успеав да најдам место но и да патувам сам во купе. Во кој ден си патувал од Битола за Скопје и со кој воз?

Од Битола за Скопје патував ми се чини минатата среда со вечерниот воз од Битола за Скопје од 18:35 часот. Возот беше празен, иако е разбирливо во работни денови од Битола да нема патници. Впрочем, на 31 мај излегува биланс за првите три месеци на Државниот завод за статистика за превоз на патници и стока па ќе имаме појасна слика околу бројот на патници.

Туку ме интересира, гледам дека помеѓу останатите балкански држави има поприлични кратења на меѓународните возови за 2013 година, барем сеуште неофицијално се пишува, па заинтересиран сум што ќе биде со нашиот меѓународен возен ред за 2013 година?

Морам да го споделам мојот впечаток дека македонските возови по поскапувањето на билетите се празни. Пред неколку дена ми се случи возот од Битола кон Скопје да има од 30 до 70 патници долж целиот пат, иако се работи за патнички воз. Истото можам да го заклучам и за кичевскиот воз, во кој како ретко досега успеав да најдам место но и да патувам сам во купе.

Уште една убава вест која се надевам дека ќе го заживее железничкиот сообраќај во земјава, особено во Прилеп, град кој има висока култура во однос на употребата на возот како превозно средство. Сепак, ако добро се сеќавам, во возниот ред за 2011 година беа два пара возови на релација? Можеби се работи за тест-период со кој ќе се увиди дали е исплатлива линијата?

Дали е предвидено 712-107/108 да сообраќа помеѓу Прилеп и Битола или истата ќе вози на релација Скопје-Кичево?

Постојат 10-тина машиновозачи со место на живеење Битола...Истите тие со овој возен ред го возат патничкиот воз бр.644 од Битола до Чашка и одма го враќаат воз бр.645 од Чашка до Битола...Најверојатно тие ќе ги покриваат локалните возови Битола-Прилеп-Битола...

Гледам дека има најави за локален сообраќај на пругите Прилеп-Битола-Прилеп и Велес-Штип-Велес од директорот на МЖ-Транспорт, а многу е веројатно дека ќе видиме такво нешто во брзо време, па јас би дал неколку предлози:

1. Една дизел маневарка заедно со 1 или 2 вагони да се стационира во Битола како резерва на дизел моторната гарнитура. Ова го кажувам, за ако излезе од сообраќај(не би сакал) истата, да има возен парк кој би можел да се активира за да се одржува возот помеѓу Прилеп и Битола;
2. Најавените возови помеѓу Велес и Штип да се продолжат до Кочани, мислам дека ова би била идеална комбинација за оние што студираат и работат на оваа релација, друга работа е што железничката станица во Штип е многу далеку од градот, тоа би било демотивирачки фактор.
3. Возот да се прилагоди пред се` на барањата за превоз на патници од Велес, бидејќи мора да признаам дека висока култура за патување со воз од Штип и Кочани нема, а и во Штип како студентски град треба повеќе да пристигнуваат, отколку да поаѓаат патници.
4. ВИСТИНСКО ПРОМАШУВАЊЕ ќе биде ако не се усклади барем едно поаѓање на возовите дневно од Велес или од Кочани со возовите Скопје-Велес. Јас лично ваков предлог на возен ред би предложил:
Велес-Кочани 5:10(пoаѓање), 8:06 (пристигнување во Кочани), 10:20 (поаѓање), 12:04 (пристигнување во Кочани);
Кочани-Велес 8:20 (поаѓање), 10:10 (пристигнување во Велес), 17:05 (поаѓање), 19:05 (пристигнување во Велес), се разбира треба да се пресмета вкупното време заедно со намирувањето на гориво за гарнитурата, но и разминувањето со возот Скопје-Кочани-Скопје.

На овој начин би можело оние кои патуваат од Скопје со возот од 9:00 часот да преседнат во возот Велес-Кочани и обратно оние кои патуваат од Кочани ќе можат да преседнат во возот од Велес за Скопје од 19:15 часот.




Edited by BOJAN - 24-Mar-2012 at 18:35

Интересно би било да постои линија Кочани - Битола, но тоа веќе би била IC линија, а не IR. Сепак, добро би било линијата да биде Велес - Кочани, а Прилеп - Битола во иднина да се продолжи до инд. зона Жабени (за Лерин веројатно би биле потребни други услови)..

Мислам дека главниот проблем е нагибот кон Богомила, кој можеби троши многу повеќе гориво. Но, мислам дека „шпанциве“ немаат проблем со тој наклон? Сеапк останува фактот дека така долга линија би создавала проблеми и големи доцнења, барем со оглед на сегашните услови.

Но еве еден интересен момент: на станицата Велес би се одвивала промена на страната, па не знам што ова значи во поглед на гарнитурите?

Од утре ќе сообраќаат возовите кон Кичево и Битола

Со нормализирање на временските услови МЖ Транспорт АД – Скопје од утре ќе ги врати во редовен сообраќај првремено укинатите возови кон Битола и Кичево.

Како што соопшти компанијата „Пелагонија – експрес“, утре во 8:05 часот ќе тргне возот кон Кичево, а од Кичево кон Скопје ќе појде во 12:18 часот.

Што се однесува до Првото тргнување на „Пелагонија – експрес“ од Скопје кон Битола е утре во 17:10 часот. Од Битола кон Скопје возот ќе тргне наредниот ден односно во сабота во 5:30 часот.


Izvor: Kurir, http://kurir.mk/makedonija/vesti/61910-Od-utre-ke-soobrakaat-vozovite-kon-Kicevo-i-Bitola