Музејски комплекс „Македонска Борба“

Јас би ти препорачал да го чуваш како светост. Во музејот има и повеќе од доволно оружје, така што тебе повеќе ќе ти значи дома отколку што ќе придонесе во бројноста на поставката.

Имам еден артефакт од македонски војвода (командант), но не знам дали да го донирам или не? Предок ми е.

мала исправка,погорната информација е во дневник

МИНИСТЕРОТ ЗА КУЛТУРА НА ХРВАТСКА ОДУШЕВЕН ОД НОВИОТ МУЗЕЈ ВО СКОПЈЕ

Загреб ќе гради музеј по македонски терк




Импресиониран од концепцијата и поставката во Музејот на македонската борба за државност и самостојност, хрватскиот министер Јосип Месиќ побарал македонскиот тим да им го пренесе искуството бидејќи во Загреб подготвуваат сличен музеј

Хрватска побарала Македонија да ~ помогне во изградбата на новиот музеј во Загреб откако министерот за култура Јосип Месиќ минатата недела го посети Музејот на македонската борба за државност и самостојност во центарот на Скопје. Тој бил одушевен од концепцијата и поставката во новиот Музеј.

- Откако ги виде Музејот, побара да им го пренесеме нашето искуство бидејќи во Загреб подготвуваат сличен музеј. Работата е многу комплексна за изведување. Иако ние ќе ги збогатуваме збирката, содржината и концепцијата - изјави Бранислав Светозаревиќ, директор на Музејот на македонската борба.

Иако е претставен периодот од ајдутскиот отпор против османското владеење во Македонија до комунистичкиот режим (крај на 17 до средината на 20 век) поставката е сосема модерна и амбиентална.



Македонците донираа експонати

Во моментот во фондот на Музејот има околу 900 предмети. Засега има околу 100 слики во големи формати на кои се претставени битки, историски сцени и личности. Деновиве треба да пристигнат уште десетина дела. Има стотина восочни фигури, а сите претставени личности се во автентична облека. Некои делови се оригинали, некои автентични копии. Има повеќе стотици парчиња оружје, кое било употребувано од 16 до 20 век.

- Голем дел од оружјето е донација од граѓаните. Тоа покажува дека Македонците се многу свесни за својата историја и културно наследство - вели Светозаревиќ.

Експонатите ги собирале четири години. Им помогнале колеги од музеите на Македонија и на Град Скопје, од Охрид, Битола и од другите градови во земјава. Дел од оружјето од 20 век отстапило и Министерството за внатрешни работи.

- Не е за потценување ниту печатениот материјал. Има многу поштенски марки, карти, весници, документи од сите периоди. Тоа е огромен материјал од непроценлива вредност. Користевме с` што може Македонија да даде. Останатото го набавувавме од странство - вели Светозаревиќ.



Музеј-атракција

Внатрешното уредување на Музејот го правела фирмата „Неимар инженеринг“. Автори на концепцијата на поставката се историчарите и професори Никола Жежов, Виолета Ачковска, Даринка Петреска и Зоран Тодоровски. Во подготвувањето на поставката учествувале многу музеолози и историчари, меѓу кои Јасмина Намичева и Мирјана Нинчовска. Сценографот Валентин Светозарев е автор на амбиентална поставка.

Претседател на Управниот одбор на новата институцијата е професорот Михајло Миновски, а членуваат Мирјана Ничковска и Никола Жеов. Според Статутот, на следната седница на Управниот одбор ќе бидат назначени уште два члена од вработените. Засега институцијата функционира со 12-мина вработени од кои седуммина се водичи низ поставката. Според Светозаревиќ, бројот на вработени треба двојно да се зголеми.

На прашањето дали ќе биде скапо одржувањето на Музејот, со оглед на тоа што технички е многу опремен тој вели:

- Веројатно најскапа ќе биде струјата. Но интересот е голем. Ова е Музеј направен како атракција. Очекувам голема посета, а од тоа ќе ги намириме трошоците за одржување. Заливот на коските во Охрид има стотина илјади посетители во неколку месеци. Тоа не е за потценување. Сигурен сум дека овој Музеј ќе има таква посетеност - вели Светозареви
http://www.dnevnik.com.mk/?itemID=67A6A96B4989AF499E2252565E28951D&arc=1

posto nikoj od nas ne go poznaval i ne go videl vo zivo jane ne moze sega da kazuva deka bradata e promasena

ima na internet sliki od jane so mala brada, golema brada, bradice, bricen...

na sajtov imate poveke sliki od jane sandanski
http://documents-mk.blogspot.com/2009/01/blog-post_12.html

Па музеј не се прави за еднократна употреба.

Па незнам, комплексот е затворен, така да не видов друга соба. 

Но ако има потреба за посебни изложби мислам дека конференциската соба може лесно да се пренамени, која и не е мала. Го зафаќа скоро цело приземје на левото (гледано од Вардар) крило на музејот.

Me interesira, dali e mozno muzejot da se razgleda bez vodic? Potocno prvo da se napravi tura so vodicot a potoa samostojno i poleka.
Bi sakal da go posetam muzejot so dedo mi koj e istoricar i sakam od negov aspekt da ja slusnam istorijata.


Edited by kultuzin - 12-Sep-2011 at 18:07

Originally posted by Шпер Ех, забрането сликање, а веќе се појавија две слики од восочни фигури (Карев и Сандански) и две од сцените на платно (Дедо Иљо и битката на Мечкин Камен).... http://www.youtube.com/watch?v=YEhOEPl5AOs&feature=feedu

kade sa tea sliki ? na video li ?? koia minuta ?

Прашање до тие што биле во музејот:
Зарем толку е голем овој музејот да ги собере сите тие работи?
и
Дали има уште простор во музејот за ширење на збирката? (дали има некоја вишок соба).

Се разбира ако можат да се проценат или се знаат овие работи.
Благодарам.

РЕПОРТАЖА ОД МУЗЕЈОТ НА МАКЕДОНСКАТА БОРБА ЗА ДРЖАВНОСТ И САМОСТОЈНОСТ

Ченто и Колишевски соседи крај Вардар



Прошетката низ минатото започнува со влез низ масивна дрвена врата лево од главниот влез. Најпрво ве пречекува восочната фигура на Дедо Иљо Малешевски. Темно е и студено. Првиот впечаток дека ѕидовите се сосема црни и депресивни веднаш исчезнува. Зад темните површини има големи ѕидни фотографии што се делумно осветлени и ~ даваат длабочина на просторијата

Толпа луѓе трпеливо чекаат ред да влезат во новиот Музеј на македонската борба за државност и самостојност, крај брегот на реката Вардар во центарот на Скопје. Едни чекаат, полни со очекувања од новата музејска поставка за историјата на Македонија во изминатите неколку века. Други излегуваат со чудни изрази на лицата. Некои возбудени, други сталожени. Репортерската екипа на „Дневник“ нетрпеливо чекаше да види што ги предизвикува овие реакции.

Масивната кована врата полека се отвора. Среде огромното фоаје е витрината во која претседателот Ѓорге Иванов пред неколку дена ја положи Декларацијата за независност на Република Македонија. Девет црвени столба кружно подредени ја држат високата купола изработена со витражно стакло. Преовладува сина боја, која со црвени, бели и портокалови стакленца формира убава розета.

Добредојде ни посака Бранислав Светозаревиќ, директорот на новиот Музеј. Вели дека не е дозволено фотографирање, ниту снимање на поставката. Засега, ексклузивитетот да ја видат и доживеат поставката им припаѓа на граѓаните на Македонија и на сите заинтересирани посетители. Но „Дневник“ доби ексклузивна можност да им ја раскаже поставката на читателите.

Уште во фоајето на Музејот се забележуваат големите платна на кои е насликана историјата на Македонија. Сликите се во големи формати и изгледаат импресивно. На мермерниот под, пак, се гледа стилизирано сонце со зраци на бесконечност. Директорот Светозаревиќ ни го објаснува сето ова:

- Тоа е симбол на желбата и на непокорот на македонскиот народ!



Амбиентална поставка

Десно од главниот влез се наоѓа голема конференциска сала и една помала, намената за предавања за студенти. Целиот простор во фоајето е искористен да се постават што повеќе масовни сцени што прикажуваат делови од македонската историја. Секое дело е објаснето на легенди изгравирани на месингани плочки.

- Ќе ги менуваме оти многу тешко се читаат. Убави се, но треба да служат и на намената - појаснува Светозаревиќ.

Сепак, обиколката с` уште не започнала. Прошетката низ минатото започнува со влез низ масивна дрвена врата, лево од главниот влез. Таму ве пречекува восочната фигура на Дедо Иљо Малешевски. Темно е и студено. Првиот впечаток дека ѕидовите се сосема црни полека се менува. Зад темните површини има големи ѕидни фотографии што се делумно осветлени и ~ даваат длабочина на просторијата. Во витрините се изложени документи, оружје (боздогани, кубури, пушки кременки, бојни секири). Тука се и фигурите на Румена и Сирма Војвода, Толе Паша. Среде просторијата има и неколку дрвја и препарирано јагне како цица од својата мајка. На ѕидовите висат големи слики на кои е претставено тоа време.

Вакви амбиенти се претставени низ сите 13 одделенија на Музејот. Од ајдутството и вооружениот отпор против османлиското владеење во Македонија, преку реформите во Османлиското Царство, востанијата, политичката и културно-просветната дејност, с` до македонската револуционерна организација од 1893 до 1903 година. Следуваат Илинденското востание, Македонија за време на младотурскиот режим, Балканските војни, Првата и Втората светска војна и Народноослободителната борба. Посебен дел е одвоен за жртвите на комунистичкиот режим.



Модерна опрема за набљудување

Музејот има околу 6.000 квадратни метри, а поставката се простира на

2.000 квадрати. Музејот засега има 12 вработени, од кои седуммина се водичи. Сите се дипломирани историчари и одлично зборуваат англиски јазик. Секој од нив е задолжен за група од пет до десет посетители. Една тура низ поставката трае од 50 до 55 минути.

- Приказната на Музејот може многу да се надополнува и да се раскажува. Завршува во холот, од каде што почнува. Посетителите се симнуваат по скалите во Музејот и доаѓаат пред витрината на холот каде што централно е изложена декларацијата за независност. Тоа е крајната цел на сета оваа борба и на приказната во Музејот - објаснува првиот човек на целиот комплекс.

Поради специфичните експонати, температурата во Музејот мора да биде меѓу 17 и 20 Целзиусови степени. Таа не смее да надмине 25 степени, ниту да се спушти под 5 степени. Има посебен систем за регулирање на температурата, влажноста на воздухот и на проветрувањето. Има системи за набљудување, камери, системи за следење и други безбедносни заштити.

Стотици граѓани го посетиле музејот викендов. Пристигнале и првите странци - Холанѓани, Шкоти и Германци.

- Сите тие беа воодушевени. Најмалку очекувале дека на Балканот може да има ваков музеј кој во поглед на технолошкиот и концепциски пристап е во рамки на најголемите светски музеи - вели Светозаревиќ.

Потресни сцени, феноменални портрети и етничка застапеност



Во Музејот амбиентално се претставени и неколку потресни сцени. Една од нив е бесењето на војводата Александар Турунџев. На бесилката виси неговото тело, а околу него веќе се насобрале десетици гаврани. До бесилката е поставена голема камбана.

Препознатливи се и фигурите на преродбениците Крсте Петков Мисирков и на Григор Прличев, а во истата просторија е сместен и Наим Фрашери, кој во истиот период дејствува и има влијание врз Албанците во западниот дел на Македонија.

Во Музејот е претставена и восочната фигура на Ванчо Михајлов, во моментот додека дава наредби за убиство, а тука се извршителите Мара Бунева и Величко Георгиев-Керин (Владо Черноземски). Поставката завршува со младински работни акции од едната, и работни акции на Голи Оток од другата страна. Претставени се фигурите на Петар Пирузе-Мајски, Брашнаров и Венко Марковски, а спроти нив фигурата на Александар Ранковиќ како симболика дека некој ги надгледува.

- Прикажано е с`. И херојството и предавството. Ако не ја прикажеме и таа страна од нашата историја, треба да објасниме зошто Македонија не е до Индија. Сме имале многу порази и трагедии, тоа е дел од нашата историја и ние мора да се соочиме со тоа - дециден е директорот Светозаревиќ.

Весна И. ИЛИЕВСКА
http://www.dnevnik.com.mk/default.asp?ItemID=500FB7E8149C2B4F8EF6FA8B9A36C044