Скопско Кале

абе не сега, велам ако се осветли и долниот ѕид како горе, оној што е до улицата за кој збориме, дали можда тогаш ќе пречи на сообраќајот, со оглед на тоа дека осветлувањето е / и би било силно..

Од фоткиве супер изгледа осветлувањето. Цело време ќе биде жолто или можеби ќе има и филтри во други бои од време на време? 

Како и да е, се надевам само дека редовно ќе се одржува. Да не испадне ко улициве, 1/5 сијалици да работат.  

Илуминација на Скопското кале

Утревечер во 19:30 часот, во предвечерието на празникот „Ден на независноста на Р.Македонија“ ќе биде пуштена илуминацијата и целосната реставрација и конзервација на југозападниот бедем на „Скопското кале“.

Со специјалното осветлување, Скопската тврдина конечно ќе го добие вистинскиот лик, изјави Паско Кузман, директор на Управата за заштита на културното наследство.

„Осветлувајќи си го минатото, ние си ја осветлуваме иднината. Осветлувањето на „Скопската тврдина“ ќе го привлече вниманието на сите граѓани на Македонија, на бројните туристи, странските делегации кои доаѓаат во нашата земја, едноставно на секој добронамерник“, вели Паско Кузман, по повод илуминацијата на „Скопското кале“.

Илуминацијата е направена во една боја. Ќе бидат искористени современи светлосни уреди, кои даваат различни нијанси и динамики на светло. Појаки и помалку светли нијанси, кои асоцираат на мистичност, таинственост, која кореспондира со самата душа на тврдината, додава Кузман.

Поради потребата од силна енергија за ова осветлување, на самиот влез на локалитетот е изградена посебна трафостаница. Тоа е енергетски извор, кој не зависи од било која друга електрична мрежа, потенцираше Паско Кузман.

Археолошките ископувања на „Скопското кале“ почнаа во 2007 година, по што следеше конзервација и реставрација на најдените движни и недвижни артефакти, меѓу кои  и овој „Југозападен бедем“ од владеењето на Цар Самоил. Од Управата за заштита на културното наследство, информираат дека работните активности на „Скопското кале“ продолжуваат и натаму со реставрација и конзервација на „киклопскиот бедем“.

Идејното решение за осветлувањето на „Скопското кале“ е на авторот Златко Нонкуловски, а проектот го реализираше „Електра комерц“ од Скопје. Целиот проект, чини околу 7 милиони денари. /крај/и.и.