Деловен објект на местото на старата Народна банка

Собранието на акционери на “Македонски Телеком“ денеска ја усвои Одлуката за продажба на три административни згради на оваа компанија, како и за купување на нова административна зграда во Скопје.

Во соопштение до јавноста на “Македонски Телеком“ се вели дека трите административни згради му се продаваат на инвеститорот “Дивелоп Груп“ дооел Скопје за 17,2 милиони евра.

“Новата Административна зграда на Кеј 13 Ноември во Скопје се купува на принципот клуч на рака, за износ од 37,3 милиони евра, заедно со ’Т-Мобиле’ - Македонија, како Друштво во единствена сопственост на ’Македонски Телеком’, од истиот инвеститор ’Дивелоп Груп’ за возврат.  Македонски Телеком ќе ја плати разликата од 16,6 милиони евра без данокот на додадена вредност, (т.е. разликата помеѓу куповната цена на новата Административна зграда од 37,3 милиони евра и продажната цена на трите згради на ’Македонски Телеком’ и Дирекцијата на ’Т-Мобиле’- Македонија, од 20,7 милиони евра на шест еднакви годишни рати. Првата исплата треба да се изврши по стекнувањето на сосопственост врз новата Административна зграда. Исто така, Собранието одлучи дека влегувањето од страна на Друштвото во каква било обврзувачка договорна обврска, во врска со продажбата и купувањето на зградите и потпишувањето на какво било поврзано писмо за намери или какви било договори, ќе настапи само врз основа на и по задоволителното извршување на дополнителна длабинска анализа. На Одборот на директори на Друштвото му се дава ексклузивно овластување да го потврди таквото задоволително извршување“, соопштуваат од компанијата.http://www.netpress.com.mk/vest.asp?id=85236&kategorija=2