Образовни институции (општо)

Реновирањето на гимназија Јосип Броз Тито во Скопје...





Повеќе на http://www.skopje.gov.mk/ShowAnnouncements.aspx?ItemID=6990&mid=482&tabId=1

УШТЕ ЕДНА ПРИЈАТЕЛСKА ДОНАЦИЈА

KИНЕЗИТЕ ЌЕ ГО ГРАДАТ И ОУ „ВЕРА ЈОЦИЌ“ ВО НАСЕЛБАТА ХИПОДРОМ

По примерот на Основното училиште „Рајко Жинзифов“ во населбата Драчево, кое беше пуштено во употреба на почетокот на оваа учебна година, и населбата Хиподром ќе добие ново училиште со донација од Владата на Република Kина. Станува збор за основното училиште „Вера Јоциќ“, во кое учениците учат во стари и руинирани бараки. Во него две години веќе не функционира ниту фискултурната сала.

- Училиштето не е во соодветна состојба, каде што децата би можеле да имаат нормална настава. Салата повеќе години не функционира, а децата немаат соодветен час по физичко воспитување. Таа е потполно руинирана. Јас имам две деца што одат во тоа училиште и не сум ги чул да имаат физичко воспитување. Чест пати и на седниците на Советот на Општина Гази Баба е поставувано прашањето за потребата од изградба на ново училиште - вели Зоран Стојанов, член на Советот на Општината Гази Баба од ЛДП.

Директорката на основното училиште „Вера Јоциќ“, Лилјана Малковска-Kрстевска, информира за новата донација од Народна Република Kина. Таа е влезена во планот и програмата на кинеската влада. Почетокот на изградбата требало да се случи годинава, но се сменил амбасадорот на НР Kина во Македонија и работите се одолжиле.

Што се однесува до фискултурната сала, директорката истакна дека не функционира веќе две години со одлука на Училишниот одбор со образложение дека не е безбедна. Учениците вежбаат надвор, на двете игралишта. Понекогаш и внатре, во холот.

Градоначалникот на Општината Гази Баба, Тони Трајковски, потврди дека меѓу проектите влезени со потпишување меморандум, меѓу нашата и Владата на Народна Република Kина, е и изградбата на ова училиште. Тоа ќе биде на два ката, со капацитет за 500 ученици, кои би посетувале настава во две смени.

- Проектот го води Секторот за европски прашања. Од НР Kина беа стручни лица и направија увид во училиштето. Последен пат се сретнавме пред околу пет месеци со нивните инженери во мојот кабинет. Изготвен е проект, а испитано е и земјиштето - изјави Трајковски.

Освен тоа, градоначалникот истакна дека новото училиште ќе се гради во дворот на старото, така што ќе нема потреба од преселување на учениците додека се изведуваат градежните зафати. Во врска со фискултурната сала, тој истакна дека таа е во програмата на Министерството за образование, но с` уште нема одговор кога ќе се гради.

Од Министерството за образование одговорија дека треба да договорат прецизно некои работи со Општина Гази Баба, за потребните документи за одобрение за градба, па дури тогаш ќе можат да кажат кога точно ќе почне изградбата на салата. Таа ќе биде со површина од 650 квадратни метри и ќе биде во вредност од 23 милиони денари, појаснија од Министерството за образование. (А.П.)

http://dnevnik.mk/?ItemID=DFD7D38BF79C09438BF272CB677142F6

Се реновираат соби, тоалети и лифтови

Сивило, влага и пукнатини по ѕидовите се слика што сите сакаат да ја заборават и да остане само како несакано сеќавање од неажурноста на досегашните неодговорни лица, чија задача била грижа за домовите и за студентите.



Засилена акција за обнова на студентските домови

Студентските домови во главниот град по неколку децении конечно почнаа да се реновираат. Акцијата што се спроведува опфаќа обнова на инфраструктурата и санитарните јазли речиси во сите домови поради што трае бавно, а тоа, пак, предизвикува видна нетрпеливост кај студентите, кои едвај го поминуваат секој изминат ден во лошите услови со додатна бука и неред од градежните работи. Сивило, влага и пукнатини по ѕидовите се слика што сите сакаат да ја заборават и да остане само како несакано сеќавање од неажурноста на досегашните неодговорни лица, чија задача била грижа за домовите и за студентите. И покрај започнатата акција за реновирање на старите и доизградба на новите објекти, сепак студентите и понатаму се нетрпеливи и никако да ги скријат намуртените лица поради тоа што не ги добиваат потребните услови за кои редовно плаќаат.

Незадоволство кај студентите

Веќе три недели евидентни се градежните работи во студентскиот дом „Гоце Делчев“, каде што се забележува огромен куп градежен шут и стар инвентар веднаш до една од зградите. Се работеше и во домот „Стив Наумов“, од каде што, пак, студентите што престојуваат таму се жалат на задоцнетото греење во собите.
- Пред да заврши летото, заврши изградбата и на неколку нови бараки, но сепак тие не се доволни за сите што престојуваме таму, бидејќи оние што имаа повеќе среќа, успеаја да добијат нова соба, но многумина останавме во стариот објект, живеејќи по стари услови. Она што моментално претставуваше најголем проблем е доцнењето на грејната сезона, која требаше да започне на 15 октомври, а започна пред неколку дена - вели студент што престојува во студентскиот дом „Стив Наумов“ во Автокоманда.
Слична приказна делат и студентите од студентскиот дом „Гоце Делчев“, кои велат дека ниту состојбата на нивниот објект не е за пофалба, бидејќи спијат на искршени кревети и се бањаат во страшни тоалети, а честопати се принудени да ги кршат куќните правилници, во кои е потенцирана строга забрана за користење електрични греалки во собите.
- Студенилото во ноќите и раните утра веќе почна да биде неиздржливо, па освен тоа што моравме да седиме облечени во дебела зимска облека, бевме принудени да „шверцуваме“ и електрични греалки за да се стоплиме. Понекогаш си размислувам дека и војничкиот живот е многу подобар од студентскиот - вели станар од студентскиот дом „Гоце Делчев“.

Реконструкцијата ќе продолжи

Од Државниот студентски центар велат дека се свесни за проблемите и лошите услови со кои се соочуваат студентите, а исто така апелираат до нив да се смират страстите, бидејќи реконструкцијата на објектите е започната и планирано е да заврши до март следната година.
- Реконструкцијата на студентскиот дом „Гоце Делчев“ е започната уште пред неколку месеци и тековно се работи без никаков застој. Моментално се работи на блокот Б, каде што студентите ќе добијат реновирани соби, тоалети, ходници, топла вода, сигурни лифтови и нов покрив - вели Даниела Темелкова, директорка на Државниот студентски центар.
На изминатите прес-конференции што беа одржани токму за оваа тема од Министерството за образование ветија дека до крајот на 2016 година планирана е темелна реконструкција и на сите четири блока од студентскиот дом „Гоце Делчев“, а за целиот овој проект ќе бидат одвоени околу 70 милиони денари.
- Реконструкцијата тековно функционира, а студентите за брзо време ќе добијат одлични услови за престојување. Кога ќе заврши целосната реконструкција на блокот Б во студентскиот дом „Гоце Делчев“, планирана е поправка и на сите преостанати блокови и на мензата во студентскиот комплекс - вели Давор Политов, портпарол на Министерството за образование.

http://www.novamakedonija.com.mk/NewsDetal.asp?vest=11414113091&id=14&prilog=0&setIzdanie=23313

Можеби летно време да работи како еден вид хостел? Барем ќе се вади некој денар за тековно одржување.

Забеган токму тоа и го мислев, сепак незнам колку некој од нашиве власти би сакал да го зачува оргиналниот бруталистички изглед.

Џоле интересна идеја, но не сме доволно моќни да одржуваме ваков објект да стои само како споменик на архитектурата или на некое време.

Точно Ѓоко ,пред една-две години читав истражување на некој германски институт според кој 229цм бетон даваат иста топлинска изолација како 5 цм камена волна, 8 цм фасаден стиропор (односно 18килски) и некој други материјали за кој беа кажани некој цифри помеѓу 15 и 150цм. Мислам дека за истото истражување имаше пуштено слика тука на форумов ,ама незнам каде точно.

А јас вака размислувам - бидејќи очигледно многумина се жалат на лошата изолација на комплексот, зошто да не се пренамени тој за нешто друго. Нека изградат властите нов студентски комплекс за домување, со сите потребни изолации и други предуслови за нормално живеење на студентите, а овој комплекс нека го претворат во нешто друго. Најпосле, нека остане само како еден огромен бруталистички споменик, не мора никој да живее во него ниту да го користи за - да речеме - деловен простор или слично. Чисто како идеја го нафрлувам ова.

Забеган незнам дали си ги посетил собите во студентскиот дом ,но верувај ,да ги покриеш надворешните ѕидови со 10ка стиропор од внатре би значело дека си изгубил цел простор за поминување.Сметај дека тој стиропор се лепи и на него се нанесуваат дополнителни лепаци и мрежи кој вкупно ќе одзимаат по 11-12 цм простор.
Дополнително е што од внатре би ги изолирале само собите но не и столбовите, терасите,ходниците итн со што би се изгубиле топлински мостови па повторно би имало загуба на топлинска енергија.

mirakuliks не е проблем релјефот ,тоа може да го направат без проблем ,па они цел „барок-неокласицизам“ направија од стиропор и гипс ,па за збрчканоста.

Originally posted by daci92 Ако е поради тоа што бетонот е обележјето на бруталистичкиот стил тогаш те молам немој. Јас напротив се надевам дека ќе ја излепат со некој 10ка за да не мрзнат студентите внатре и да им требаат помалку пари за затоплување и разладување на просториите. Внатрешна изолација е невозможна мисија бидејќи и онака собите се премали. Ама со сумата која е предвидена за реновирање неможат ни да ја офарбаат фасадата а не пак изолација да стават и нова фасада.

па нема ваљда изолацијата да биде два метра дебела ако е во внатрешноста

Се надевам дека фасадата нема да ја излепат со стиропор