Помали спортски сали

По двомесечен прекин, продолжи изградбата на салата во ОУ „Н.Г. - Дуња“

Изградбата на спортската сала во дворот на основното училиште „Невена Георгиева - Дуња“ во Кисела Вода, конечно, продолжи откако два месеца тапкаше во место. Работниците се вратија на градилиштето кое го напуштија по инцидентот во кој група граѓани уништија дел од градежните машини. Поради прекинот со работата, дворот на училиштето личеше на необезбедено градилиште со раскопани темели, отворени дупки, купишта земја, метални прачки и друг градежен материјал. Сега, објектот е заграден со високи лимени огради, па децата кои се движат во училишниот двор не ги демне опасност од евентуални незгоди.

„Изградбата на салата имаше застој поради несогласувањата што ги имавме со граѓани од Кисела Вода, на кои, најверојатно, не им се допадна идејата да се гради нова спортска сала. Исто така, периодот беше надвор од градежна сезона, па решивме да направиме пауза за да се смири ситуацијата, но сега продолжуваме со поголем интензитет“, рече Ивица Георгиевски, директор на Агенцијата за млади и спорт.

Оттаму велат дека истовремено се работи на десет спортски сали, а бидејќи изградбата зависи од финансиите, поголемо внимание се посветува на оние кои се во поодмината фаза на изградба. Во наредните неколку месеци, готови ќе бидат најмалку 4 сали.

„Ќе се работи интензивно пролетва секој ден за да се заврши салата во училиштето ’Невена Георгиева - Дуња‘. До крајот на летото објектот ќе биде готов и децата на 1 септември ќе имаат нова спортска сала“, додаде Георгиевски. Спортската сала ќе има терен за кошарка и ракомет, подлога за гимнастика, борачки вештини, пинг-понг и сите други спортски активности што им се потребни на децата. (В.Д.)

http://utrinski.com.mk/?ItemID=88FDFDD6D1FA434E94E84A3D7C366900

Темава ја отворив за 35-те спортски сали што ги гради владата.
Еве овде една слика од салата "Независна Македонија" во Кисела Вода. Работата малце се укочи, имаше некои кочничари се бунеа, нејќеле сала, ама сега глеам се работи, ама споро иде. Камен темелникот беше на 8 септември лани, на празникот. Сепочна да се работи дури пред месец дена.



Ај кога ќе имам време и тој рендерот тамо во далечина ќе го сликнам, па ќе го постирам.