Трговски објекти (општо)

СЕ ПОСТАВИ КАМЕН-ТЕМЕЛНИК НА НОВИОТ САЛОН НА МОТОЦЕНТАР ВО ПРИЛЕП

Градоначалникот на Општина Прилеп Марјан Ристески денеска присуствуваше на пригодната свеченост на поставувањето на камен-темелникот на новиот   продажно-сервисен салон на реномираната фирма Мотоцентар.



Имено ова ќе биде шести по ред објект на Мотоцентар кој е еден од водечките увозници и дистрибутери на гуми во Македонија. Овој продажно-сервисен салон ќе се гради на површина од 700 квадратни метри а ќе биде опремен со најсовремени машини од програмата на италијанскиот производител „Juilijano“, за монтажа, демонтажа и балансирање на пневматици, продажен салон и кафетерија за клиенти.

Воедно во новиот продажно сервисен центар ќе се нудат и сите вулканизерски услуги за автомобилските возила.

Предвидено е оваа инвестиција да чини 700 000 евра, а воедно и да реализира нови дваесетина вработувања.

http://10bez10.com/vesti/opshtina/2002-se-postavi-kamen-temelnik-na-noviot-salon-na-motocentar-vo-prilep

Нова инвестиција со сто вработувања во Гостивар

Мултинационалната компанија „Монтенегро“ од Гостивар вработи над 100 работници во два супермаркета во кои се вложени 2 милиони евра



Одамна во Гостивар не се памети наеднаш да бидат отворени и да се вработат над 100 работници. Овие работни места ги отвори мултинационалната компанија „Монтенегро“ од Гостивар. Пред два месеца беше отворен супермаркет на површина од 430 квадратни метри, а денеска ќе биде пуштен во употреба „Мегамаркетот Монтенегро“ на површина од 1.300 квадратни метри. Во двата маркета се вработени млади лица со завршено средно образование, како и со високо и вишо образование. За реализација на овие два зафата беа вложени над 2 милиони евра.

Гостиварци го поздравија потегот на „Монтенегро“ да инвестираат и да отвораат работни места. Според нив, овој пример треба да им послужи на другите гостиварски бизнисмени да вложуваат во своето родно место.

„Монтенегро“ е македонска семејна компанија, формирана во далечната 1963 година во Никшиќ, Црна Гора, од долнојеловчанецот Војин Пејчиноски-Војне. Желбата на основачот била името на фирмата да го носи на државата каде што го спечалил капиталот и го почнал бизнисот. Војне ја имал судбината на многу негови другари и врсници, како момче да замине на печалба во Црна Гора, кај своите најблиски каде што почнал да го учи занаетот за производството на тестенини.

„’Монтенегро‘ до 1988 година успешно опстојува на црногорскиот пазар, кога основачот, татко ми Војне, одлучува да се врати дома и во родниот крај за да го продолжи и прошири бизнисот заедно со мене и со брат ми Љубе. Во мај 1988 година го отворивме првиот приватен маркет“, вели Јован Пејчиновски. Со вклучувањето на младата генерација на семејството Пејчиноски, на браќата Јован и Љубе, фирмата обезбедува напредок во работењето, а за кратко време семејниот бизнис го прошируваат и со трговија со мебел. Отворени се два ексклузивни салони за мебел „Монтенегро“ во Гостивар и во Скопје, и е ексклузивен застапник на повеќе од 15 реномирани италијански производители на мебел. Оваа фирма секоја година го проширува бизнисот. Така, во 1998 година беа отворени дистрибутивни центри во прехранбената индустрија. Сопствениците браќата Јован и Љубе Пејчиноски, со голема посветеност на работата, постојано настојуваат да ги реализираат плановите за развој и усовршување на компанијата. Тоа резултира со проширување на бизнисот и надвор од границите на Македонија. Во 2007 година ја купуваат српската млекарница „Маестро“, со што „Монтенегро“ станува мултинационална компанија.

http://www.utrinski.mk/?ItemID=2C71BDAF154E624789122DA9B0ABFB1B

каде се наоѓа?

ПОЛОВИНА ОД ТРГОВСКИТЕ ПРОПАЃААТ, А НОВИ УШТЕ СЕ ГРАДАТ

За имиџ е доволно само да те видат во брендиранн мол

Огромната понуда на малопродажен простор во последниве години, од кој неизнајмени се 13%, ги спушти кириите за дуќаните од 10 до 15 проценти и ги насочи купувачите кон моловите со продавници на познати трговски марки

Сити галери и Зебра се единствените трговски центри во Скопје во кои нема ниту едно неиздадено квадратче. На списокот на пополнети трговски можат да се додадат и Рамсторр и Сити мол со 1%, односно 2% неизнајмен простор. Наспроти ова, за четвртина од деловниот простор во стариот Градски трговски центар (ГТЦ) и во Беверли Хилс, како и за 35% од Буњаковец и за 30% од СП планетт нема кираџии. Празна е и секоја десетта продавница на најатрактивната скопска улица Македонијаа и на истоимениот плоштад и секоја петта во јадрото на главниот град, кај Рекорд. Наспроти овие факти од анализата на консултантската фирма за недвижнини Фортон Македонија, деловен, а пред се продажен простор се уште се гради. Додека со мали исклучоци во внатрешноста на државата на тој план владее мртвило, Скопје полека се претвора во град на трговски центри.

Откако пред десетина години го добивме Рамсторр и лани со отворањето на Сити молл драстично се зголеми квадратурата на малопродажен простор, Капитол молл во населбата Јане Сандански, кој треба да се отвори наредниот месец, засега е последен во низата новоизградени трговски и деловни згради. Некои од моловите што ги имавме и што ги добивме во последнава деценија останаа делумно празни, некои пак имаат кираџии на листа на чекање. Постарите, во пооддалечните делови на градот, како трговскиот во Карпош 4, во населбата Лисиче, Олимпикоо и други. веќе ги заборавивме и слободно може да се третираат како пропаднати инвестиции.
Додека становите се уште горе-долу без поголем резон држат цена, турбуленциите кај деловниот простор предизвикаа пад на кириите. Според Фортонн и според агентите за недвижнини тој изнесува 10%, па и 15%. Анализата на Фортонн покажува дека во првата половина од годинава површината под деловен простор е зголемена за 2% и изнесува 290.000 квадратни метри, од кои непополенти се 13%. Консултантската куќа проценува дека поради зголемената понуда, кириите ќе продолжат да паѓаат.

Според агентите за недвижнини, ова не важи за сопствениците на дуќани на улицата Македонијаа, каде и Фортонн регистрира многу непополнет простор. Сашо Поп Илиоски од агенцијата за недвижнини Хепинес вели дека тие не ја поместуваат цената иако дуќаните им стојат празни и по пет-шест месеци. За кираџиите, пак, месечниот издаток од 2,5 илјади евра за 35 квадрати, на пример, е преголем за да се работи со профит.

Податоците од извештајот на Фортон упатуваат на констатација дека најдобро работат трговските центри изградени од странски инвеститори. Според агентите клучот на нивниот успех треба да се бара во брендираните продавници.
- Луѓето сакаат да купуваат во продавници кои се во тренд и во кои пазарат познатите личности. Некои сакаат и да бидат видени во трговските центри со такви продавници. Понекогаш одат да купуваат во Сити молл, иако истите парчиња облека многу поевтино можат да ги купат, на пример, во Бисерр - вели Поп Илиоски. Причината за тоа што најстариот македонски трговски центар, ГТЦ, е непополнет не ја гледа во кириите, туку во високата цена за одржување.
Тој објаснува дека секој трговец сака да оствари профит, па некои за поголеми кирии се селат во попосетените трговски центри иако таму закупнините се повисоки.
- Тоа пак автоматски генерира билдање на цените на производите и за 20 до 30 проценти, зашто откако ќе се платат киријата и другите режиски трошоци, треба да се оствари профит. Ако трошоците се високи, а прометот мал, тогаш мора да се намали маржата - објаснува тој.
Фортонн, пак, бележи дека во последно време неколку закупци од центарот на Скопје се прошириле во Сити мол, а како пример ги наведува Килиопе, Теранова, додека Спорт вижнн се проширил во ГТЦ.

Поп Илиоски оценува дека имаме повеќе трговски центри отколку купувачи, но додава дека во некои купуваат и граѓани од целата држава, како и од странство. За старите, замрени, вели дека нема перспектива. Трговскиот во Карпош 4, на пример, е сосема празен и најверојатно таков и ќе остане, бидејќи е само на педесетина метри од атрактивниот Скопје сити мол.
- Луѓето паркираат пред овој трговски без да погледнат дали во него има нешто и одат да пазарат во Сити мол. За тие дуќани немаме заинтересирани изнајмувачи - вели тој.
Наспроти ова, добра иднина му се припишува на новиот Капитол мол, кој понудата на локали во Скопје треба да ја зголеми за 20%. Освен маркетот на Рамстор, најавено е дека во него ќе се отворат продавници на брндови кои веќе се прифатени од нашите граѓани. Иако е лоциран веднаш спроти трговскиот Бисер, во кој 10% од просторот не е изнајмен, во Капитол безецирале дуќани Колечонее и синџирот за чевли Инции, Афтершок, Котон и Бургер кинг, ДМ. Најава за закуп на 1.000 квадрати во овој трговски центар има и од турската компанија за забава за деца Плејленд. 


Најмногу супермаркети
Трендовите покажуваат дека експанзијата е главно водена од супермаркети, модни продавници, спортски обложувалници, казина (слот-машини), локални продавници за долна облека и книжарници - се наведува во најновиот извештај на Фортон.
Пазарен лидер во моментов е Рамстор,кој до крајот на годинава треба да има осум нови маркети, од кои неколку се веќе отворени. Меѓу синџирите кои се шират на пазарот се и американските Доминос пица и Бургер кинг, како и германските дрогерии ДМ.

Непополнет простор според “Фортон”
ГТЦ	25%
Рамстор	1%
Веро	15%
Скопје Сити Мол	2%
Соравиа	35%
Сити галери	0%
Лумикс	25%
Беверли Хилс	25%
Бисер	10%
Буњаковец	35%
СП планет	30%
Бриколаж	0%
Биг бокс	40%
Зебра	0%
Улица „Македонија“	10%
Рекорд	20%
Плоштад	10%

Светлана ВУКЧЕВИЌ

http://vecer.com.mk/default.asp?ItemID=B75045C120310344AC994425C3EE4FAA

Уште еден Рамстор во градов, овојпат во Лисиче

Да ова е кај Беверли од стран на католичка, може има 3 месеци како е поставено и е многу интересно особено навечер.

малу офтопик-пред 6-7 години во Југоекспорт многу ми се допадна една комода,ни имаше мана-1300 евра кошташе,ама морав да ја имам,па најмив другари кои работат со кујни и иверици и ја направивме за 300-400 евра

Originally posted by daci92 Трговскиот Центар (деловниот објект) на Адора во Станбена Населба Лисиче , сликано од кола па затоа и не го фаќа целиот објект, во моментот кога сликав се правеше внатрешната кошулица (припрема за под)

Дозволи ми да се надоврзам на твојот муабет...

Трговскиот Центар (деловниот објект) на Адора во Станбена Населба Лисиче , сликано од кола па затоа и не го фаќа целиот објект, во моментот кога сликав се правеше внатрешната кошулица (припрема за под)

На кое место е рамстор во К.Вода ?