Авиокомпании и линии

Авиокомпания GullivAir не планира спиране на редовната линия София - Скопие
https://bta.bg/bg/news/bulgaria/260170-aviokompaniya-gullivair-ne-planira-spirane-na-redovnata-liniya-sofiya-skopie

ПРЕСТАНА ПРОДАЖБАТА НА КАРТИ ЗА ЛЕТОТ СОФИЈА-СКОПЈЕ, НАЈАВУВАН ОД ПЕТКОВ КАКО ПРВА МЕРКА ЗА ГРАДЕЊЕ ДОВЕРБА

Бугарската авиокомпанија „Гуливер“ престана да продава карти за летот Софија-Скопје од 21 мај, објави специјализираниот авионски портал „Екс Ју Авијација“.

САКАМДАКАЖАМ.МК провери на сајтот на „Гуливер“ за онлајн продажба на карти каде покажува дека летовите од 21 мај натаму се распродадени, што е чудно, бидејќи денешниот лет беше со седуммина патници, а претходно, според наши извори од Скопскиот аеродром се случувало да има и летови со двајца-тројца патници, помалку од екипажот во авионот.

Засега е нејасно дали се укинува летот, бидејќи нема објаснување од бугарската авиокомпанија, која престана да продава карти и за Тирана. Скопје и Тирана беа единствените странски дестинации на „Гуливер“. „Гуливер“ го одржуваше летот Софија-Скопје со турбопропелерски авион АТР 72-600, кој е со капацитет од 65 седишта. Летовите беа во понеделник и сабота, во 5 часот наутро.

Авиолинијата Скопје-Софија беше најавувана како голем проект од бугарскиот премиер Кирил Петков, како прва од мерките за градење доверба меѓу двете земји. Во јануари, тој кажа дека авиолинијата ќе биде компромис од бугарската страна во преговорите со Македонија, бидејќи тие ќе ја финансираат.

„Бугарија може да биде иницијатор за стартување на линијата Софија-Скопје. Компромисот е кој ќе ја организира, тој и да ја финансира таа линија“, кажа тогаш Петков.

Авиолинијата почна да функционира пред месец дена со редовни летови, а во февруари го имаше првиот лет, со министрите за транспорт и врски на двете земји Благој Бочварски и Николај Сабев и со бугарски туроператори.

Ова е четврти обид да се воспостави редовна авиолинија меѓу главните градови на Македонија и Бугарија, а претходните три беа неуспешни поради мал број на патници.

Првите летови меѓу Скопје и Софија почнаа есента 1992 година, кога авиокомпанијата „Хемус Ер“ леташе со Лет Л-140, кој собира 18 патници. Подоцна се леташе со поголемите авиони Јаковлев Јак-40 и Тупољев Ту-140, бидејќи ја користеа патници од Косово за врзаната линија Софија-Осло. Но, по неколку години интересот се намали и летовите запреа.

По влезот на Бугарија во ЕУ, во декември 2007 година беше обновена линијата Софија-Скопје. Овојпат леташе „Бугарија Ер“, трипати неделно со АТР-42, со капацитет од 40 патници, по цена од 49 евра. Но, и овие летови не успеаја да привлечат доволно патници и повторно беа укинати.

Претпоследниот обид да се востанови линијата беше во 2010 година и тоа траеше кратко.

https://sdk.mk/index.php/naslovna/prestana-prodazhbata-na-karti-za-letot-sofija-skopje-najavuvan-od-petkov-kako-prva-merka-za-gradene-doverba/

30 секунди на Гугл ќе ти го одговорија прашањето, но штом си веќе тука:

https://gullivair.com

Во иднина, за да ти е полесен животот:

https://www.skyscanner.net

Originally posted by Viktor Atanasovski Лека полека се започнува со фаза на најава на нови летови од Скопје и Охрид. Во есенскиот период Македонската европска дијаспора ги наведуваше следниве летови, кои навистина се докажаа дека во најблиска иднина ќе бидат воведени. За ова говори и влијателниот авијациски портал EXYUAVIATION. Во пакет на нови летови на Wizzair, кој би бил објавен најдоцна до месец јуни, неофицијално се планираат 6 нови летови, од кои 4 нови рути од Скопје и 2 нови рути од Охрид. 1) Скопје-Љубљана или Марибор, 2) Скопје-Прага, 3) Скопје-Сплит и 4) враќање на Скопје-Барселона или воведување на нова рута Скопје-Мадрид 1)Охрид-Трст и 2) Охрид-Ајндховен или Охрид-Ротердам-Хаг аеродром. https://www.exyuaviation.com/2022/04/wizz-air-eyes-wide-ranging-ex-yu.html?fbclid=IwAR02iiGDgNgnmPiOKOWLH91tw0d00ph-SLXIeY6jtA3gZR3oNbZ2nldLIg0

Не ми е јасно зошто Охрид - Лутон и Скопје - Малта упорно ги претставија сите медиуми како НОВИ линии, а сигурно 3 до 5 години наназад иако со прекини, сепак функционирале.По ваква логика секоја сезонска линија секое лето како нова би де најавувала.Медиумиве наши

Originally posted by Obedineta Makedonija Ај уште еднаш честитки после 2 год. Israir - од 20.05.2022 два пати неделно(понеделник и петок) Тел-Авив - Скопје со боинг 737-800 https://www.exyuaviation.com/2021/11/israir-to-launch-new-ex-yu-routes.html#comments

Сепак изгледа ништо, линијата ја нема за резервација ниту во систем на авиокомпанијата, ниту ја има во редот на летање за сезона лето 2022 одбјавено на Агенција за цивилна воздухопловидба денес, ниту ја има за резервирање во било кој систем за пребарување и резервирање.... изгледа сме избрзале со радувањето

Originally posted by Џоле „Визер“ повторно отвора седум линии од Скопје и Охрид, најави и две нови – за Лондон и Малта Авиокомпанијата „Визер“ најави дека постепено повторно ќе отвори седум линии кои беа затворени за време на пандемијата и дека воведува две нови од Скопје и Охрид, почнувајќи од март и мај. Од Скопје повторно ќе може да се лета до Билунд (Данска), Бремен, Рим-Чампино, Турку (Финска) и Векше (Шведска) и од Охрид до Фридрихсхафен и Меминген во Германија. Дополнително, „Визер“ ќе почне со работа на две нови линии: Охрид – Лондон-Лутон и Скопје – Малта. Овие рути се надополнуваат на постојните од аеродромите во Северна Македонија до популарните дестинации, велат од „Визер“. https://www.slobodenpecat.mk/vizer-povtorno-otvora-sedum-linii-od-skopje-i-ohrid-najavi-i-dve-novi-za-london-i-malta/

Жити се селектирај што објавуваш.....

Edited by Obedineta Makedonija - 23-Mar-2022 at 10:09

Со летниот ред на летање, се враќаат авиолиниите од пред ковид пандемијата

Со летниот распоред на летање, што стартува на 28-ми месецов, покрај новата авиолинија Скопје-Софија, на аеродромите во државава се враќаат неколку рути што функционираа пред ковид пандемијата. Се очекува и враќање на полски ЛОТ со линијата за Варшава. Истовремено со стапувањето во сила на летниот ред на летање, на Скопскиот аеродром почнуваат и градежни активности за обнова на пистата.

-Моментално, летниот распоред на летање од Меѓународниот Аеродром Скопје има 35 дестинации. Сите дестинации што ги имавме лани ќе продолжат, освен Москва, Санкт-Петербург и Киев. Иако како авиолинии беа пуштени првпат во ковид-кризата, во 2020 и 2021 година, во моментов овие три линии не се оперативни. Во овој летен распоред на летање се враќаат и неколку рути кои ги имавме пред ковид-пандемијата, но во текот на зимската сезона се’ уште не беа вратени. Друга авиолинија за која се надеваме дека ќе се врати, по завршувањето на рехабилитацијата на пистата, е Варшава, со полската авиокомпанија ЛОТ, која исто како и авиолинијата до Истанбул, се користеше од нашите патници како конекција за патувања до САД, вели во интервју за МИА Метин Батак, извршен директор на ТАВ Аеродроми.

Веруваме, како што дополнува, дека авиолинијата Скопје-Софија, која е новина во летниот ред на летање, ќе им даде уште поголем поттик на туризмот и економијата во земјава.

-Секоја авиокомпанија пред воведувањето на некоја линија прави детални анализи и проценки за нејзината одржливост, трошоците и приходите, така што верувам дека и во овој случај тоа не е исклучок, оценува Батак, прашан за одржливоста на новата авиолинија.

Тој истакнува дека последиците од Ковид-19 кризата сѐ уште се чувствуваат глобално и оти се потребни уште најмалку две до три години за закрепнување на авиосообраќајот на светско ниво.

-Изминатите две години беа и се навистина предизвикувачки за авиосекторот. Почна со ковид-кризата, продолжува со глобалните политички и економски случувања. Сето ова влијае врз сите бизнис-сектори, вклучувајќи го и авиосообраќајот, така што брзите прилагодувања на секоја новонастаната ситуација се неопходни и се покажаа како клучни во целиот овој период. Постојат бројни предизвици со кои ТАВ Мaкедoнија успешно се носи, секогаш организирајќи ги процесите и условите за работа според највисоките глобални авијациски стандарди, за што доказ се и меѓународните признанија што ги добиваме, наведува Батак.

Во првите два месеца од годинава на Меѓународниот Аеродром Скопје и Аеродромот Св. Апостол Павле Охрид се регистрирани 215 227 патници, што е пад од 29 проценти на вкупниот број патници споредено со бројките за јануари и февруари во 2019, како референтна година. Во однос на 2021 година, бројот на патници во првите два месеци оваа година е зголемен за 107 проценти. Бројот на летови пак, на двата аеродрома во првите два месеци годинава е 1.900, што е 46 проценти повеќе во однос на истиот период лани, но е за 26 проценти помалку во однос на 2019 година.

https://www.slobodenpecat.mk/so-letniot-red-na-letanje-se-vrakjaat-avioliniite-od-pred-kovid-pandemijata/