Менаџери на „Џонсон Контролс“ идната недела во Македонија

вторник, 09 август 2011, 17:01

Зоните ќе се полнат со автомобилски компании!

Маја Бајалска-Георгиевска

“На 15 проекти работиме активно. Најмногу заинтересирани компании има од автомобилската индустрија. Во моментов разговорите технички се завршени и начелни одлуки се донесени од неколку компании, но нивното објавување зависи од компаниите. Станува збор за компании од автомобилска индустрија, фармацевтскиот сектор, ИТ-индустријата и компанија од агросекторот. Во наредниот период очекуваме да потпишеме договори и со компании од Индија, Русија, Малта и САД и потоа тие да почнат со активности. До крајот на месецов американска компанија од автомобилската индустрија ќе дојде во посета на Македонија и се очекува потврда на инвестицијата“

“Тоа што е заедничко за сите компании кои сакаат да инвестираат во Македонија, а кои планираат многу вработувања е тоа што бараат локации надвор од Скопје, бидејќи цената на трудот во внатрешноста е пониска. Но, тоа е добро за регионалниот развој на земјата.“

“Во делот на подготовките за промоција на извозот, ќе се направи и анализа на кој профил на компании ќе им се даваат услуги од областа на промоција на извозот. Тука, всушност, треба да се искристализира одлуката дали Инвест Македонија ќе работи само традиционaлна извозна промоција, што вклучува помош со контакти и маркетинг, или ќе стане развојна агенција која ќе помага во градење и зајакнување на извозниот капацитет на компаниите.“

---------------------------------------------------------------------------------------------------------------------------

Вложувањето на американската компанија Кемет електроникс е најновата инвестиција во Бунарџик. Колку време преговаравте со оваа компанија, кои беа нејзините основни барања за да одлучи да инвестира во Македонија и што може да се очекува како позитивна последица од оваа гринфилд-инвестиција?

Мизо: Генералниот директор на Кемет, прво ја видел нашата реклама на телевизискиот канал *CNN некаде во Европа. Откако разговарал со неговите менаџери кои не знаеле за Македонија, почнале да разгледуваат и да се распрашуваат за земјата. Првиот контакт беше направен на 12 јули минатата година на една конференција во Милано. Три недели подоцна тие ја посетија Македонија на највиско ниво. Во целата таа комуникација тие кажаа дека сакаат да имаат нова фабрика во Европа за консолидирање на производството, затоа што голем дел од растот на Кемет во последните неколку години се засновал на аквизиции, но тоа создало ситуација во која нивното производство е дисперзирано на многу места. Бидејќи тоа ја намалува ефикасноста, тие сакаат да направат консолидација на европскиот пазар во земја каде што трошокот е помал. По направената детална анализа на локации во Источна Европа, во најтесен избор за оваа инвестиција, покрај Македонија, им беа и Бугарија и Романија. Иако веќе имаат производен капацитет во Бугарија, тие одлучија да дојдат во Македонија. При изборот важни им беа повеќе фактори: каква работна сила имаме, колку таа чини, која локација ќе им се понуди и дали постојат бенефиции, дали економијата има историја на вакво производство (а во Македонија пред 20 години се произведувале кондензатори) и друго. Но, најважно им беше која е спремноста и капацитетот на факултетите и како тие можат да им помогнат во процесот на едукација и селекција на кадарот. На страна од тоа што ние кажуваме за нас, многу е важно што компаниите од ваков ранг, кои соработуваат меѓу себе, ќе кажат за Македонија. На пример, Џонсон контролс купува кондензатори директно од Кемет. Џонсон Мети не е директен корисник на нивните производи, но тие им го пренесоа позитивното искуство од работењето во Македонија. Логистиката и транспортот на Кемет не им беше проблем, затоа што на 100 километри од Скопје, во Ќустендил имаат фабрика. Исто така, близината на фабриката во Бугарија значи дека дел од тој меѓународен менаџмент лесно може да се префрли тука. Со тек на време, освен почетната инвестиција од 12 милиони евра и 200 вработувања, планирано е во Македонија да вложат повеќе од 25 милиони евра и да вработат повеќе од 500 луѓе. Конечната одлука за инвестирање во Македонија беше донесена на крајот од јануари годинава, а оттогаш досега се правеа сите подготовки за почеток со инвестицијата.

Турската компанија „Шишеџам“ не се откажува од планираната инвестиција во Македонија, соопштуваат од Агенцијата за странски инвестиции.

Бугарските медиуми денес објавија дека овој турски производител на стакло решил да инвестира 41,9 милиони евра во своите фабрики во Бугарија.

Некои наши медиуми објавија дека ваквите инвестиции во Бугарија, значат откажување од планираните инвестиции во Македонија.

За директорот на Агенцијата за странски инвестиции Виктор Мизо, ваквите тврдења се чудни и неосновани.

- „Шишеџам“  во  Бугарија е присутна веќе подолг период и со инвестираните над 400 милиони евра е еден од нејзините најголемите гринфилд инвеститори, всушност станува збор за зголемување на нивното производство во оваа земја. Оваа инвестиција во Бугарија не е поврзана со фабриката која треба да се гради во Македонија, а различни се и производите кои би треабало да се произведуваат во нив, ни изјави Виктор Мизо.

Мизо не можеше да каже дали и кога ќе започне да се гради фабриката на „Шишеџам“, бидејќи како што рече конечното решение ќе го донесат луѓето во компанијата, но во никој случај не може да стане збор дека од компанијата се откажуваат од планираната инвестицијата во Македонија.

- Компанијата „Шишеџам“ никогаш не се откажа од Меморандумот за соработка кој го има потпишано со Владата.  Ние речиси секоја недела имаме средба со претставници од компанијата кои доаѓаат во Македонија,  доколку би сакале да се откажат тогаш зошто би доаѓале толку често и би ја анализирале состојбата, нагласи Мизо.

Тој нагласи дека од компанијата ги прават последните анализи кои се потребни со оглед на сложениот процес на производство.

- Станува збор за инвестиција од 50 до 60 милиони евра, а производствениот процес е таков што ако еднаш се заплат печките тие нема да можат 15 години да се угасат. Па така ако на почетокот се погреши тогаш овие пари за турскиот инвеститор ќе бидат пропаднати. Поради тоа потребни им се подетални анализи пред да започнат со работа.

Инаку „Шишеџам“ е еден од најголемите производители на стакло и производи од стакло во светот. Таа е една од многуте реномирани компании кои сериозно планираат да инвестираат во Македонија.

Нивната почетна инвестиција во нашата земја би требало да изнесува 50 милиони евра, а фабриката би била наменета за производство на амбалажа.  Но според некои најави од компанијата сериозно  ја разгледуваат можноста да ја прошири првобитната намера за инвестиција во Македонија од 50 милиони евра на 150 милиони, со изградба на дополнителни две фабрики за производство на рамно и на автомобилско стакло.

Почна реконструкција на халата на Витек во Бунарџик