Пуцко Петрол(поранешен G Mall Skopje)

Стотина поранешни вработени во „Алумина“ вчера протестираа пред Владата барајќи ги парите за кои сметаат дека им следуваат по продажбата на фабриката, што се изврши пред повеќе од една година кога ја купи израелска компанија.
- Во контактите со Владата добивме одговор дека на оние со 25 години стаж не им следуваат по 5.000 денари до пензионирање бидејќи „Алумина“ била акционерско друштво, а не државна компанија. Од буџетот, пак, надомест добивале само стечајците од поранешните државни фирми. Ние плаќавме за акции во „Алумина“ и точно е дека со тоа и работниците се нејзини сопственици, но каде се тогаш парите од продажбата на фабриката, зошто кога таа не е државна туку наша, никој не ни даде пари од продажбата – вели револтирано стечаец од „Алумина“.
„Алуминци“ тврдат дека имаат тапија и за земјиштето што било под фабриката и целата документација за сопственоста и продажбата ја предале во кабинетот на вицепремиерот Владимир Пешевски, од каде што им било ветено дека таа ќе биде разгледана, а одговорот ќе им биде даден околу десетти мај.

Некогашните работници на „Алумина“ на протест пред фабриката