Пешачки зони и помали плоштади (општо)

Пред ГТЦ ќе никне поплочен мини плоштад со дрворед и клупи за седење

Во текот на викендот започнаа активностите за изградба на мини плоштад пред Градскиот трговски центар, во делот каде што е спомен-плочата каде што била куќата на Мајка Тереза кон Порта „Македонија“.

Скопскиот градоначалник Петре Шилегов на денешната прес-конференција обелодени дека овој простор кој претходно бил запуштен, целосно ќе се осовремени со тоа што ќе се поплочи, а ќе биде засаден и дрворед со околу 22 дрвја костен за да се надомести изгубеното зеленило.

– Новиот модерен плочник ќе биде со површина од 5.000 квадратни метри. Ние продолжуваме чекор по чекор да го менуваме изгледот на јавните површини. Сериозно инвестираме во нив, со нови стандарди. Ќе биде изведена патека за лицата со инвалидитет, а ќе биде поставена и соодветна урбана опрема со оптимален број клупи, корпи за отпадоци, осветлување и заштитни столбови. Плочникот заедно со зелениот покрив на ГТЦ ќе претставуваат една целина – изјави Шилегов на денешната прес-конференција.

Тој истакна дека овој модерен плочник ќе чини 33 милиони денари со вклучен ДДВ.

– Колку за споредба, големиот плоштад „Македонија“ е поплочен со плочки кои блескаат од сонцето, а тоа пречи, а есента и зимата при првиот дожд или снег тие се лизгаат. Додека новиот модерен помал плоштад ќе биде поинаков. Очекувам реализацијата на овој проект да наиде на позитивни коментари – нагласи Шилегов и додаде дека се очекува до 13 Ноември, Денот на ослободувањето на Скопје, 80 проценти од реализацијата на овој проект да биде готова и да биде пуштен во употреба.

Градоначалникот Шилегов направи споредба дека плочникот што тој ќе го прави ќе чини 104 евра по квадратен метар, додека плоштадот „Македонија“ чинел 195 евра по квадратен метар.

(А.П.)    

https://www.vecer.press/пред-гтц-ќе-никне-поплочен-мини-плошта/

Конечно ќе се среди и ова место. На ништо не личеше.

На видеото Шилегов зборува за затварање на улицата од Палома Бјанка до Собранието...

https://www.youtube.com/watch?v=os0uU4CtQXo

Originally posted by stef4o Спорната зграда во паркот во Ѓорче Петров почна да се гради И покрај бројните реакции и противења на жителите на Ѓорче Петров во централниот парк на населбата да се гради станбена зграда, сепак со согласност на локалната власт, инвеститорот веќе ги почна градежните работи, пишува порталот „Нетпрес“. Градоначалникот Александар Наумоски, дури еден период демантираше дека е дадена маркица за зграда во реонскиот парк. „Станува збор за шпекулации и груби невистини изнесени од страна на некои портали. Од паркот нема да се одземе ниту милиметар зелена површина, одговорно тврдиме. Се работи за измена на план за кој Ѓорче треба да добие вистинско градско јадро кое ќе личи, на кое ќе има Корзо со кафетерии и други организирани содржини за сите возрасти“, велеше Наумоски. https://skopjeinfo.mk/pochna-da-se-gradi-spornata-zgrada-vo-parkot-vo-gjorche-petrov

Нема да биде зграда
-------------------------------------------------------------------
Општина Ѓорче Петров го враќа некогашното корзо

Градежната локација е со површина од 6.500 m², и во себе опфаќа повеќе целини кои треба да создадат атрактивна јавна површина. Локацијата за партерно уредување се дефинира на потегот на старото корзо во општина Ѓорче Петров, меѓу општинскиот парк и објектот на супермаркетот „Тинекс“, во правец север југ и меѓу трговскиот центар Емпорио и новопроектираниот кружен тек (бул. „Ѓорче Петров“ со бул. „Македонска војска“ ) во правец исток-запад.

Во моментов на теренот сеуште е присутна историската трага од некогашното корзо, кој е значаен споменик од минатото, а чија оска е пресечена со трговскиот центар „Емпорио“.

Проектот става акцент токму врз возобновување и враќање на сјајот на овој историски споменик. Крајниот концепт на проектот се обидува да го сочува доминантиот дел од постоечкото вертикално зеленило, додека останатото да го дислоцира во паркот во рамките на техничките можности.

Јавната површина која е дефинирана со проектот обединува повеќе простори/содржини во себе: Плочник, (Амфитеатар) Пјацета со скалиште, Корзо, Пјацета во пад, Детско игралиште. Плочникот е просторот каде се испреплетуваат сите пешачки оски , каде се пристигнува со јавниот автобуски превоз и од каде се очекува најголем прилив на посетители.

Позициониран е идеално, покрај булеварот и помеѓу двата кружни сообраќајни токови. Предвидено е со зелена бариера да се одвои јавниот од приватниот простор, додека кон плочникот ќе се креираат разиграни модули на зеленило, одмор и слободна површина во неколку повторувања. Кон „Емпорио“ е предвидена изведба на плочник во пад, колоритно разбиен, проследен со вертикално зеленило со поента во сопственото средиште – простор за современа скулптура, чија позиција и параметри се дефинирани во консултација со стручни лица.

Просторот кон корзото се ослободува целосно и со изведба на скалници и рампа се пристига на негово ниво. На скалниците во граничната зона со тротоарската површина на булеварот, се предвидува урбана перфорирана зидна структура со цел да се зголеми интимноста на јавната површина преку физичка бариера. Амфитеатарот(пјацетата со скалиште) е просторот кој добива тежина на плоштад.

Во рамките на истиот се предвидува површина за евентуално идно инкорпорирање на урбана опрема од монтажен карактер.

Корзото е оската на која се дава најмногу значење како шеталиште. Старата гранитна коцка се прередува по нова шема и се вклопува во новите материјали. Покрај корзото се позиционираат две кафетерии, два тобако локали и еден јавен тоалет. Предвиден е и паркинг за велосипеди за вработените и посетителите. Пјацетата во пад се поврзува со корзото и ги насочува посетителите кон истото, најавувајќи ги неговите содржини.

Детското игралиште е засебна целина позиционирана на местото на старото игралиште и се предвидува да биде во функција и на децата со попречености.

Во моментов општината ја спроведува со сопствени средства Фаза I од проектот која предивидува расчистување на теренот, рушење на непотребни остатоци од стари објекти, поставување на подземни инсталации, и бетонски работи.

https://skopjeinfo.mk/opshtina-gjorche-petrov-go-vrakja-nekogashnoto-korzo

Originally posted by ironm Нови фотки од променадата во Охрид, овојпат преку Охридпрес.цом. Се чини подолга ќе е од тоа што мислев, ја извртија и покрај каналчето пред дискотека Парк.

од фб

Ова шеталиште отсекогаш беше најрелаксирачко и најкористено место за Охриѓани (заедно со кејот). Со изградбата на променадата само се популаризира помеѓу туристите. Истото важи и за реконструкцијата на пешачката патека покрај каналот.

Циркусот продолжува. Се вадат дрвјата од плоштад Македонија.
Првземено од Твитер.

Хаха, нема копче лајк да ставам(модераторите да го апдејтуваат форумов?) па затоа тука ставам лајк х10 пати.

Edited by Graditelot - 02-May-2019 at 15:45

Превземено од Твитер.