Реонски Центар Аеродром

Проектот за општинска зграда на Аеродром на саем во Минхен

Проектот за зграда на Општина Аеродром ќе биде презентиран на саемот за неподвижен имот „Експо реал 2007“ во Минхен, како еден од најдобрите проекти од ...

http://www.utrinski.com.mk/?ItemID=10F91D8967ADD84599B0A3B1479B0A54

 (С.Н.)

Аеродром ја губи шансата за општинска зграда

Советот на Општината ја потврди одлуката на поранешниот заменик-градоначалник Југослав Зиберовски, со која земјиштето каде што требаше да се гради новата зграда му е вратено на Министерството за транспорт

Додека не се изгради новата зграда, Општината Аеродром ќе работи како кираџија во ЗУС

Општина Аеродром ќе изгуби 300.000 евра странска донација за изградба на општинска зграда, зашто поранешниот заменик-градоначалник Југослав Зиберовски на своја рака, без одлука на Советот го вратил градежното земјиште на Министерството за транспорт и врски, кое им било доделено на користење на 99 години. Ова обвинување го изнесоа советниците од СДСМ на последната седница на Советот на Аеродром.

Министерство за транспорт и врски на 1 февруари 2006 година склучило договор со Општината за траен закуп на градежно земјиште во Реонскиот центар Аеродром. Според договорот, општината имала обврска во рок од една година да почне да гради општинската зграда, а, во спротивно, Министерството за транспорт и врски ќе им го одзело земјиштето. Советниците велат дека Зиберовски го вратил земјиштето, иако никој немал право самоволно и без одлука на Советот да одлучи такво нешто, без разлика што изградбата не почнала во утврдениот рок.

- Парите за изградбата на општинската зграда се обезбедени од фондови на Европската Унија и се строго наменски. Тие се се' уште на сметката на општината, но изгледа ќе мора да ги вратиме, оти сега нема за што да ги искористиме - вели Мирослав Недевски, член на Советот.Поранешниот градоначалник Кирил Тодоровски на Зиберовски за самоволната одлука му поднел и кривична пријава за злоупотреба на службената должност. Но, на седницата, по предлог на новиот градоначалник Ивица Коневски, мнозинството советници, кои припаѓаат на коалицијата на ВМРО-ДПМНЕ, гласаа за повлекување на пријавата. Тие изгласаа и одлука со која му го вратија земјиштето на Министерството за транспорт, со што ја потврдија одлуката на Зиберовски, со објаснување дека мининистерството ќе најде инвеститор што ќе ја гради општинската зграда.

Новото седиште на Општина Аеродром треба да се гради на раскрсницата меѓу булеварите Јане Сандански и Србија, кај новата пошта. Според проектот, општинската зграда ќе има четири нивоа - подрум, приземје и два ката, со вкупна површина од околу 11.000 квадратни метри. Таа е замислена како административно-деловен објект со модерен изглед, подземен паркинг и современо партерно уредување. За нејзината изградба се потребни пет милиони евра, поради што поранешната администрација на Аеродром бараше стратегиски партнер, односно инвеститор, кој би ја изградил за компензација во деловен простор. Во 2007 година општинарите го презентираа проектот на зградата на саем во Минхен, каде што беше оценет со најдобри оценки. Додека не се изгради новата зграда, Општината Аеродром ќе продолжи да работи како кираџија во Заводот за унапредување на стопанството (ЗУС).

Асфалтирана улица во Реонски центар Аеродром