Метробус Скопје (Bus rapid transit / BRT)

Originally posted by user8642 Можеби делумно со бетонски бариери да биде одвоена лентата за автобуси за да неможе коли и комбиња да возат по резервираната лента, ама знам дека веспи и скутери има да растураат по БРТ лентата.

На скутерџии и веспаџии им е поедноставно да се бутаат меѓу сообраќајни ленти, по тротоари и по велосипедски патеки/ленти (сето тоа се исто така прекршоци) отколку да се бутаат на физички одвоена БРТ лента.

Сигурно ќе се најде по некој морон да се напика и на БРТ лента, ама решението за таквите е казнена политика. И ЛРТ да направиме, нема да биде имуно на такви идиоти.

На која станица застана брзиот трамвај на тркала во Скопје



Наредната недела се очекува предлог-законот за заем од ЕБОР да помине во Комисијата за финансирање и буџет, а откако ќе се усвои и на пленарна седница следен чекор би бил потпишување на договор за заем за изведба на двете линии кои би го поврзале источниот со западниот односно јужниот со северниот дел на Скопје
Идејниот проект за трамвајот на тркала од Ѓорче Петров до Ново Лисиче во моментов е во фаза на изработка и наскоро Град Скопје очекува да го добие. Во тендерската документација беше наведено дека трамвајот на тркала би се движел по крајната лева сообраќајна лента, а оваа рута би се поминувала за 35 минути
Најавуваниот трамвај на тркала во Скопје неколку месеци е паркиран на „станица“ во Собранието, од каде се чека зелено светло за заемот со кој треба да се финансира овој проект. Во сите обвинувања за кочење закони изминатиот период и маки на власта да обезбеди кворум за да ги изгласа, ова законското решение беше споменувано во групата важни закони кои треба да се донесат.

Еден ден откако парламентарното мнозинство од 62 пратеници се собра на број во собраниските клупи и ѝ изгласа доверба на владата, премиерот Зоран Заев во четвртокот (4 март) порача дека изгласаната доверба носи и одговорност да се одблокира работата на Собранието, а законот кој се однесува на трамвајот на тркала го наброја како еден од клучните.

Наредната недела предлог-законот треба да го помине филтерот во собраниската комисија
Предлог-законот предвидува задолжување со заем од 70 000 000 евра кај Европската банка за обнова и развој (ЕБОР) за финансирање на проектот „Воведување на брз автобуски превоз во Град Скопје“. Тој помина на владина седница на 17 ноември лани, по што беше испратен во Собранието за усвојување по скратена постапка. Во моментов се наоѓа на расправа во собраниската Комисија за финансирање и буџет. Како последна – осма точка, од дневниот ред на седницата број 13 е единствениот кој не го поминал филтерот во ова собраниско тело.

Рокот за отплата на првата транша од заемот е 15 години со вклучен грејс период од четири години. Првата транша од заемот ќе се отплаќа во 22 полугодишни рати на 20 април и на 20 октомври секоја година, започнувајќи од првиот датум од навршување на четвртата година од склучување на Договорот за заем. Рокот за отплата на втората транша од заемот е 15 години со вклучен грејс период од четири години. Втората транша од заемот ќе се отплаќа во 22 полугодишни рати на 20 април и на 20 октомври секоја година, започнувајќи од првиот датум од навршување на четвртата година од денот на достапноста за користење на втората транша“,

Проектот за брз автобуски превоз опфаќа две линии, а првата транша би се користела за финансирање на линија 1 со која трамвајот на тркала треба да биде во патен правец исток-центар-запад Ново Лисиче – Ѓорче Петров), додека втората транша за линија 2 односно југ-центар-север (Кисела Вода – Бутел).

Што понатаму?
Откако ќе се донесе предлог-законот, од Град Скопје велат следен чекор е потпишување на договор за заем на кредитот за ЕБОР за изведба на двете линии.

Градските власти засега не прецизираат рокови и нагласуваат дека динамиката на постапката понатаму ќе зависи од Европската банка.

Целата понатамошна постапка, поточно распишувањето на огласот за избор на проектант за изработката на основниот проект и целокупната пропратна документација за првата линија од БРТ Скопје, ќе го спроведува ЕБОР. Земајќи го предвид претходното, распишувањето на огласот, тендерската документација евалуација и понатамошната постапка, пред сè зависи од динамиката која ќе ја предложи и спроведе ЕБОР“,

Од Ѓорче Петров до Ново Лисиче за 35 минути
Во меѓувреме, Градот во јули лани објави тендер за изработка на идеен проект за линијата 1 – трасата од Ѓорче Петров до Ново Лисиче за брзиот автобуски превоз (БРТ). Есента 2020, пак, го потпиша Договорот за изработка на идејниот проект, и во моментов, велат оттаму, Градот наскоро треба да ја добие документацијата.

Проектот сè уште се изработува, но според тендерската документација, просечната должина на трасата треба да биде 12,81 километри, а проценките се дека приближниот број на патници кои ќе ја користат на дневно ниво е 65 000.



Проектантот треба да предвиди дека сообраќајната лента за движење на возилата на БРТ во однос на останатиот моторизиран сообраќај треба да биде одвоена со посебни разграничувачи, со исклучок на крстосниците каде што треба да остане можност за мешање со останатиот моторен сообраќај. Да се направи анализа што ќе се случи зимно време при чистење на снег и во зависност од резултатите да се даде мислење дали поставувањето на разграничувачи е неопходно или ќе биде доволно да се постави хоризонтална сигнализација. Ако се постават разграничувачи, истите по потреба да можат да се дислоцираат“,

Исто така, трамвајот на тркала би требало да се движи во третата односно крајната лева сообраќајна лента, а доколку тоа не е можно, од проектантот кој во моментов го изработува проектот, се бара да одреди како тоа е најизводливо.

Во случај да е изводливо крајната лева лента од булеварите да биде наменета за БРТ, на средниот дел кој ги раздвојува двата правци би се поставиле и станиците за чекање.

„Предлогот на Градот Скопје е автобуските настрешници да се постават на средишното зеленило и истите да се користат за двете насоки на движење. Во зависност од водењето на трасата на БРТ, проектантот да има предвид отворен и/или затворен систем на организација на автобуските настрешници“,

поред анализите на Секторот за сообраќај на Град Скопје, кои беа наведени во документите, оддалеченоста помеѓу автобуските би била помеѓу 500 и 900 метри, би имало 21 станица и 2 терминали, а вкупното време кое би било потребно да се помине трасата Ѓорче Петров-Ново Лисиче е 35 минути.



https://360stepeni.mk/na-koja-stanitsa-zastana-brziot-tramvaj-na-trkala-vo-skopje/

Сликиве заслужуваат почесно место во музејот на ЈСП.

@Clover имаше некои скици од проектот на Трифун, али да, не знам зашто помислив дека е некакво современо LRT решение.

Инаку, за многу битен минус на LRT опцијата кај нас може да се смета и тоа што не сме способни да менаџираме таков систем. Базични јавни претпријатија тешко функционираат, не па ова. Вандализам исто е нешто што не знаеме да спречиме, така да кај нас репарирање ќе треба да е на 5 години.

Сепак сериозна администрација треба да изработи барем идеен проект за LRT Ѓорче-Ново Лисиче, Јужен булевар, градски транспорт на постоечката пруга, како и врска со аеродромот. Без оваа основна мрежа не гледам како град со демографија и географија како Скопје може да се смета за сериозен и функционален европски град во 21 век. На страна од ова може и 50 BRT линии да има, ама мора да се знае и планира во иднина што е основата.

Originally posted by Cloverstack Па нели ми реплицираше мене, а јас никаде не спомнав електрични автобуси

Видов тоа што сакам да видам изгледа Видов дека примарно зборуваше за LRT, но потоа прочитав „електрични“ и изгледа ми се споија жичките - да работев на дизел немаше ваков проблем да имам .

Да да, апсолутно си во право за електричните шински возила. Ете, сепак ги апсолвиравме и електричните автобуси како (лоша) алтернатива.

Originally posted by Cloverstack Originally posted by гитардемон Плус, да не зборуваме за тие тешки батерии кои никако не може да се рециклираат (има цела дискусија тука колку малку од скапоцените метали може да се извадат и реупотребат, ама тоа кошта многу пари, и е само многу мал дел од батеријата). Ама ЛРТ нема батерии, а возила на хибриден погон имаат.

Е да де, ама муабетот беше за електрични автобуси VS компресиран природен гас.

https://www.google.com/maps/@-22.2110819,166.4658731,3a,75y,280.73h,70.21t/data=!3m6!1e1!3m4!1sAF1QipNqmxfjWHdzY2YovuKp1ncWYgZ-I8nrYDmDmc5s!2e10!7i6720!8i3360?hl=mk

https://www.google.com/maps/@-22.2108376,166.4651689,3a,75y,283.08h,70.81t/data=!3m6!1e1!3m4!1sAF1QipMejpe7_uWwW_f9geMuezMe4R91CxKEcf-XVr1w!2e10!7i6720!8i3360?hl=mk

https://www.google.com/maps/@-22.2106483,166.464571,3a,75y,153.75h,71.26t/data=!3m6!1e1!3m4!1sAF1QipMHsMNUUO4EuwAvkEk_Vp4epLQfvirIGbiIDZ98!2e10!7i6720!8i3360?hl=mk

Originally posted by zabegan БРТ=ЛРТ, не знам што ви прави разлика... поентата на двете е што се одделени од остатокот од сообраќајот и имаат поголем капацитет од многу автобуси единствена предност на ЛРТ во Скопје е што ќе можеше да се интегрира во железничкиот сообраќај а предност на БРТ е што е потребна минимална инфраструктура и е полесно за правење измени и додатоци

Од аспект на тоа колкав исчекор во добар правец би направиле со квалитетен ЛРТ/БРТ се согласувам дека нема некоја разлика. Насушно ни е потребно или едното или другото, ден поскоро. Исто така од аспект на патник, нема суштинска разлика дали е ЛРТ или БРТ, доколку е квалитетно дизајнирано и изведено. Но разлики има на други полиња.


ЛРТ е многу поголема стартна инвестиција, но поштедлив систем на долги стази.

Како прво возилата (иако потешки) се многу поекономични:
- директно електрично напојување од високонапонска мрежа
- електрични мотори по дифолт се далеку поефикасни од било каков мотор на течно гориво
- регенеративно кочење
- многукратно помал "rolling resistance"

Втора работа во однос на долгорочните заштеди, е што шинско возило на електричен погон, во принцип бара многу помалку техничко одржување отколку автобус со мотор со внатрешно согорување. Исто така имаат многу подолг рок на траење, па ако автобусот после 15-тина години и милион километри треба да го носиш на отпад, на шинското возило можеш да му направиш ремонт и модернизација (техничка и естетска) и да тера барем уште толку.


Е сега ние со CNG-хибрид правиме чекор во правец на поголема стартна инвестиција, а помали долгорочни трошоци, што е за поздравување. А исто така со CNG-хибрид имаме и големи еколошки бенефити. Не е исто како електричен трамвај, ама секако неспоредливо подобро од класични дизел мотори. Значи нашиов иден БРТ има карактеристики кои донекаде може да компензираат некои битни предности што ги има ЛРТ.


Други предности на ЛРТ се капацитетот на поединечните возила (ЛРТ во принцип е поадекватно за справување со шпицови) и безбедноста на патниците. Исто така и сам спомна, предност на ЛРТ барем во нашиов случај ќе беше што ќе можеше да се поврзе и да функционира на делови од постоечката железничка мрежа.

Но ЛРТ е прилично поригиден концепт. Тоа е особено крупна негативна страна кога не станува збор за во старт одлично испланиран и реализиран систем, туку за заебанции какви што се најавуваа кај нас, кои всушност никогаш не беа ЛРТ... Кај нас ќе отидеа многу пари за катастрофални решенија што понатака ќе беше тешко и скапо да се модифицираат и менуваат. БРТ е многу пофлексибилен, измени и прилагодувања се прават многу полесно и поефтино, а со оглед на моменталната ситуација на терен, од огромна важност е во Скопје да ни останат опции за опсежни измени и еволуција на системот.

И долгорочно гледано, можеби најважно од се: баш поради ригидноста на ЛРТ, мислам дека БРТ е во значителна предност во однос на иднината и има многу поширок простор за усовршувања со користење на идни трансформативни технологии, како и прилагодување кон нови концепти на функционирање на сообраќајот кои неизбежно ќе дојдат.



Edited by Cloverstack - 06-Feb-2021 at 04:17

Originally posted by <Fresno> Има многу нијанси на БРТ и ЛРТ. Ние ќе добиеме основна варијанта на БРТ, нецелосно одделена од останат сообраќај, со вркстување на секоја можна раскрсница и што нема да понира под Мал ринг. Овие 35 минути тешко дека ќе ги достигнеме, но останува да видиме. Овој коридор е оската на градот и ако збориме за долгорочни решенија треба да е LRT done right. Но не го гледаме тој филм како и да е, така да останува со автобуси да се задоволиме.

па кажи дека проблем се импровизациите, а не самиот тип на превоз
демек боље е да направиме проект што ќе не кошта дупло поскапо а ќе биде масивно импровизиран?

Originally posted by гитардемон Која би била пречката на трасата за BRT да се наредат шини по 10-15 години и да прерасне во LRT?

Ова го верглам цело време,зошто да чекаме и да се надеваме на нешто подобро за 10-15 години кога може сега од прва да се направи или барем да се почнепа по етапи да се гради,да поскапото но и милион пати поквалитетно и попривлчено решение.

Која би била пречката на трасата за BRT да се наредат шини по 10-15 години и да прерасне во LRT?