Ќе се гради бензинска кај Општина Карпош

Со законските измени кои наскоро ќе се најдат во собраниска процедура,
бензинските пумпи во земјава ќе работат 24 часа, а точењето на горивото ќе се врши без лица за опслужување, но и преку самонаплата

Бензинските пумпи во земјава ќе работат 24 часа, а точењето на горивото ќе се врши без лица за опслужување, односно со ставање на пари, магнетни или чип-картички. Ваквите бензиски станици ќе функционираат на принципот на самопослужување, но и на самонаплата, онака како што тоа е веќе се применува во земјите од Европската унија. Овие новини се содржани во Предлог -законот за дополнување на Законот за трговија коишто како предлог се изготвени од Министерството за економија, а со виза на Владата наскоро треба да се најдат во собраниска процедура. Како што информираат од ресорното министерство, спроведувањето на овие измени нема да предизвикаат финасиски импликации врз Буџетот, а, од друга страна, одделните субјекти нема да имаат материјални обврски за да го имплементираат.

Овие новини се интересни и за дистрибутерите на нафтени деривати во земјава. Тие ги поздравуваат оти им се дава можност сами да бираат дали ќе воведат самонаплата на бензиските пумпи или тие и понатаму ќе функционираат на досегашниот начин.
Од Макпетрол потсетуваат дека тие веќе имале еден ваков пилот-проект на самопослужување на бензиската пумпа лоцирана во ГТЦ (сега дислоцирана) и онаа на улицата "Орце Николов". Праксата покажала дека граѓаните немаат желба сами да си точат бензин.
- Драстично ни падна прометот, оти нашиот менталитет не е таков и најчесто граѓаните избегнуваа да ставаат бензин на овие пумпи, велат од Макпетрол. Тие укажуваат дека ако се воведе оваа автоматизација ќе се скратат и добра дел од работните места.Од компанијата информираат дека сите нови бензиски станици со малку инвестиција ќе можат да се прилагодат на самопослужување и самонаплата.

Она што ги загрижува дистрибутерите е што нашите граѓани главно се неодговорни и можно е да има чести проблеми околу наплатата на горивото.
Според Мите Јованов од Макоил, во трета смена вработените секојдневно се среќаваат со одредени проблеми. Најчесто граѓаните се обидуваат да стават бензин, без потоа да го платат.
- Вработените од трета смена најчесто реагираат дека некогаш морат да пријават во полиција, оти некој не ја платил сметката за бензин, односно им избегал - вели Јованов. Тој објаснува дека ако се усвои овој закон треба да се води сметка да се заштитат коплетно и дистрибутерите, а тоа значи не само да се инсталираат видео камери, туку и МВР да застане во нивна заштита.
За Јованов поставувањето на вакви апарати ќе биде и порентабилно, оти навечер прометот е драстично намален,а сепак мора да има најмалку тројца на работното место.

Ако тие се заменат со апарати, инвестицијата во автоматизација на пумпата ќе се компензира со платата на вработените, поради што ќе има намалување на работните места.
- Еден ваков апарат чини од 35.000 до 40.000 евра,парите ќе ни се вратат оти нема да имаме исплата на плати - вели Јованов. Тој објаснува дека во земјите од ЕУ граѓаните сами си точат бензин, а потоа влегуваат во објектот за да ја платат сметката, оти поретко има автомати и за самонаплата.

Во земјава и досега поболемиот број на бензиски пумпи работат 24 часа.
- Најавената новината ќе биде само тест за совесноста на граѓаните оти нашиот менталитет се уште не е достигнат на ниво на европските земји - сметаат дистрибутерите на горива и се плашат дека токму поради тоа можно е самонаплатата на бензиските пумпи и да не заживее.

Градоначалникот на општина Аеродром, Ивица Коневски и амбасадорот на Русија во Македонија, Владимир Солоцински свечено ја пуштија во употреба новата бензинска пумпа на руската нафтена компанија “Лукоил“, која се наоѓа на булеварот Србија во населбата Јане Сандански.

“Со влезот на нафтената компанија ’Лукоил’ ќе се укаже можност за отворање голем број нови работни места, каде што приоритет ќе инсистираме да имаат жителите на општина Аеродром. Од друга страна, оваа нафтена компанија работи еколошки и води сметка за здравата животна средина со тоа што вложува во производството на еколошки бензини кои ги задоволуваат стандардите на Европската унија“ изјави градоначалникот Коневски.

На свеченото пуштање во употреба на новата бензинска пумпа присуствуваше и поглаварот на Македонската православна црква, Архиепископот Охридски и Македонски г.г. Стефан, генералниот директор на ’Лукоил“ – Македонија, Андреј Куку, како и директорот на бирото за јавна безбедност, Љупчо Тодоровски.