Originally posted by Dexter26  Авторот/авторката нека си купи правопис по македонски јазик.  Самиот израз крак е повеќе од доволен за да се знае дека тој дел од трасата завршува на таа локација, односно дека не станува збор за транзитна траса.

Со оглед на тоа која екипа се потпишува позади порталот нова тв мислам дека е дегутантно да се коментира новинарското ниво и позадина. Но сепак не се согласувам дека ако е крак неможе да биде транзитен барем низ Македонија. Пример кракот може да завршува во Албанија а да поминува низ Македонија.

Кракот на Јужен тек ќе ни дојде од Србија и не е транзитен

Кракот на гасоводот Јужен тек за Македонија ќе пристигне од Србија. Тамошниот министер за рударство и просторно планирање, Милан Бачевиќ, за Танјуг изјави дека неговото министерство во соработка со компаниите Србијагас и Газпром почнало да ја собира неопходната документација за изработка на просторниот план за јужниот крак на Јужен тек кон Македонија.

Ова е првпат да се добие било каква информација за тоа од каде кракот на Јужен тек ќе влезе во земјава, но и прва информација која говори дека тој, за жал, нема да биде транзитен кон трети земји, туку ќе заврши на наша територија.

Јужниот крак на гасоводот Јужен тек низ Србија би требало да се состои од траса кон Македонија, при што еден правец од кракот ќе се одвои кон Косово, а втор кон Црна Гора и потоа се очекува и оваа земја да почне да добива гас од Србија, наместо како досега, од Албанија, вели Бачевиќ.

Одвојувањето на кракот кон Косово би било кај Мердаре или кај Подујево, објаснува министерот, а кога станува збор за Црна Гора, Србија би сакала овој правец да се протега покрај трасата на идниот автопат Пожега-Болјаре.

Изработката на просторниот план за кракот кон Македонија е во тек, а делницата кон Црна Гора допрва треба да се договори и сѐ уште е во фаза на идејна разработка – прецизира Бачевиќ. За делницата кон Косово, пак, тој не дава никакви појаснувања дали за ова се расправало со косовската страна.

Министерот наведува дека должината на овој јужен крак на Јужен тек низ Србија би требало да биде два пати подолга од главната делница на меѓународниот гасовод низ Србија, за кој веќе е усвоен просторниот план и донесен посебен закон. Со тој крак е покриен само северниот и североисточниот дел на Србија и Војводина и со него две третини од земјата нема да бидат покриени од гасовод.

Но, со овој јужен крак кон Македонија и со двата правци што ќе се одвојат од него кон Косово и Црна Гора, како и двата други правци од главниот гасовод кои ќе одат кон Хрватска и Република Српска, територијата на Србија ќе стане главната клучка на Газпром за Балканот од каде што ќе се извлекуваат гасоводни краци и правци за речиси сите соседни земји.

Србија ваков третман од Газпром добива и заради својата географска положба како централна балканска земја која има најмногу соседни држави, но уште повеќе заради нејзината геостратешка и геополитичка ситувација, односно нејзините посебни врски со Русија и фактот што преклани државната нафтена компанија Нафтна индустрија Србије (НИС) беше купена од Газпром.

Од друга страна, пак, ова за Македонија значи дека гасоводниот крак на Јужен тек, кој ќе пристигне во земјава, тука и ќе заврши, исто како и другиот гасовод, кој пристигнува од Бугарија и не продолжува никаде. Ова значи и дека Македонија нема да биде транзитна земја за природен гас, иако имаше очекувања гасот за Албанија и Косово да помине низ Македонија и со тоа земјава да заработува и од транзит (Газпром плаќа по 2 долари на 1.000 метри кубни гас на секои поминати 100 километри кога неговиот гас транзитира низ некоја земја).

Ова е штета со оглед на фактот што македонските власти имаа можност да излобираат Косово и Албанија да добиваат гас преку Македонија, наместо преку Србија. Србија, како што е многу добро познато, нема добри односи ниту со Албанија, а Косово не го ни признава.

Сепак, македонската Влада веќе најави дека во текот на месецов ќе биде потпишан договорот со Газпром во Санкт Петресбург и дека преговорите се завршени и условите договорени.

Тогаш веројатно ќе се дознаат и дополнителни информации, како на пример, колкав ќе биде капацитетот на овој крак за Македонија, како и неговата должина, која сѐ уште е непозната. Делницата на главниот гасовод Јужен тек, која ќе поминува низ Србија, ќе изнесува 424 километри, а правците кон Република Српска и кон Хрватска ќе бидат долги 160 километри.

http://novatv.mk/index.php?navig=8&cat=7&vest=4484

вероватно мерено во `руски` единици за растојание

Македонско – руска фирма ќе ја приклучи Македонија на Јужен тек

Приклучокот на македонскиот крак на гасоводот „Јужен тек“ ќе го направи мешовита фирма во која по 50 отсто од сопственоста ќе имаат македонската држава и „Газпром“. Ова е договорено при последната средба на македонската владина делегација на Русија на која се усогласени сите детали околу овој проект, па останува истото само да се ратификува од двете држави, пишува Дневник.

Притоа, станува збор само за многу кратко растојание од гасоводот, односно само за „влезот“ во земјата, а останатиот дел од кракот ќе биде македонска инвестиција. Kај нашите соседи, пак, Бугарија или Србија, каде што гасоводот минува во транзит, „Газпром“ има 51 отсто од сопственоста, а на државите им се оставени по 49 отсто.

Од каде ќе доаѓа „Јужен тек“ во Македонија с` уште не е познато и веројатно, како што велат извори од овој сектор, ќе зависи од тоа како ќе биде конципиран гасоводот на Балканот чие исцртување постојано трпи промени. А тоа, пак, зависи од исходот на приватизацијата на грчката компанија за гас ДЕПА. Имено, освен можноста кракот да влегува од Србија (како што веќе пренесоа српските медиуми изјава од „Газпром“), односно преку Ниш и Врање да доаѓа до Македонија и истовремено да оди за Kосово, с` уште се отворени опциите тој да доаѓа од Бугарија и да биде паралелен со сегашниот гасовод,, но исто така влезот да биде од Грција.

Што се однесува до делот од гасоводот кој ќе оди од Kлечовце до Kавадарци и кој треба да се изгради во голем дел со средствата што Русија ни ги должи од клириншкиот долг, упатени извори велат дека е при крај усогласувањето на деталите од договорот со руската фирма „Стројтрансгас“ која треба да ги заврши работите. Процени се дека изградбата ќе стартува во мај при што за целата должина од трасата веќе е завршена експропријацијата на земјиштето. Реализацијата на оваа делница ќе овозможи гасификација на повеќе општини кои во меѓувреме ќе добијат време да ја подготват инфраструктурата во своите општини за приклучување на гасоводната мрежа, пишува Дневник.

Истите одговори кружат уште од август 2012 година, верувајте дека нема апсолутно ништо ново променето:

Интервју - Се' е подготвено за старт на првата фаза од проектот

Крсте Миладинов, директор на Македонски енергетски ресурси

Повеќето од кандидатите за градоначалници во својата кампања најавуваат гасификација на своите општини. Колку се реални нивните ветувања, ако се има предвид дека станува збор за обемен и сложен проект?

Тоа не е ни малку случајно. Кандидатите за градоначалници сметам дека имаат и обврска да ја почнат процедурата за гасификација, односно дистрибуција. Во Скопје, Крива Паланка, Куманово и Кратово има услови уште денес да почне ширењето на дистрибутивната мрежа.

Но, не е различно и со градовите каде што почнува изградбата на првата фаза од проектот - гасификација на земјата, Клечовце - Штип - Кавадарци. Сите поблиски и подалечни општини на оваа делница можат паралелно да почнат постапка за изградба на дистрибутивна гасоводна мрежа. При тоа, на нив останува да одлучат кој најефикасен модел ќе го применат, дали ќе користат сопствени средства, грантови или ќе влезат во јавно приватно партнерство.

Министерството за транспорт и врски во почетокот на 2013 година објави оглас за доделување договор за јавна набавка за изработка на физибилити студија за развој на дистрибутивни мрежи на природен гас во Република Македонија што претставува јасен показател за сериозниот пристап на Владата за обезбедување стабилно снабдување со енергенси.

При тоа, треба да се спомене дека проектите за изградба на магистралниот гасоводен систем се завршени во 2012 година, а изградбата во првата фаза треба да почне со потпишување договор со руска компанија која ќе го гради овој дел од магистралната мрежа. Средствата, како што се знае, се обезбедени од клириншкиот долг со Русија од 60 милиони долари и средства од буџетот во висина од 15 милиони долари. Се очекува кон средината на 2013 година да почне реализацијата на овој проект.



Значи, за гасификација на земјава не треба да се чека приклучувањето на Македонија кон „Јужен тек“?

Така е. Не треба да се чека. Македонија веќе има гасовод со капацитет за пренос на осумстотини милиони кубни метри природен гас годишно, кој во изминатите петнаесетина години е искористен само десетина проценти. Постојниот капацитет е доволен за да се продолжи со процесот за гасификација на државата. Значи, постојат сите предуслови за почнување на проектите за изградба на магистрални и дистрибутивни гасоводни мрежи. Секако, со развој на гасоводната мрежа и приклучување на индустријата, комбинирани гасни електрани и градовите, планирано е потрошувачката на природен гас да биде и преку две милијарди кубни метри природен гас годишно. Поради тоа потребно е да се обезбеди нов влез на природен гас во земјава. Затоа приклучувањето на Македонија кон проектот „Јужен тек“ е исклучително важно и стратешко прашање, кое Владата го постави како приоритетно.

Кои ќе бидат обврските на Македонски енергетски ресурси?

МЕР АД Скопје е задолжен за изградба на нови преносни мрежи, односно реализација на националната стратегија за гасификација на Република Македонија, што е предвидено да почне на средината на оваа година со средствата од клириншкиот долг од Руската Федерација. А, продолжувањето со градба на останатите делници од магистралниот гасовод во 2014 година ќе биде со средства од кредитните линии на ЕБРД и други извори на финансирање.



Постојат ли некакви пресметки колку ќе го чини едно семејство приклучувањето на гас?

Има одредени процени за приклучувањето на домаќинствата на системот за дистрибуција на природен гас, како и краткорочни и долгорочни процени за цената на природниот гас, како појдовни параметри за изработка на студијата за гасификација. Интересот кај граѓаните за приклучување е голем и затоа треба добро да бидат информирани. Сепак, битно е дека приклучувањето нема да претставува обврска, туку, напротив ќе биде личен избор на секое домаќинство. Но, суштината и предноста е тоа што изборот ќе биде збогатен со уште еден нов, еколошки и секако конкурентен енергенс – природниот гас.



Дали цената на гасот ќе зависи од бројот на општините што ќе бидат приклучени?

Да, цената на гасот ќе зависи од бројот на општините што ќе бидат приклучени, како и од вкупната потрошувачка на природен гас во земјава. Што значи, таа ќе биде пониска со зголемување на број на потрошувачите, односно со зголемување на потрошувачката.

Извор: Утрински весник, http://www.utrinski.com.mk/default.asp?ItemID=048A51A1DC66D5429380119E2E4255ED

Кога сме веќе кај гасифицирање на јавни установи, толку ли им е проблем од цефката што ги напојува гимназиите Георги Димитров и Здравко цветковски, да се пушти крак преку партизанска и да се покријат гиманзијата Никола Карев, Градинката Орце Николов, основното училиште Лазо Трповски, Поликлиниката Букурешт и Целиот објект на војна болница, да не спомнувам дека за Педагошки факултет потребно е само да се помине под бул Октомвриска револуција. А кога веќе ќе стигнат до војна болница не гледам причина зошто не се поврзат и Базенот Младост и СРЦ Борис Трајковски.

valjda vo narednite 10 god ke ja zavrsat taa j.. studija.pa daj ne go lazete narodot kazete veke ednas nema pari za gasifikacija ima drugi prioriteti da ne se lazeme i gotovo ne mlatete prazna slama veke 7-8 god veke nikoj ne paga na takvi finti nema smisla veke od lazenje i mlatenje prazna slama. MOJ REVOLT

Ако добро се сеќавам од мојот разговор со директорот на МЕР, капацитетот на постоечкиот гасовод може да се зголеми со ваква надградба, но мислам дека ја спомна сумата од некои 20%. Тоа е премалку, ако земеме во предвид дека Куманово целосно ќе се гасифицира, речиси е сигурно дека ќе градиме гасовод до ТЕЦ Неготино која извесно дека ќе прејде во гасна централа, плус Штип и Неготино кои ќе се гасифицираат. Во Скопје е сигурно дека целата индустрија околу град ќе го користи гасот, така што тоа не е трајно решение...

abe koga stavreski veli ima znaci ima i tocka i crno da e ako kaze belo  znaci belo e

мислам дека има добри шанси за доаѓање на гасот во Македонија,фирми од најмалку две држави пројавиле интерес да градат гасни турбини покрај ТЕЦ Неготино и ТЕЦ Битола,а како услов нормално е да се доведе прво гасот.

како што имам чуено,фирмите(од кои едната е државна) сакале да го купат цело ЕЛЕМ па да градат гасни турбини,но нашите барале тоа да оди со метод на докапитализација.

наводно начелно е договорено за грасните турбини,па живи били па видели