Првачињата од Драчево добија ново основно училиште

Градоначалникот на општина Кисела Вода Билјана Беличанец Алексиќ, заедно со амбасадорот на НР Кина во Македонија Вен Џеншун и министерот за образование и наука Абдулаќим Адеми денеска го пуштија во употреба новото основно училиште „Рајко Жинзифов, симбол на кинеско – македонското пријателство“ во скопската населба Драчево. Образовниот објект се протега на површина од 4.500 метри квадратни и се состои од 35 училници, 5 кабинети и училишна библиотека. Покрај зградата, новото основно училиште располага со фудбалско игралиште, кошаркарско игралиште, атлетска патека и простор за слободни активности на отворено во рамките на дворот, кој се протега на 16.000 метри квадратни.


*Извор на фотографија: општина Кисела Вода

Финансиската конструкција на овој проект изнесуваше 4 милиони евра, кои се целосна донација од НР Кина. Проектната документација ја изработи IPPR, градежните активности ги изведе компанијата B.A.R. ECE, додека како подизведувач беше ангажирана фирмата ЛИНИКА. Комплетираната училишна зграда е новиот простор за образование на 82 првачиња, кои денеска го имаа првиот училишен час. Во основното училиште „Рајко Жинзифов, симбол на кинеско – македонското пријателство“ годинава настава ќе следат вкупно 704 ученици.

http://www.build.mk/?p=38383

Основното училиште во Дабиле се подготвува за новата учебна година

Во основните и средните училишта во општина Струмица, традиционално, летниот распуст се користи за изведување на работни активности со кои се подобруваат условите за изведување на наставата. Најголем дел од училиштата веќе ги завршија планираните активности, а во останатите се во тек.
Во општинското основно училиште „Свети Кирил и Методиј“ од населеното место Дабиле, од вчера почна санацијата на фасадата, по што истата ќе биде бојадисана. Бојадисување се врши и во внатрешноста на училиштето, а според најавите на директорот Зоран Христов, во наредните денови ќе се врши поплочување на влезовите во училиштето и санација на оградата во училишниот двор...







http://strumicadenes.mk/osnovnoto-ucliste-vo-dabile-se-podgotvuva-za-novata-ucebna-godina/

Бројни активности во ООУ,,Герас Цунев‘‘-Просениково

На помалку од еден месец пред почетокот на новата учебна година, во ООУ,,Герас Цунев‘‘ од Просениково, завршени се или се во тек неколку значајни активности.
Покрај редовните ангажмани карактеристични за овој период од годината кои опфаќаат молерисување на просториите и ситни поправки на инвентарот, извршена е и комплетна реконструкција на канцелариите и училишната кујна. Во тек е и изградба на фекална и атмосферска канализација во училиштето како и адаптација и реконструкција на две училници за потребите на учениците од прво одделение и набавка на нов инвентар за истите. Според информацијата од директорот на училиштето Ванчо Манолев, наскоро ќе се работи и во училишната спортска сала, со што досегашниот ламинат ќе биде заменет со паркет. Според Манолев, ООУ,,Герас Цунев‘‘од Просениково подготвено ќе го дочека стартот на новата учебна година.






извор:Општина Струмица

УЧИЛИШТЕТО, ДОНАЦИЈА ОД KИНА, ГОТОВО ДО СЕПТЕМВРИ



Новата зграда на ОУ „Рајко Жинзофов“ во населбата Драчево ќе биде подготвена за настава во новата учебна 2014/2015 година. Дел од учениците од ова училиште, поради урнивањето на старите бараки, наставата ја следеа во ОУ „Kузман Шапкарев“ и во гимназијата „Браќа Миладиновци“. Изградбата е донација од Kина.

Од Општина Kисела Вода информираат дека градежните активности на училиштето во населбата Драчево се одвиваат во согласност со работниот план.

- Проблемите што беа од административна природа и предизвикаа одредени застои при реализацијата на овој проект се надминати. За надминување на проблемите беше потребно време и голем ангажман од сите релевантни фактори кои беа вклучени во овој проект - велат општинските власти.

Тие додаваат дека во моментов се одвиваат финалните градежни работи на училишната зграда и активности за партерното уредување.

Изградбата на ова училиште од страна на владата на Kина ја најави претходниот градоначалник на Kислеа Вода, Марјан Ѓорчев, на почетокот на 2012 година. Старите бараки во кои се одвиваше наставата беа урнати во јули истата година. Родителите беа незадоволни што училиштето не е готово, а нивните деца учат во две училишта заедно со повозрасни деца, односно средношколци, и протестираа. Последното образложение од Општината за одлагањето на почетокот на работите беше поради неусогласености со проектната документација.

Новото училиште за кое е склучен договор меѓу владите на Kина и Македонија ќе има приземје и два ката, како и спортска сала. Тоа ќе биде опремено со клупи, столови, табли, училиштен прибор, што исто така ќе биде обезбедено од Kина, како и хортикултурното уредување на околината. Беше најавено дека во новото училиште ќе се воведе предмет по кинески јазик, кој нема да биде задолжителен, за што е предвидено да дојде наставник од НР Kина.

Изградбата на ОУ „Рајко Жинзифов“ е комплетна донација на Kина, во вредност од 3,9 милиони евра, која е дел од билатералната соработка помеѓу Владата на Република Македонија и владата на Народна Република Kина.

http://dnevnik.mk/?ItemID=5D8836D6888DAA48BDF22F3262EEE586

Приватно училиште Максимилијан во близина на Градски парк (спроти градинарскиот центар, речиси на самиот почеток на паркот)

DSC04434 by george k. 1981, on Flickr

DSC04433 by george k. 1981, on Flickr

DSC04435 by george k. 1981, on Flickr

Edited by Џоле - 26-Jun-2014 at 13:23

Сакав оваа вест во новинарштина да ја пуштам. Ама ај кога веќе е овде да ми разјасни што точно е изградено.
Поточно како е можно во 26 соби да се сместат 140 студента.
Или сепак се работи за 4 паваљони со ПО 10 соби во секој од нив и 4 со ПО 16 соби во секој. Со што би дошле до бројка од 104 Соби.

Кинеска донација, ОУ Војдан Чернодрински, Драчево.
Прозорците се наместени, се фасадира, ама не видов кровот до каде е. Веројатно ќе пробаат да го отворат во новата учебна година.

http://www.dodaj.rs/f/11/2S/1W5AvZTk/img20140614132552.jpg

Двете најголеми основни училишта во Куманово – Браќа Миладиновци и Крсте Мисирков ќе добијат нов лик



Основните училишта ”Браќа Миладиновци” и ”Крсте Мисирков” ќе добијат нов лик, односно, двете училишта се реконструираат со средства обезбедени преку Европска Централна Банка и локалната самоуправа на Куманово. Двете училишта се најстари училишни објекти кои функционираат веднаш по ослободувањето на градот, и во следните четириесет дена, се очекува реконструкцијата да биде комплетно завршена.





Повеќе на http://www.kumanovskimuabeti.mk/dvete-najgolemi-osnovni-uchilishta-vo-kumanovo-brak-a-miladinovtsi-i-krste-misirkov-k-e-dobijat-nov-lik/?utm_source=rss&utm_medium=rss&utm_campaign=dvete-najgolemi-osnovni-uchilishta-vo-kumanovo-brak-a-miladinovtsi-i-krste-misirkov-k-e-dobijat-nov-lik#

Денес забележав дека на средното училиште Јосип Броз Тито во центар има некоја табла за реновирање. Исто така дека прозорите се сменети и дека на фасадата од левата страна има поставено скелиња. Се работи за реконструкција на училиштето само незнам точно што ќе се реконструира освен фасадата и прозорите, ако успеам да дознаам ќе пишам.

Originally posted by daci92 Што се случи со истрагата ? Кој и што е виновникот за пожар во училиште старо една година? Извинете ако ова е негде напишано а јас сум го пропуштил.

Не можат да се најдат никакви информации на интернет, но веројатно се работи на негово оспособување за настава зашто беше релативно нова училишна зграда.