Аеродроми

Според планот на СДСМ треба да се изгради пруга од околу 2.5 километри, така што не би требало да чини повеќе од 3 милиони евра (според compassinternational.net High speed double track on new stone rail road stone bed, Low Cost per Km е $1443750. Пругата Бељаковце-Крива Паланка, во многу потежок терен, чини околу 4 милиони евра по километар: 136 милиони евра за 36 километри). Потоа ќе треба да се купат гарнитури за превоз, а претходно да се осмисли концептот за приградска железница и да се реформираат ЈСП и МЖ. Исто така, треба да се изгради и станица или терминал (што може, но не мора, да биде работа на ТАВ).

А новата Влада е избрана за да ја подобри државата. Составен дел од тоа се и критиките од страна на јавноста за сите нејзини грешки. Тоа што на одредени лица не им е познат концептот на одговорна Влада и одговорни граѓани, доведе до формирање на злосторничко здружување маскирано во партија, т.е. партии кои ја користеа државата да се стекнат со пари и моќ. Се надевам дека новата Влада е многу добро запознаена со концептот на одговорност и критика (што е многу различно од критизерство).

Edited by Staro Skopje - 11-Jan-2018 at 18:05

Зошто ТАВ да гради канализација? И канализацијата, и железничкото поврзување на скопскиот аеродром се работа на државата, ТАВ треба да ги вложи парите директно во авиосообраќајот - подобрување и, доколку е потребно, проширување на двата постоечки аеродрома во државата, доколку веќе не гради нов.

Малку ви е и овааа, баравте добивте, ќутете си!!

P.S. „ред се редат мале“

Битно некои имаа време да си пофантазираат за железничко поврзување со скопскиот аеродром

Со парите за карго аеродромот ќе се гради канализација

Нема да се гради Карго аеродромот кај Штип. Парите што турски ТАВ требаше да ги инвестира во градба на аеродромот ќе треба да ги вложи во изградба на канализација. Ова денеска за Алсат М го потврди и министерот за транспорт и врски Горан Сугарески.

„Во јавни добра кој се од интерес на граѓаните на Македонија а пред се во најголем дел од парите ќе бидат во канализација иако министерството за транспорт и врски има веќе распишани тендери.Но генерално тие 45 милиони евра ќе се сведат на изградба на канализација.“ – изјави Горан Сугарески -министер за транспорт и врски

Од „ТАВ Македонија“ пак велат дека сеуште не знаат ништо, ги чекале инструкциите од Владата за да може да постапат и да решат каде и во што ќе ги вложат парите со кои требаше да го градат карго аеродромот. Првиот човек на ТАВ Алпар Ерсој смета дека најдобро е парите да се распределат во проширување на аеродромите во Скопје и Охрид.

„Постои веке дебата за ова , но нема конечна одлука да не се гради карго аеродромот и да се распределат парите .. Доколку Владата донесе таква одлука ние ке дејствуваме согласни нивните инструкции и парите ке бидат распределени во Скопје или Охрид или во други проекти” – вели Алпар Ерсој – директор на ТАВ Македонија

Според извори на Алсат М, најверојатно од вкупо 60 – сете милиони евра што турската компанија требаше да ги вложи во карго аеродромот 45 – милиони евра ќе се вложат во канализација а останатите 15 милиони евра најверојатно ќе се инвестираат во проширување на аеродромот „Свети апостол Павле“ во Охрид. Изградбата на карго аеродромот е неизвесна уште од пред неколку години кога владата предводена од Никола Груевски одлучи наместо во Струмица, карго аеродромот да се гради во Штип. Но, заради лошото струење и силината на ветерот овој важен проект нема да може да се реализира.

http://www.alsat-m.tv/mk/%D1%81%D0%BE-%D0%BF%D0%B0%D1%80%D0%B8%D1%82%D0%B5-%D0%B7%D0%B0-%D0%BA%D0%B0%D1%80%D0%B3%D0%BE-%D0%B0%D0%B5%D1%80%D0%BE%D0%B4%D1%80%D0%BE%D0%BC%D0%BE%D1%82-%D1%9C%D0%B5-%D1%81%D0%B5-%D0%B3%D1%80%D0%B0/

Ми се чини дека треба да се внимава со охридскиот аеродром, особено да не се оди со мегаломански идеи во однос на некој идна терминална зграда што би се градела. Овој аеродром служи за превезување на 150.000 патници во моментов. Се плашам да не излезе празна аеродромска зграда, со минимален број на патници. Треба да следуваат вкрстени анализи за сместувачкиот капацитет на охридското крајбрежје, капацитетот за привлекување на патници од поширокиот регион, проектите за изградба на автопат и железничка пруга што ќе минуваат крај аеродромот итн. Сите планови околу охридскиот аеродром треба да се базираат на реални факти.

Сметам дека најголем дел од средствата треба да бидат пренасочени кон скопскиот аеродром. Не знам какви се капацитетите за карго превоз, но веројатно дека тоа би било приоритет при инвестирањето, земајќи го во предвид фактот дека нема да се гради карго аеродромот во Штип. Старата аеродромска зграда „боде очи“ како потенцијал, не зборувам само за објектот, туку и за самата парцела до аеродромот.

Железничката врска до скопскиот аеродром за мене е приоритет. Таа треба да ја гради државата, да го доведе возот до самиот аеродром, но самата просторна локација на истата, проектната документација за станицата и поврзување со терминалот е работа што треба да се дискутира со ТАВ. Оваа железничка врска ќе им служи и на граѓаните што живеат во овој дел на Скопје, може да овозможи формирање на комбиниран превоз за овој дел на Скопје, на индустриската зона Бунарџик...

Воедно, на аеродромот му фали хотел или каков и да е сместувачки капацитет.Тоа е мој впечаток

Повеќе од сигурно е дека во Штип нема да се гради Карго аеродром , досегашните испитувања докажуваат дека има ветер и нема услови за изградба на такво нешто , исто така и не верувам дека скопскиот аеродром ќе се проширува , бидејќи ете и самите турци изјавиле доколку немаме национален превозник такво нешто нема да се прави , така што најдобро барем за сега би било целосна реконструкција и модернизација на Охридскиот аеродром и по можност негово проширување , а за Скопје решавање на проблемот со старата зграда , а изградба на железничка врска од скопје до аеродром е преголем залак што чисто сумљам дека би се остварило такво нешто , но да не шпекулираме , има доста добри идеи што и како би требало да се вложат тие пари а да бидат искористени на најдобар можен начин ,како и да е нас никој не не слушша , но ете ќе видиме следната недела баш што ќе смислат

Јас мислам дека најдобро би било изградба на железничка станица и пругата до Бунарџик. Може евентуално да се користи и за карго доколку има потреба. Но да, мислам дека најлогична и најдобра инвестија во овој момент, за државата да заштеди а да добиеме вачна инфраструктура, која можеби на почеток и нема да биде потполно искористена, е тоа... Железничка врска. Јас за тоа навивам. Не знам колку ќе чини, но ако не стигнат парите од ТАВ може и да државата да фрли некој денар. Но не верувам да чини многу, 3 км макс се, нема многу експропријација (претпоставувам низ касарната ќе поминува негде), релативно рамен терен е... не би требало да чини повеќе од 10-15 милиони самата пруга, дупла и електрифицирана, и една тип топ станица не би требало да чини повеќе од 10-15 милиони евра, така да целата инвестиција не би требало да е повеќе од 20-30 милиони евра... јес да мислам дека и тоа се многу...

Ако случајно останат пари, може да се искористат за некоја доградба или средување на Охрид. Но мислам дека железничка врска до Скопје треба да е приоритет.

Во нишката остана незабележано, дека како оператор на линијата Скопје-Александар Велики влегол нов играч на местото на Вардар Експрес и тоа: http://www.manoragroup.com/

Originally posted by pbanks Реално во моментов нема потреба од тоа, иако и мене би ми било кејф да се среди. Најдобро би било турците да инвестираат во скопскиот и охридскиот терминал. Веројатно и двата се предоволни за сообраќајот кој го реализираат и кој ќе го реализираат во догледно време, но со оглед на тоа дека турците се обврзале да ја инвестираат сумата пари со концесијата, тоа треба да се искористи и не треба да им се прости.

Во овој дел апсолутно се согласувам и плус од бизнис и маркетинг аспект не е изводливо дуплирање на содржините, на тој начин ќе дуплираш трошоци и содржини а ефектот ќе биде ист па може и полош... тргнувајки од паркинг, фришопови, сендвичари, кафе ресторанти и тнт...

Мислам првично најдобро би било(немам стручни познавања ако некој знае нека сподели-односно дали е полезно и изводливо) да се направи ILS на пистата и од правец 16 односно од страната на Бунарџик.. а секако, надоградба на сите содржини во склоп на Аеродромот а и надоградба на патничкиот терминал и платформа во Охрид!
*пред некое време, имаше идеа од странма на ТАВ и Владата за изградба на Хангар кој би се дал под концесија на одреден оператор за сервисирање на авиони(Луфханза Техник, Адриа Техник и многу други.....) со што би се отвориле упте поголеми перспективи на Скопскиот аеродром а со самото тоа и зголемување на бројот на летови(без патници)