Милениумски Крст

do kade e so izgradbata na liftot.se nadevam deka za letoska ke bide podgotven za upotreba i so cenata na vleznicite redovno ke se odrzuva krstot.konecno posle tolku godini da ozivee i mileniumskiot i zapusteniot krst na vodno.

Originally posted by La Linea Мислите ќе биде готово пред јуни? Или 10 јуни?

Да не ти се брза тебе

Панорамски лифт низ средината на Милениумскиот крст Поглед на цело Скопје, од Сарај до Драчево и од Водно до Радишани. Единственото место од каде што може да се види тоа се краците на Милениумскиот крст на врвот на Водно. Ова искуство ќе им биде овозможено на скопјани и на посетителите од другите градови за две-три недели, кога се очекува да проработи панорамскиот лифт, кој ќе поминува низ средината на крстот. Цената на влезницата допрва Ќе се утврди Десетина работници од фирмата “Емо” од Охрид секојдневно работат на крстот и монтираат дел по дел од конструкцијата на лифтот. Тие објаснуваат дека тој ќе може да пренесува до осум лица, а ќе биде застаклен од три страни. На тој начин, како што ќе се движат нагоре, на патниците постепено ќе им се открива главниот град, населба по населба, се до краците, од каде што ќе можат да ги забележат и најоддалечените делови на Скопје. Одењето по краците, пак, е посебно искуство кое работниците го споредуваат со лебдење низ воздухот, затоа што подот е направен од челична мрежа низ која се гледа подножјето на крстот. Градежниците веќе го поставиле моторот што ќе ја влече кабината. Целата механизација е наместена на височина од педесетина метри над основата. Околу просторот за движење на лифтот има скалила оградени со мрежа, а направени се и четири врати за излез во итни случаи. Работниците деновиве ја склопуваат кабината и ги монтираат нејзините елементи. - Работиме забрзано и се трудиме што поскоро да овозможиме лифтот да проработи, но зависиме и од временските услови. Се наоѓаме на врвот на Водно, а овде и ветрот може да биде проблем. Работата не е едноставна, но не е ниту многу сложена. Многу потешко беше кога го монтиравме крстот, дел по дел - раскажуваат работниците. Благој Дојчиновски, претседателот на фондацијата „Милениумски крст“, најавува дека откако лифтот ќе се направи и ќе се тестира, веднаш ќе биде пуштен во употреба за посетителите. - Тие што ќе сакаат да се качат до краците ќе треба да купат билет, но цените се уште не сме ги утврдиле. Кога ќе се завршат работите ќе ја определиме сумата што ќе треба да ја плаќаат граѓаните. Тогаш ќе ангажираме и луѓе што ќе ја вршат наплатата - додава Дојчиновски. По лифтот Ќе се прави и жичница Дојчиновски додава дека поставувањето на лифтот не била единствената активност на крстот, туку се правеле и други градежни зафати, пред се ѕидарски работи на подножјето. Тој вели дека засилено работеле и на подготовките за почеток на изградбата на долгонајавуваната жичница до врвот на Водно. - Определена е трасата, но треба да се направат геолошки испитувања на почвата каде што би требало да се постават столбовите. За сите активности треба да добиеме дозвола од Министерството за транспорт, а и општината Центар треба да ја вметне жичницата во деталните планови. Се надеваме дека овие процедури ќе завршат наскоро, па ќе почнеме со изградбата. Планираме и ресторанот да му го издадеме на тој што ќе ја направи жичницата - објаснува Дојчиновски.

http://www.novamakedonija.com.mk/DesktopDefault.aspx?tabindex=0&tabid=1&EditionID=1012&ArticleID=54533

Ако го има некој проектот нега го пушти да ги расчистиме дилемите!

Мислам дека ресторанот е измеѓу двете платформи. Ама не ми е логично тука да биде. Ја како што знам најдоле треба да има црква. Не иде кафиќ врз црква!

ЗА ПОГОЛЕМА АТРАКТИВНОСТ НА МИЛЕНИУМСКИОТ КРСТ

Жичарница од Рамстор до врвот на Водно

Фондацијата "Милениумски крст" и Општина Центар бараат коинвеститор за изградба на жичарата, а до крајот на април ќе почне поставувањето на лифтот, застаклување на ресторанскиот дел и заштита на плочите

Фондацијата "Милениумски крст" до крајот на месецот ќе продолжи со градежните работи на Милениумскиот крст, а заедно со Општината Центар се бара и коинвеститор кој би ја градел жичарницата на потегот од трговскиот центар Рамстор до врвот на Водно. Деновиве Фондацијата очекува да ги добие и средствата кои од страна на Владата беа префрлени во Македонска банка која во меѓувреме беше ликвидирана.

- На просторот меѓу ТЦ Рамстор и старата железничка станица во Деталниот урбанистички план постои маркица за оваа намена. Сметаме дека Милениумскиот крст ќе биде многу поатрактивен за туристите и попосетен доколку жичарницата тргнува од центарот на градот отколку од Средно Водно како што беше планирано. Иако за пократката верзија имавме заинтересирани фирми меѓу кои е и австриската Лајтнер специјализирана за изградба на жичарници, сметаме дека можноста жичарницата да тргнува од Рамстор ќе биде поинтересна и за самите инвеститори, вели Благоја Дојчиновски, претседател на Фондацијата Милениумски крст.

Од Општина Центар потврдуваат дека би учествувале во изградбата на жичарницата со средства до 20 проценти, но и додаваат дека иако има заинтересирани фирми, конкретни понуди сеуште не стасале. Оттаму велат дека проектот за жичарницата која би се градела во две фази и тоа од Рамстор до Средно Водно и од Средно Водно до врвот ја претставиле и на саемот во Минхен минатата година, како и на Форумот на иселениците.

Со 4,417 милиони денари, средства што Фондацијата со судско решение треба да ги врати од Македонска банка, пак, до крајот на април треба да отпочне заштита на плочите, монтирање на лифтот и застаклување на просторот кој е предвиден за ресторан.

Отпочнувањето на градежните работи, сепак, ќе зависи од временските услови, бидејќи според Дојчиновски, прво на крстот треба да се монтира новиот громобран со оглед дека стариот бил прегорен. Од Фондацијата очекуваат и донација за партерно уредување околу Крстот. Иако до Градот беше доставено барање извадената коцка од улицата Македонија да се искористи за таа намена, градските власти планираат таа повторно да се врати на истото место, со цел да се сочува автентичноста на овој дел од централното градско подрачје.
http://vecer.com.mk/?ItemID=4087CCDDA164A34EA36487319BBF9D73

Што бара почетната станица меѓу НЛБ и Рамстор? Зарем таму не треба да поминува рампа од Јужениот булевар?

Да беше прв пат ваква најава можеби ќе поверував

Aвстријци сакаат да градат жичарница до крстот Фирмата „Лајтнер“ сака жичарницата да ја земе под концесија Претставници од австриската фирма „Лајтнер“, заинтересирана да ја гради и да ја добие под концесија жичарницата до Милениумскиот крст, начелно се согласиле со проектот што го изработува скопската проектантска куќа ИНПУМА. Тие на средбата со проектантите се интересирале за трасата по која ќе се стигнува до крстот. Немале ништо против жичарницата да тргнува во близина на „Рамстор“, па преку поранешниот хотел „Панорама“ да продолжи до крстот на Водно. Вкупната должина на трасата изнесува околу 4,5 километри и ќе се гради во две фази. Австријците побарале мали попрецизни корекции на поставеноста на носечките столбови. Благоја Дојчиновски, претседател на Фондацијата „Милениумски крст“, треба исто така, да се сретне со претставниците на „Лајтнер“ и да му ја соопштат цената за изведување на проектот. Според него, ако претходно изведбата чинела околу 5 милиони евра, кога проектот предвидуваше жичарницата да тргнува од „Панорама“, сега веројатно ќе чини многу повеќе. Тој додава дека во Фондацијата веќе се обратиле двајца инвеститори кои сакаат да вложат во жичарницата. Дојчиновски не ги открива нивните имиња се' додека не се дефинира дали тие ќе ја прифатат цената за реализација на проектот што треба да му се соопшти „Лајтнер“. Сепак, и двајцата се изјасниле дека во проектот ќе бидат вложени осум милиони евра. Едниот од инвеститорите е повратник од Австралија, а другиот сопственик на кафеана. (Сн.К.) Статијата е прочитана 27 пати. Утрински весник

Edited by La Linea - 07-Mar-2008 at 00:35