Метробус Скопје (Bus rapid transit / BRT)

Идејниот проект во март, се чека на Собранието за потпишување на договорот за „трамвајот на тркала“

Градот Скопје во текот на март очекува да го добие идејниот проект и пропратната документација за првата линија на брзиот автобуски систем (БАС) во Скопје на потегот од Ѓорче Петров до Ново Лисиче. Градските власти за „Мета.мк“ велат дека немаат никакви најави за доцнење во изработката на идејниот проект, за кој беше склучен договор за проектирање минатата есен.

По изработката на идејниот проект, градските власти ќе треба да ја стават на увид на јавноста документацијата за тоа како ќе изгледа функционирањето на првата линија од „трамвајот на тркала“, која ќе биде долга 12,81 километри, ќе има 21 автобуска постојка и 2 автобуски терминала.

Откако ќе се изработи идејниот проект, следен за подготовка е основниот проект, коj ќе бидe стожер на изведбата на брзиот автобуски систем.

„Распишувањето на огласот за избор на проектант за Изработката на основниот проект и целокупната пропратна документација за првата линија од БРТ Скопје, ќе го спроведува Европска банка за обнова и развој (ЕБОР)“, велат за „Мета.мк“ од Град Скопје.

Динамиката со која ќе се изготвува основниот проект зависи од реализацијата на кредитното задолжување кај ЕБОР, која пак во моментов се наоѓа на разгледување во Собранието на РСМ. Кредитот од 70 милиони евра за двете БРТ линии во Скопје се наоѓа пред собраниската Комисија за финансирање и буџет, а откога ќе го помине овој филтер, предложениот закон за должување кај ЕБОР во второ читање треба да се најде пред пратениците на некоја од следните собраниски седници. Документот што земјава планира да го склучи со ЕБОР може да се разгледа овде.

Првата транша од кредитот на ЕБОР во висина од 47,6 милиони евра треба да се искористи за изработка на основниот проект, изградба на првата БРТ линија, но и за идните депоа во Ѓорче Петров и Ново Лисиче, реконструкција на булеварите и улиците по кои ќе минува трасата, набавка на нископодни автобуси на компримиран природен гас, систем за управување со сообраќајот, систем за управување со возниот парк, систем за информирање на патниците и систем за наплата на билети.

Втората транша од 22,4 милиони евра ќе се реализира како подоцнежна фаза, и тоа за реализација на втората БРТ линија од Кисела Вода до Бутел. Покрај заемот од ЕБОР, банката ќе додели и неповратни средства за техничка поддршка за имплементација на двете линии од „трамвајот на тркала“.

Од Град Скопје велат дека договорот за кредитот со ЕБОР ќе се потпише откога законот ќе биде изгласан од пратениците во Собранието.

Инаку, со првата БАС линија од Ново Лисиче до Ѓорче Петров и обратно би се патувало за 35 минути, со комерцијална брзина на автобусите од околу 19,2 километри на час. Ова ново средство за масовен превоз во Скопје ќе биде физички одвоено од постојниот коловоз, а би се движело по средината на булеварите и улиците низ кои ќе поминува трасата.

https://meta.mk/idejniot-proekt-vo-mart-se-cheka-na-sobranieto-za-potpishuvanje-na-dogovorot-za-tramvajot-na-trkala/

па не мора да се форсира проектот, дел по дел, може да се направи таму каде што има можност и смисла, па во иднина да расте каде што треба
нешто слично како што можеше да се направи почетно ЛРТ кое ќе ја користеше железничката мрежа

Жива глупост е ова... неверојатно...

Уште една сликичка за албумчето. Ова чинам е депото во Ѓорче.

Edited by fichot - 26-Jan-2021 at 02:08

Зар има некој што сериозно верува во рализација на самопрогласеново "метро" ? Исто колку што се реализираа:рекорд пешачка зона,модерни фасади (од светски архитекти лоол),нова универзална,обалкодери,нов луна парк,студентски кампус(РАЈ),тунели под кале,подземни улици под плоштад.....милион капитални ветувања НУЛА(0) резултати.
Најголем проект им е што урбаната мафија тотално ја предадоа во рацете на албанските компании.

Само треба да се пази тие 70 мил. кредит што ќе го земат да не си го поделат меѓу себе ко што направија за милијарда и пол последниве 6 месеци,а ако си го поделат да лежат в затвор.

Да не ширам скептицизам, ама решениево толку измени некако трпи во од додека се проектира, да дури мислам дека го љупат како кромид, слој по слој го љуштат од све што изгледало добро на почетокот на идејата "трамвај во Скопје" пред неколку години. Све што изгледало да потсеќа на трендовите во големите европски градови сега гледаме дека ќе остане за понака, за втора линија, за втора фаза итн...

Со појавата на гасните автобуси во сегашниот јавен автобуски превоз, и со враќањето на зглобните долги автобуси, некако како од две различни страни да се приближуваат ситуациите во сегашниот постоечки ЈСП од една страна, со идејата за Метро-бус од друга страна. И како што се приближуваат двете крајности ќе стигнат до една заедничка спојна точка што се вика "резервирана трета лента за јавен превоз" која би функционирала на Партизанска и на Јане Сандански, нормално зашто само и тамо има начин како да се постигне. И тоа е тоа basically она што ние што ќе го видиме во Скопје на темата јавен превоз од сите овие студии и еуфорија што ќе се крева до локални избори. И тоа ако имаме среќа да го видиме, зашто досега таквата идеја еднаш заврши со обични гумени прегради кои се распаднаа за неколку месеци без enforcement од полицијата и без оддржлив модел за тоа да остане трајна функционалност. Не очекувам овој пат да заврши ништо поинаку.

За депото може и ќе видиме камен темелник и слични фанфари, не е тоа исклучено. Ама понатаму ќе се искористи практично за замена на едно од сегашните депоата на ЈСП во Автокоманда и Ѓорче, или двете, кои некој од сега си ги мерка и си ги таксал изгледа за изградба на згради, му се виделе како бадијала неискористен простор на кои супер ќе легнат грди поткровја П+7+Пк како што се упропасти цело Скопје. Или што би се рекло на македонски политички јазик, "бомбона бизнис". Ќе им земеме пари на ЕУ за да ни изградат ново депо, нема да треба да трошиме пари за реновирање на псотоечките, ќе купиме неколку зглобни автобуси што ќе ги викаме метро за пред народ, ќе наредиме гуми по Партизанска што ќе ја викаме трета лента и плус ќе си лапнеме простор за згради. Win-Win за сите инволвирани. Да не биде ширење скептицизам и дефетизам, ама ова е едно сосема можно изводливо сценарио имајќи на ум што све сме виделе досега во Македонија особено кога станува збор за урбаниот развој и управување со градот.

Затоа, сите активисти и новинари што навратувате или читате воопшто тука по форумов, време е уште од сега да го потрупате градоначалникот и градската администрација со правите прашања и во ГУП-от од сега за ги натерате да зацртаат паркови, за да не биде после доцна! Од трамвај/метро/бус нема ништо во Скопје и не паѓајте на прикаскиве за мали деца. Доста навлажнување на глупи scetch-up-и, дури не се ни рендери. Доста потемкинови села, доста муви прелетување во кадарот, за да не се гледа вистинската сликата позади.

Edited by user8642 - 20-Jan-2021 at 03:09

Популарното наречено #АвтобускоMетро годинава почнува да станува реалност. Екипи на Град Скопје деноноќно работат на овој долгогодишен скопски сон !!!
Со Бас Рапид Транзит ќе овозможиме траса која ќе биде физички издвоена од останатиот сообраќај.
Ова е проект на Град Скопје, коj е финансиран од Владата, кој обезбедува многу побрз и побезбеден транспорт, и со тоа и намалување на загадувањето во воздухот





https://www.facebook.com/p.shilegov

Originally posted by Cloverstack Originally posted by stef4o Само мора да се најде чаре со застанување на крајна десна лента за да се заврши работа до банка,да се купи сендвич итн итн бидејќи со тоа и со БРТ ќе остане само една лента за возење и ќе биде ептен хаотично. Апсолутно! Само што јас не сум сигурен дали постои таква работа како сообраќајна полиција, или се работи за урбан мит.

Нели конечно за 2021 се најави формирањето на општинска полиција која ќе дели казни за вакви работи. Ете сега ги фузираа сите инспекторати во еден, а од догодина со амин на владата ќе започнат да функционираат и општинските полиции.




_______________________________________________________________

Originally posted by stef4o и патем мора да поработат на синхронизација на семафорите многу се распар и несразмерни барем за овој дел околу Транспортен

Дел од BRT системот се уреди во автобусите кои го синхронизираат семафорот за да може автобусот да помине непречено на зелено. Во пракса ако сите возат со нормална брзина тоа ќе значи зелен бран, но ако си побрз од автобусот ќе начекаш црвени светла.




_______________________________________________________________

Originally posted by Cloverstack Освен Влајко, на линијата 1 засега има премин (подземен) само кај Скопјанка. Мислам дека во најмала рака во старт треба да се направат уште барем 4 подземни премини, за коишто и денес без БТР има огромна потреба.

И јас се прашував нешто слично пред некое време, и сфатив дека зависи и од формата на постојките:

Originally posted by гитардемон Со самото тоа што постојките ќе бидат во средишното зеленило, значи дека ќе треба да се изградат некои нови и безбедни пешачки премини (по можност подземни), и да се отстранат постојките кои веќе постојат (бидејќи ќе треба да се укинат сите веќепостоечки линии на главните улици). Исто така, дали автобусите би имале вакви врати со цел да се користат подигнати платформи на станиците (нема да бидат постојки туку цели станици), а станиците влезови со физички бариери како овие?

_______________________________________________________________

Originally posted by Cloverstack

Од сликава мислам дека супер би легнала една линија 1А (или линија 3) која ќе се дели од постојната и ќе го преминува Вардар кај мостот на АСНОМ, малку низ Ќерамидница и потоа на Никола Карев/Пластичарска, преку турбо кружниот тек кај Хубо на Скупи, па назад кон оригиналната траса преку мостот на Љубљанска кај City Mall.