ВЛАДАТА СЕ МИСЛИ ЗА ДОГОВОРОТ СО ЈУЖНОКОРЕЈСКИОТ КОНЗОРЦИУМ
„Хајер“ останува, „Тривју“ си оди?

Рада И. Маневска

Владата се уште не решила што ќе прави со договорот потпишан со кинеско-јужнокорејскиот конзорциум „Хајер и Тривју“ за изградба на фабрика за компјутери и за ЛЦД во „Бунарџик“, истечен на крајот на минатиот месец. Сепак, се надева дека инвестицијата нема да пропадне бидејќи кинескиот производител на компјутери „Хајер“ најавил дека нема да се откаже од инвестицијата.
- Прво треба да се заврши процедурата за веќе потпишаниот договор со конзорциумот, па потоа да се види што ќе се прави со еден од инвеститорите. Владата се уште не решила што ќе прави со договорот што истече минатиот месец – вели Виктор Мизо, директорот на Агенцијата за странски инвестиции
Од Владата објаснуваат дека причината за пробивањето на рокот на изградба на фабриката била што еден од инвеститорите, јужнокорејскиот производител на ЛСД „Тривју“ имал финансиски проблеми, додека Кинезите биле заинтересирани сами да градат во „Бунарџик“.
Владата сега се мисли дали да му даде втора шанса на кинескиот производител на компјутери „Хајер“ и да ја спаси најавената инвестиција.
Стручњаците толкуваат дека според нашето, но и меѓународното законодавство, не може да се поништи договорот ако еден од инвеститорите сака да ја реализира инвестицијата.
- Доколку инвеститорот што не сака се повлече од најавената инвестиција е сериозен во намерата и при тоа нема суштински промени во постојниот договор тогаш Владата и инвеститорот само треба да се договорат за новите рокови на почеток и на крај на инвестицијата - вели професорот Осман Кадриу.
Според него, состојбата битно би се променила ако Владата или инвеститорот бараат да се вметнат нови содржини во договорот. Тогаш ќе треба да потпишат нов договор.
Но, вели тој, треба да се има резерва во сериозноста на инвеститорот.
- Досегашната практика покажа дека странските инвеститори, главно, се повлекуваат поради правната несигурност и другите проблеми што ги имаат во државава, кои ги спречуваат брзо да ја реализираат инвестицијата - објаснува Кадриу.
Аналитичарите коментираат дека одливот на инвестициите се должи на тоа што во Македонија покрај продолжената криза, постои и нееднаков третман на инвеститорите. Во Владата, пак, објаснуваат дека такви движења биле разбирливи во година на економско заздравување, каква што е оваа, но дека ќе има крупни инвестиции во наредниот период.
Нема од каде да дојдат нови инвестиции, а главната причина за намалената активност на компаниите е економската криза и состојбата во Грција, оцени деновиве и Виенскиот економски институти. Тој прогнозира дека годинава во државава нема да дојдат повеќе од 150 милиони евра странски инвестиции.


Инвестиции само во најава


Податоците на Народна банка на Македонија говорат дека во првиот четири месеци од годинава во државава се остварени 20 милиони евра помалку инвестиции од лани. До април годинава се остварени 70 милиони евра странски инвестиции, а лани во истиот период биле остварени 90 милиони евра.
Трендот на одложување на инвестициите почна уште минатата година. Францускиот „Монтипе“ ја одложи градбата на фабриката во „Бунарџик“, хрватски „ Агрокор“ не почна да гради, нема ништо и од изградбата на „Сончев град“ на Водно, а ТАВ само ги презеде аеродромите и се уште ништо не инвестира. Турската „Шише џам“ неколкупати го одложува почетокот на градбата на фабриката, а италијанската компанија „Текнохозе“, потпиша договор за закуп на земјиште во слободната зона „Бунарџик“, но од инвестицијата нема трага.

http://www.vreme.com.mk/DesktopDefault.aspx?tabindex=5&tabid=1&EditionID=2071&ArticleID=144772

cccc

Рокот за изградбата на фабриката во Бунарџик е пробиен

Александар Момировски	Коментари (3)

30.06.2010 15:57

Виктор Мизо

Рокот е пробиен, инвеститорите ги нема, а Владата допрва ќе одлучува што ќе преземе по пропаѓањето на Кинеско - Корејската инвестиција на Бунарџик. На последниот ден кога Хаер и Тривју требаа да ги постават темелите на фабриката за компјутери и ЛЦД монитори, на Бунарџик ниту трага ниту глас од нив.

Наместо фабрика, празна ливада. Овде беше планирано да се гради производствениот погон на Хаер и Тривју. Наместо тоа двете компании и се приклучија на непопуларната група инвеститори кои се откажаа од Бунарџик.

Македонските закони предвидуваат раскинување на договорот веднаш штом ќе истечат роковите, но официјалниот став на Владата е дека ќе чека заедничка информација за случајот од Агенцијата за странски инвестиции и дирекцијата за слободни економски зони. Врз основа на тие информации ќе одлучи што понатаму.

Сепак неофицијално се дознава дека пред две недели во Владата биле претставници на кинеската Хаер кои кажале дека од нивна страна се уште има интерес, но инвестицијата виси поради нарушени односи со нивните јужнокорејски партнери од Тривју.

Првиот човек на Агенцијата за странски инвестиции вчера најави дека ќе се постапува според прописите.

„Сето она што е врз основа на договорот кој постои со таа или било која компанија, ќе се постапи врз основа на сите тие договорни процеси и ако постои некакво прекршување, соодветно ќе се постапи“, рече Виктор Мизо, директор на Агенција за странски инвестиции.

Ако се реализираше влезот на Хаер и Тривју ќе беше една од ретките инвестиции од далечниот исток во Македонија. Кинеско-Корејската инвестиција во земјава беше најавена на голема врата. Лани во септември гостите беа пречекани на највисоко владино ниво.

Со договорот со Владата за закуп на локација во Бунарџик ветија инвестиција од девет милиони евра и вработување на повеќе од 100 луѓе. Наместо тоа оставија само трева и грмушки.

http://www.a1.com.mk/vesti/default.aspx?VestID=124809

лсл, проблемот овде е што повеќепати најавуваната инвестиција сеуште ја нема, а не дали таа ќе биде исплатлива за инвеститорот. Нема ама баш ништо спорно некој да искоментира за нереализирањето на политичките ветувања и најавените инвестиции, се разбира доколку тие коментари се без гола политичко-партиска заднина, но таквите тенденции во дискусиите секако треба да ги избегнуваат сите.

Нишката е индустриски објекти и зони. Кој каде фрлал лопата не е предмет на расправа, а најмалку дали тоа се покажувале како успешни инвестиции или не. Во секое нормално општество, фирми нови се раѓаат и стари пропаѓаат. Така да, да не го почнуваме тој муабет ќе замолам.

Три вју ги пробива роковите- наместо багери, рамно поле на Бунарџик

Италијанската „Текнохозе“ ќе инвестира во Бунарџик Италијанската компанија „Текнохозе“ ќе инвестира во производствен капацитет во слободната зона Скопје 1- Бунарџик За таа цел во вторник Антонио Витило, сопственик на компанијата, и директорот на Дирекцијата за технолошко-индустриски развојни зони Марјан Јованов ќе потпишат договор за закуп на земјиште во слободната економска зона. Според неофицијалните информации, „Текнохозе“ ќе произведува армирани гумени црева, кои се употребуваат во автомобилската индустрија и во градежништвото. Инвестицијата на италијанската компанија беше најавувана од вицепремиерот Зоран Ставрески уште во јануари минатата година. Според тогашните најави, италијанската фабрика требаше да почне со производство во период од шест месеци. Потпишувањето договор за закуп на земјиште ќе биде во рамките на италијанско-македонскиот бизнис-форум, кој идната недела ќе се одржи во Скопје. На форумот ќе присуствува заменик-министерот за економија во Владата на Италија, Адолфо Урсо, и ќе учествуваат 35 италијански и 60 македонски компании. http://novamakedonija.com.mk/NewsDetal.asp?vest=515101031375&id=10&prilog=0&setIzdanie=21984

Не дека гледам црно ан работите, но што е толку одлично? 128-те вработени ли? Или веќе 12 годишните ветувања од страна на секоја влада за економски бум и зона покрај Скопје со 20 000 високо стручни вработувања? Што фактички би овозможило егзистенција на најмалку 40 000 души. Крајно време е народот да престане да се задоволува со трошки, а да ги подигне очекувањата во таа мизерна земја, тотално слепо црево на Европа и на Балканот!

Владата најголем инвеститор во „Бунарџик“

За две години Владата инвестирала најмалку 25 милиони евра во инфраструктура во сите македонски слободни економски зони, во кои наместо странски брендови, царуваат „шарените крави на големата ливада“

Владата е најголемиот инвеститор во слободните економски зони во земјава, покажуваат пресметките. Но, освен владините инвестициите во инфраструктурата и помпезните панделки и нови лопати, зоните останаа празни, без фабрики. Само за две од вкупно 11 години, колку што „Бунарџик 1“ постои, но само на хартија, инвестирани се речиси 25 милиони евра во слободните економски зони во земјава. Истовремено, милиони евра се исцицани од буџетот за водоснабдување, електрификација, гасификација, фекална и атмосферска канализација, проектни документи, геолошки елаборати, улиците, придружни објекти, огради, сообраќајници, терминал за товарни возила нивелација на парцели... се' тоа за пречек на странските инвеститори кои никаде ги нема. Нема информации колку чинела експропријација на земјиштето и други придружни работи за слободните економски зони во земјава. За сето тоа време вкупно две странски компании инвестираа во „Бунарџик 1“. По крахот со инвеститорите нема информации кои странски компании Владата планира да ги смести во „Бунарџик 2“, чија изградба почна завчера. Најавено е дека зоната може да издржи изградба на 20 фабрики, кои би вработиле околу 5.000 луѓе. За 95 хектари слободна економска зона ќе се потрошат 3,5 милиони евра од буџетот, а слична е цената и на најавените нови зони во Штип и во Тетово.

За Марјан Јовановски од Дирекцијата за технолошки индустриски развојни зони, не е веќе ова познатата ливада со шарени крави: завршена е експропријацијата на земјиштето и изградена е сообраќајна мрежа во должина од 7 километри. Единствено ги нема инвеститорите. Факт е дека странските брендови не сакаат да чујат за земјава и покрај големите бенефиции што им ги нуди Владата во слободните зони. Во „Бунарџик 1“ се најавуваа француски „Монтипе“, словенечка „Искра“, италијански „Орланди“, турски „Шишеџам“ и редица други, но сите се откажаа. Како последен грандиозен проект што власта бомбастично го најавуваше беше јужнокорејско-кинеската инвестиција на „Хаер и Тривју“, но засега нема ништо од тоа. Премиерот Никола Груевски објасни дека Корејците го пренасочувале производството од ЛЦД во ЛЕД-монитори, па затоа доцнеле. Тој и министерот без ресор Веле Самак веруваат дека следува голем инвестициски циклус во земјава, па затоа се гради нова зона иако првата зјае празна.

- Полека кризата ќе се намалува, ќе заминува и сакаме подготвени да го дочекаме тој период по една година и да имаме доволен простор за располагање, да не се случи некој да не можеме да го прифатиме само зашто нема изградено инфраструктура во зоната - изјави завчера премиерот Груевски.

За експертите, најавата за нов инвестициски циклус кој ќе ја „снајде“ земјава е само нов крах на Владата за да се прикријат ефектите од првиот циклус, кој не успеа.

- Го поздравуваме почетокот на изградбата. Мислиме дека тоа е вистински потег во вистинско време, имајќи предвид дека Владата очекува инвеститорски бум. Бумот почна со поставувањето на Веле Самак и Глигор Ташковиќ како министри за привлекување странски инвестиции. Потоа, визијата за инвестиции од 8 милијарди евра од март лани и најавата за инвестициски бум од 2011 година на премиерот Никола Груевски. Тоа реално не' доведува во опасност да немаме доволно капацитети и инфраструктура да ги примиме сите инвеститори. Под вакви околности прашање е дали и „Бунарџик 2“ ќе биде доволен за да ги смести сите странски инвеститори што доаѓаат. Уште сега треба да се размислува да се продолжи визионерството кон изградба на „Бунарџик 3“ - изјави економскиот аналитичар Ден Дончев.

Според него, треба сериозна анализа зошто и како земјите привлекуваат странски инвестиции. За него е погрешно да се промовира евтината работна рака како предност.

- Ако е така, тогаш зошто Сингапур и Хонг Конг го привлекуваат најголемиот дел од инвестициите во Азија кога најевтина работна рака има во Северна Кореја и во Лаос. Клучни се продуктивноста на работната сила, капацитетот за иновација и реалното образование на вработените. Ние заостануваме во овие три категории - Дончев.

Немањето стабилна политичка клима и бизнис-клима за него се основните проблеми што ги одвлекуваат странските инвеститори.

- По 20 години независност немаме стабилна политичка клима и некои од главните политички прашања се' уште се нерешени. Тоа не овозможува перцепција за стабилен поврат на капиталот што се инвестира. Инвеститорите сметаат оти е неисплатливо да се инвестира во земјава. А, перцепцијата за бизнисот е побитна од реалноста. Потребно е да изградиме стабилен имиџ, кој е побитен од 1.000 реклами. Само еден збор од менаџер на докажана меѓународна компанија ќе направи непроценлива штета споредено со добивката од рекламите - вели тој.

Според него, бизнис-климата се' уште е лоша бидејќи постојат големи бирократски процедури, премногу сложени законски прописи кои го отежнуваат бизнисот, економијата е нелиберализирана и не е лесно да се води бизнис. Тој смета дека „прво треба да ги решиме овие проблеми, а потоа да ги вознемируваме кравите на ливадите околу Скопје“.

http://www.dnevnik.com.mk/?ItemID=1C8B06C117905C49AAB85183C2939443

Стартуваа градежните активности на новата технолошка зона

Понеделник, 29 Март 2010 11:19

Во саботата свечено беше одбележано стартувањето на градежните активности на новата индустриско-технолошка равзојна зона. На свечената церемонија присуствуваше и претседателот на Владата, м-р Никола Груевски. Според површината, новата технолошка зона во Штип ќе биде најголема во Македонија со површина од 206 хектари. Според директорот на технолошко-развојни зони, Марјан Јованов, на локацијата ќе можат да се изградат 50 фабрики со што ќе се овозможи вработување на над 10.000 лица. Економската слободна зона треба да биде готова за една година а во неа ќе бидат инвестирани околу 7 милиони евра. Со планот на Владата предвидена е изградба на 11 вакви технолошко-индустриски зони низ Македонија. http://www.stip.gov.mk

Еве некој полурендер од МИА за ова Тривју фабриката.